*متقوليش فات الميعاد*
هشتكى لك هجر قلبك
يا اللى قلبى بس حبك
عشت عمرى كله ليكى
بس ليه يا حلوه هجرك
كنت شايله ف نن عينى
كنت رسمه فوق جبينى
عشت ليكى العمر شارى
وانتى دايما بتبعينى
عشت احلم ليل نهار
وابنى ليكى ف قلبى دار
وانتى تقلك كان تملى
يبنى بينا ميت جدار
م اللى قال التقل صنعه
يا اللى حبك ناره والعه
إوعدينى يا شمس عمرى
تبقى ليا بكره طالعه
يا اللى قلبى وحده حبك
أوهبى لى نبض قلبك
هتلاقينى ليل نهار
بين ايديكى انتى وحدك
مد ايدك وإلمسينى
وبحنانك حسسينى
حسسينى انى ليكى
وان عمرك ما تسيبينى
ابتدى سطرين جداد
كونى ميه وكونى زاد
اعلنى بينا السعاده
متقوليش فات الميعاد
كلمات / رضا أبو الغيط
