أنا مش ليكي
ــــــــــــــــــــــ

كنت فاكر إن حبي
هو آخر طوق نجاه
ولما آجي أشكي ليكي
الدموع تصبح سماه
حاولت كتير أداري صمتي
صرخت كتير بدون الآه
دايما في الدنيا كنت وحدي
وما لاقيتك ياويلاه
مش لاقيلك وصف خالص
عايز حبك ليا خالص
كل يوم يمر بيا
الدمعة تحضن عينيا
تجرحيني وتصالحيني
أما أزعل بتصارحيني
إن قلبك دايب فيا
أنا فاكر
إني ساكن كده جواه
وبتمثل ليه
كده عليه
انك دايما بتهواه
وبتتمشي فحدود أسواره
ياعيني عللي جراله
فجأة كده اتغير حاله
أنا مش ليكي صدقيني
كنت فاكرك نن عيني
بعد ما بديتي تجرحيني
مشفتش منك حنية
جربت بإيدك الآسية
الإخلاص سيبتيه ليا
ياخسارة دمعة عنيه
اللي ملتني في وحدتي
هون عليا غربتي
خلاص ...بقولها
مفيش رجوع
ينادي قلبك
مش مسموع
قلبي اللي كان في يوم هاويكي
قرر خلاص
أنه مش ليكي ...