اضغط هنا لزيارة موقع الرابط

😭{ختان حنه}

........................

‫#‏امل‬-فرج
.......................
كسروا الجناح منها
ضاعت ماهيش عايشه
ربطوها { بمرابعه }
الرابعة .اهى ماتت
الاولة كسروه
جناح ونفسه يعيش
التانية ليه ضاعت
مش عارفة تنبت ريش
التالته آه ربطوه
قال ايه ده كان سنة 
الرابعة ليه ماتت 
من جهلهم حنه
حنه دى كانت طير
فرحان قوى بريشه
ميهمهاش الغير
ويا الورود زاعقة
تتلهف الاغصان
وفليلة كات كالحلم
تشبه ملايكة موت
صلبوها عالشجرة
جسدها كان يرتعش
ما بين حلال وحرام
وبيبتروا لسانها
لسانها صاح دخان
رماده بين رجلها
والدم فـ جنابها
ازاى بقى تزقزق
زغروته كات شهقات
ويا الجروح شافت
فرحة بدون احساس
ايه ذنبها حنه
بتقصوا ليها لسانها
ده متخلقش سفاح
ربك كده خلقها
بلبل يكون صداح
العفة مش بامواس 
ولا ختن م الجته
من جهلكم ماتت
قبل ما تتحنى

طيره وماسكينها