بحن إليك وبرجعلك 

ومهما بعدت 
مهما حاولت
مابقدرشي 
وقلبي ينادي عليك 
أقوله متخافشي
وأرجع تاني وأندهلك 
نعيش الصبا تاني
وأناجي طيفك بأحلامي
وماأصحي 
ولما تغيب عني لثواني 
بفتقدك 
وألاقي روحي ريحالك 
وأقول يادنيا بلاش تإسي 
وتعاندي فيا من تاني 
وكفابه غربه الأيام 
وعمرعشته فيكي وحداني
قتلتي فينا كتير أحلام
ودايما كنتي صداني
يادنيا سيبيني بقي في حالي 
أعيش الباقي من عمري 
دا حبيبي وعشرته وحشاني
يادنيا ليه تاني غضبتي 
وليه دايماً معنداني
أنا إللي ياما شيلت فيكي 
من الأسي أطنان
ونسيت ضحكتي 
إللي كنت بضحكها زمان
وأفتكرلما تقولي وحشاني
وخدودي تفتح في بستاني
أحس الدنيا حضناني 
أرجع وماقدرشي 
معاك بلاقي نفسي من تاني
ومهما الحظ رماني 
في حضن الياس
وصاحبني الحزن وكفاني 
بتوحشني وبشتاقلك
وبرجعلك 
ونعيش العمر من تاني
صفاء عبد ربه