بلاد الدهب
...................
قلت يا سندباد العجب
متعرفش فين بلاد الدهب
قال بلاد الدهب بعيدة
و ان روحتيها مش هتكونى سعيدة
عيشى احسن فى بلاد التراب
الناس فيها كلهم اغراب
و هتبقى فيها على طول شباب
قلت بس الدهب غالى
قاللى لازم تطلعى جبل عالى
و الجبل مليان و حوش
و مين عنك يحوش ؟
قلت الوحوش و حوش ما بينكروش
لكن البشر قلوبهم قاسية و ما بيرحموش
قاللى يا بنت تعبتينى معاكى
هى الدنيا عملت اية وياكى
قلت يا سندباد شفت فيها العجب العجاب
من طفولتى و انا شعرى شاب
ملقيتش فيها عقل حكيم
و لا حتى قلب رحيم
يعمل لله حساب
قاللى خلاص قومى يا بنتى
اطرقى الابواب
و شوفى نصيبك و سط الضباب
و ارمى حمولك على العاطى الوهاب
...........
بقلم عزة الشربينى