جارى التحميل
استخدم زر ESC أو رجوع للعودة
عطشان ونفسى ف بسمتك
تروينى منها وأسعدك
نفسى ف حنان ويا الأمان
نفسى ألاقى سكتك
هو ليه فوق الخدود
عنيه شايفه دمعتك
ولا ليه كُتر السدود
فين يا حلوه ضحكتك
هو مين فينا اللى خان
ولا مين ملهوش أمان
أنا اللى عاشق من سنين
والقلب فاض منه الحنان
رد قولى ليه بتبكى
فضفضيلى بس واحكى
هو مين غيرى هيسمع
ولا مين غيرك هيشكى
احكى قولى ع اللى فيكى
ولا ليه دمعة عنيكى
هو مين هيخاف عليا
ولا مين هيخاف عليكى
انتى فرحه وطارحه ليا
انتى روحى وحاسه بيا
حالف أشيلك يا حبيبتى
جوا قلبى وف عنيا
كلمات / رضا أبو الغيط
أعجبني
المصدر: (( عطشان ونفسى ف بسمتك)بقلم الشاعر \ رضا ابو الغيط
