اخواتي الحبيبات في كثيرات كان عندهم الرغبه لتعلم التريكو
ابدأ ونتعلم سوا
اعرف الكثير عن التريكو وححاول امدكم بكل المعلومات الي عندي عشان نستفيد مع بعض
ودي مقدمه بسيطه عن التريكو
فن التريكو
التريكو هو شغل من الاشغالي الي بالخيط ولكن يستخدم فيها ابرتين(صنارتين)
وهو بيعطي نتيجه سريعه شويه عن الكروشيه وفي بعض انواع من الخيوط بيبقي احسن لو عملتيها بالتريكو عن الكروشيه
اولا: الخيوط المستخدمه
نوع الخيط بيكون بأختيارنا يعني احنا عاوزين نعمل ايه وفي انواع كثيره من الخيوط القطن والصوف والبلوليستر والحرير ......الخ
في حاجه مهمه جدا لازم ناخد بالنا منها واحنا بنشتري الخيط وهو الlable
وبيكون مكتوب عليه ماركه الخيط ووزنه وممكن يكون مكتوب عليه الكي علي كام درجهحراره وبيتغسل علي كام درجه حراره والاهم من كل ده
هو انه بيبقي مكتوب رقم الابره الي مفروض نستخدمها مع نوع الخيط ده وكمان الحجم الي بيطلعلنا لما نشتغل قطعه مثلا 10*10سم عشان نبقي عارفين احنا محتاجين خيط قد ايه
ثانيا:الابر المستخدمه
ابر التريكو احجام وانواع كثيره
الابر الدائريه لشغل الملابس قطعه واحده والمفارش الدائريه
الابر الخاصه بعمل الجوانتي (القفازات)
وفي ابر خاصه بعمل الحردات والرقبه
وحجز الغرز لغرزه الضفيره
ساحة النقاش