ﺭﺍﺟﻲ ﻋﺒﺪﺍﻟﻌﺎﻃﻲ ﻓﻲ ‏( ﺑﻲ ﺍﻥ ﺳﺒﻮﺭﺕ ‏) ﺯﻱ ﺍﻟﺰﻭﻝ ﺍﻟﻌﺎﻭﺯﻳﻦ ﻣﻨﻮ ﻗﺮﻭﺵ – ﺍﻟﻤﺒﺎﺭﺍﺓ ﻛﻠﻬﺎ ﻳﻌﺎﻳﻦ ﻓﻲ ‏(ﺍﻟﻜﺎﻣﻴﺮﺍ ) ﺍﻟﻐﺮﻳﺒﺔ ﻧﺎﺱ ‏(ﺳﻠﻚ ‏) ﻓﺮﺣﺎﻧﻴﻦ ﺑﻲ ﺩﺭﺟﺔ ‏( ﺍﻻﻣﻼﺀ ‏) ﺍﻟﺠﺎﺑﻮﻫﺎ ﻟﻴﻨﺎ ﺩﻱ – ﻓﻀﻴﺤﺔ ﺍﻟﺴﻮّﺍﺩ ﺻﺪﻳﻖ ﻋﻠﻲ ﺻﺎﻟﺢ ﻳﺎ ﺭﺑﻲ ﻟﺴﻪ ﻓﺎﻛﺮ ﺍﻟﻤﻮﺿﻮﻉ ‏(ﺩﻭﺭﻱ ﺍﺑﻄﺎﻝ ﺍﻭﺭﻭﺑﺎ ‏) – ﻭﺇﻟّﺎ ﻧﺎﺱ ﻣﺰﻣﻞ ﺩﺧﻠﻮﺍ ﻟﻴﻪ ‏(ﻏﻮﻏﻞ ) ﺍﻟﻬﻼﻝ ﻣﺘﺼﺪﺭ ﻟﻤﺠﻤﻮﻋﺘﻪ ﺑﺪﻭﻥ ‏(ﻋﺒﺮﺕ ﻭﻣﺎ ﻋﺒﺮﺕ ﻭﺍﺗﻘﻮﺳﺖ ﻭﻣﺎ ﺍﺗﻘﻮﺳﺖ ‏) ﻭﺍﻳﻘﺎﻑ ‏(ﻫﺠﻤﺔ ﺧﻄﺮﺓ ) ﻣﻌﺴﻜﺮ ﻓﻲ ﺍﻟﺠﺰﺍﺋﺮ ‏(21 ‏) ﻳﻮﻡ. ﻣﺎ ﻗﻠﻨﺎ ﺣﺎﺟﺔ. ﻭﻋﻴﺪ ﺑﺮﺓ ﺍﻟﺒﻠﺪ . ﻧﺎﺱ ﺿﻔﺮ ﺩﻳﻞ ﺫﻧﺒﻬﻢ ﺷﻨﻮ؟ …ﻋﺸﺎﻥ ﺗﻌﻴﺪﻭﺍ ﺑﻴﻬﻢ ﺑﺮﺓ ﺍﻟﺒﻠﺪ. ﻭﻓﻲ ﺍﻟﻨﻬﺎﻳﺔ ﺗﺮﺟﻌﻮﺍ ﺑﻲ ‏(ﻧﻘﻄﺔ ). ﻟﻮ ﻋﻴﺪﺗﻮﺍ ﻓﻲ ﺍﻟﻤﺮﺧﻴﺎﺕ – ﺍﻟﻨﻘﻄﺔ ﺩﻱ ﻛﺎﻥ ﻣﻤﻜﻦ ﺗﺠﻴﺒﻮﻫﺎ . ﻻ ﺧﺒﻴﺰ. ﻭﻻ ﻛﻌﻚ . ﻭﻻ ﺳﺘﺎﺋﺮ. ﻭﻻ ﻣﻼﻳﺎﺕ ﺟﺪﻳﺪﺓ. ﻭﻻ ﺷﻔﻊ ﺑﻴﻠﺒﻌﻮﺍ ﻓﻲ ﺧﺸﻢ ﺍﻟﺒﺎﺏ ﻣﺘﻞ ﺣﺮﻭﻑ ﺍﻟﺠﺮ. ﻭﺗﺮﺟﻌﻮﺍ ﺑﻌﺪ ﺩﺍ ﻛﻠﻮ ﺑﻲ ‏(ﻧﻘﻄﺔ ). ﻭﻃﻴﺎﺭﺍﺕ . ﻭﻓﻨﺪﺍﻕ. ﻭﺗﻠﻔﺰﻳﻮﻧﺎﺕ . ﻭﺟﺮﺍﻳﺪ . ﻭﺻﺮﻑ ﻣﺒﺎﻟﻎ ﻓﻴﻬﺎ . ﻭﺟﻤﺎﻝ ﺍﻟﻮﺍﻟﻲ . ﻭﻫﻤﺪ. ﻭﻣﺘﻮﻛﻞ ﻭﺣﺎﺗﻢ ﻋﺒﺪﺍﻟﻐﻔﺎﺭ. ﻭﻧﻘﻄﺔ . ﻭﺑﻲ ﺍﻥ ﺳﺒﻮﺭﺕ . ﻭﺍﻟﻠـﻪ ﺍﻧﺎ ﻣﻦ ﻳﻮﻣﻲ – ﺧﻔﺖ ‏( ﺑﻲ ﺍﻥ ﺳﺒﻮﺭﺕ ‏) ﺗﺨﺮﺏ ﻟﻴﻜﻢ ﻃﺒﻌﻜﻢ . ﺷﻐﻠﻜﻢ ﺍﻟﺒﺘﻌﻤﻠﻮﺍ ﻓﻴﻪ ﺩﺍ ﻣﺎ ﺷﻐﻞ ‏( ﺑﻲ ﺍﻥ ﺳﺒﻮﺭﺕ ). ﺍﻟﺸﻐﻞ ﺩﺍ ﺷﻐﻞ ‏( ﺍﻻﺫﺍﻋﺔ ﺍﻟﺮﻳﺎﺿﻴﺔ ). 104 ﺑﺲ. 104ﻣﺎ ﻳﺰﺩﻭﻛﻢ ﻓﻴﻬﺎ ‏(ﻣﻮﺟﺔ ). ﺭﺍﺟﻲ ﻋﺒﺪﺍﻟﻌﺎﻃﻲ ﻓﻲ ‏( ﺑﻲ ﺍﻥ ﺳﺒﻮﺭﺕ ‏) ﺯﻱ ﺍﻟﺰﻭﻝ ﺍﻟﻌﺎﻭﺯﻳﻦ ﻣﻨﻮ ﻗﺮﻭﺵ – ﺍﻟﻤﺒﺎﺭﺍﺓ ﻛﻠﻬﺎ ﻳﻌﺎﻳﻦ ﻓﻲ ‏(ﺍﻟﻜﺎﻣﻴﺮﺍ ). ﺍﻟﻤﺒﺎﺭﺍﺓ ﻛﻠﻬﺎ ‏( ﻣﺼﻨﻘﻊ ). ﺗﻘﻮﻝ ﺑﺮﻛﺐ ﻟﻴﻪ ﻓﻲ ‏(ﺳﺘﺎﺋﺮ ). ﺍﻟﺨﻠﻌﺔ ﻇﺎﻫﺮﺓ . ﺍﻟﻤﻮﺿﻮﻉ ﺟﺪﻳﺪ ﻋﻠﻴﻜﻢ. ﻣﺎ ﻓﻲ ﺫﻟﻚ ﺷﻚ . ﺑﻌﺪ ﺍﻟﺴﻬﺮ ﺩﺍ ﻛﻠﻮ – ﺭﺍﺟﻌﻴﻦ ﻟﻴﻨﺎ ﺑﻲ ‏(ﻧﻘﻄﺔ ). ﺑﻲ ﻧﻘﻄﺔ. ﻣﻦ 6 ﻧﻘﺎﻁ ﺭﺟﻌﻮﺍ ﺑﻲ ‏(ﻧﻘﻄﺔ ). ﺍﻟﻐﺮﻳﺒﺔ ﻧﺎﺱ ‏(ﺳﻠﻚ ‏) ﻓﺮﺣﺎﻧﻴﻦ ﺑﻲ ﺩﺭﺟﺔ ‏( ﺍﻻﻣﻼﺀ ‏) ﺍﻟﺠﺎﺑﻮﻫﺎ ﻟﻴﻨﺎ ﺩﻱ – ﻓﻀﻴﺤﺔ ﺍﻟﺴﻮّﺍﺩ. ﺫﻛﺮﺗﻮﻧﻲ ﻟﻴﻚ – ﺍﻟﺰﻏﺎﺭﻳﺪ ﺍﻻﻧﻄﻠﻘﺖ ..ﻭﺍﻟﻀﺒﺎﺋﺢ ﺍﻟﺪﻭﺭﺕ – ﻭﺍﻃﻼﻕ ﺍﻻﻟﻌﺎﺏ ﺍﻟﻨﺎﺭﻳﺔ. ﻭﺿﺮﺏ ﻧﺎﺭ . ﻭﺍﺣﺘﻔﺎﻻﺕ ﻣﺒﺎﻟﻎ ﻓﻴﻬﺎ. ﺻﻴﻮﺍﻥ ﻗﺎﻓﻞ ﺍﻟﺸﺎﺭﻉ . ﻭﻛﻞ 15 ﺩﻗﻴﻘﺔ ﻳﻘﻴﻒ ﺑﻮﻛﺴﻲ ﻳﻨﺰﻝ ﻟﻴﻪ ﻟﻮﺡ ﺗﻠﺞ ﻭﻳﺮﺟﻊ . ﻭﻳﻀﺒﺤﻮﺍ ﻓﻲ ﺍﻟﺨﺮﻓﺎﻥ . ﺍﻟﻨﺎﺱ ﺍﺗﻬﺠﻤﻮﺍ .. ﻗﺎﻟﻮﺍ ﺍﻧﺘﻮﺍ ﻧﺎﺱ ‏( ﻭﺩ ﺍﻟﺘﻜﻴﻠﺔ ‏) ﻋﻨﺪﻫﻢ ﺷﻨﻮ؟ ﻗﺎﻟﻮﺍ ﻟﻴﻬﻢ ‏( ﻭﺩ ﺍﻟﺘﻜﻴﻠﺔ ‏) ﺍﻟﻠـﻪ ﻳﺪﻳﻪ ﺍﻟﻌﺎﻓﻴﺔ ﻋﻨﺪﻭ ﻭﻟﺪ ﻧﺠﺢ ﻓﻲ ﺍﻟﺸﻬﺎﺩﺓ ﺍﻟﺴﻮﺩﺍﻧﻴﺔ. ﺍﻫﺎ ‏( ﻭﺩ ﺍﻟﺘﻜﻴﻠﺔ ‏) ﺟﺎﺏ ﻛﻢ؟ . ﺟﺎﺏ 51 % ﻓﻲ ﺍﻣﺘﺤﺎﻧﺎﺕ ﺍﻟﺸﻬﺎﺩﺓ ﺍﻟﺴﻮﺩﺍﻧﻴﺔ . ﻭﻫﺴﻊ ﺍﻟﺰﻏﺎﺭﻳﺪ ﻭﺿﺮﺏ ﺍﻟﻨﺎﺭ ﻭﺍﻟﺘﻠﺞ ﺩﺍ ﻓﻲ 51%. ﻭﺍﻟﻠـﻪ ﻓﻌﻼ ﻧﺎﺱ ‏( ﻭﺩ ﺍﻟﺘﻜﻴﻠﺔ ‏) ﺩﻳﻞ ﻣﺎ ﻋﻨﺪﻫﻢ ﻣﻮﺿﻮﻉ . ﻫﺴﻊ ﻓﻲ ﺩﺍﻋﻲ ﻟﻠﺘﻠﺞ ﺩﺍ ﻛﻠﻮ . ﺭﺑﻊ ﻟﻮﺡ ﻛﺎﻥ ﻛﻔﺎﻳﺔ. ﺟﺎﻳﺐ ﻟﻴﻬﻢ ‏(15 ‏) ﻟﻮﺡ ﺗﻠﺞ ﻓﻲ 51%. ﻧﺎﺱ ﺍﻟﻤﺮﻳﺦ ﻫﺴﻊ ﺑﻌﺪ ﻣﻌﺴﻜﺮ ‏(21 ‏) ﻳﻮﻡ – ﻭﻋﻴﺪ ﺑﺮﺓ ﺍﻟﺒﻠﺪ – ﻭﺍﻋﺘﺪﺍﺀ ﻋﻠﻰ ﺻﺤﻔﻲ – ﺭﺟﻌﻮﺍ ﻟﻴﻬﻢ ﺑﻲ ‏(ﻧﻘﻄﺔ ). ﺩﺍ ﺯﻱ ﺍﻟﺰﻭﻝ ﺍﻟﺒﺮﺳﻠﻮﻩ ﺍﻟﺴﻮﻕ ﻭﻳﻘﻮﻟﻮﺍ ﻟﻴﻪ ﺍﻣﺸﻲ ﺟﻴﺐ ﻟﻴﻨﺎ ‏( ﺧﺮﻭﻑ ). ﻳﻘﻮﻡ ﻳﻠﻒ ﺍﻟﺴﻮﻕ ﺩﺍ ﻛﻠﻮ – ﻭﻳﺠﻲ ﺭﺍﺟﻊ ﺑﻌﺪ ﺳﺒﻊ ﺳﺎﻋﺎﺕ ﺷﺎﻳﻞ ﻟﻴﻪ ‏( ﺑﻄﻴﺨﺔ ). ﻳﻘﻮﻟﻮﺍ ﻟﻴﻪ : ﻭﻳﻨﻮ ﺍﻟﺨﺮﻭﻑ؟ . ﻳﻘﻮﻝ ﻟﻴﻬﻢ : ﻭﺍﻟﻠـﻪ ﻣﺎ ﻟﻘﻴﺖ ﻏﻴﺮ ‏(ﺍﻟﺒﻄﻴﺨﺔ ‏) ﺩﻱ. ﻳﺎ ﻭﺩ ﺍﻟﻨﺎﺱ ﻟﻜﻦ ‏(ﺍﻟﺒﻄﻴﺨﺔ ‏) ﻋﺎﻭﺯ ﺗﺒﻘﻰ ﻟﻴﻚ ‏( ﺧﺮﻭﻑ ). ﻋﻼﻗﺔ ﺍﻟﺒﻄﻴﺨﺔ ﺑﺎﻟﺨﺮﻭﻑ ﺷﻨﻮ؟ . ﺣﺮﻛﺘﻚ ﺩﻱ ﻫﺴﻊ ﺑﻨﻘﺒﻠﻬﺎ ﻣﻨﻚ – ﻟﻜﻦ ﺣﺮﻛﺘﻚ ﺩﻱ ﺍﻭﻋﻚ ﺗﻌﻤﻠﻬﺎ ﻟﻴﻨﺎ ﻓﻲ ‏( ﺍﻟﻀﺤﻴﺔ ). ﻟﻮ ﻋﻤﻠﺘﻬﺎ ﻓﻲ ﺍﻟﻀﺤﻴﺔ ﺑﺘﻜﺘﻞ ﻟﻴﻚ ﺯﻭﻝ. ﻧﻘﻄﺔ . ﻧﻘﻄﺔ – ﺍﻧﺘﻮﺍ ﻗﺎﻳﻠﻴﻦ ﻧﻔﺴﻜﻢ ﻓﻲ ‏( ﺳﻴﻜﺎﻓﺎ ). ﺣﺮﻛﺎﺕ ﺳﻴﻜﺎﻓﺎ ﺩﻱ ﺍﺻﻠﻮ ﻣﺎ ﺑﺘﺨﻠﻮﻫﺎ. ﻓﻲ ‏( ﺍﻟﻤﺠﻤﻮﻋﺎﺕ ‏) ﺑﺘﻌﻤﻠﻮﺍ ﻟﻴﻨﺎ ﻓﻴﻬﺎ. ﺷﺮّﻃﻮﺍ ﻋﻴﻨﺎ ﻓﻲ ‏( ﺑﻲ ﺍﻥ ﺳﺒﻮﺭﺕ ). ﺻﺪﻳﻖ ﻋﻠﻲ ﺻﺎﻟﺢ ﻳﺎ ﺭﺑﻲ ﻟﺴﻪ ﻓﺎﻛﺮ ﺍﻟﻤﻮﺿﻮﻉ ‏(ﺩﻭﺭﻱ ﺍﺑﻄﺎﻝ ﺍﻭﺭﻭﺑﺎ ‏) – ﻭﺇﻟّﺎ ﻧﺎﺱ ﻣﺰﻣﻞ ﺩﺧﻠﻮﺍ ﻟﻴﻪ ‏(ﻏﻮﻏﻞ ). ﻳﺎ ﺻﺪﻳﻖ ﺍﺩﺧﻞ ‏(ﻏﻮﻏﻞ ‏) ﻟﻮ ﻏﻠﺒﺘﻚ . ﺍﻓﺘﺢ ﻟﻴﻚ ﺻﻔﺤﺔ . ﻣﺎ ﺗﻜﺘﺐ ‏( ﺳﻴﻜﺎﻓﺎ ). ﺍﻧﺎ ﻋﺎﺭﻓﻚ ﺟﺎﺭﻱ ﻋﻠﻰ ‏( ﺳﻴﻜﺎﻓﺎ ). 13 ﺳﻨﺔ ﻣﻊ ﺟﻤﺎﻝ ﺍﻟﻮﺍﻟﻲ ﺗﻜﺘﺐ ﻓﻲ ‏( ﺳﻴﻜﺎﻓﺎ ). ﻭﺗﺸﺎﺭﻙ ﻓﻴﻬﺎ. ﺍﻟﻤﺮﺓ ﺩﻱ ﻳﺎ ﺻﺪﻳﻖ ﻋﻠﻲ ﺻﺎﻟﺢ ﺍﻛﺘﺐ ‏(ﺩﻭﺭﻱ ﺍﺑﻄﺎﻝ ﺍﻓﺮﻳﻘﻴﺎ ). ﺑﺘﺠﻴﻚ 17 ﺧﻴﺎﺭ . ﻓﻴﻬﺎ 16 ﺧﻴﺎﺭ ﺳﻴﻜﺎﻓﺎ . ﺍﺧﺘﺎﺭ ﺍﻟﺨﻴﺎﺭ ﺍﻻﺧﻴﺮ ‏(ﺩﻭﻱ ﺍﺑﻄﺎﻝ ﺍﻓﺮﻳﻘﻴﺎ ). ﺗﺘﺨﻴﻞ ﻳﺎ ﺻﺪﻳﻖ ﻋﻠﻲ ﺻﺎﻟﺢ ﺡ ﻳﺠﻴﻚ ‏(ﺍﻟﻤﺮﻳﺦ ). ﻣﺎ ﺗﻘﻊ. ﻣﺎ ﺗﺪﺧﻞ ﻓﻲ ﻧﻮﺑﺔ . ﺡ ﺗﺪﺧﻞ ﻟﻴﻨﺎ ﻓﻲ ‏(ﺻﺪﻣﺔ ). ﺍﻟﻤﻮﺿﻮﻉ ﻣﻤﻜﻦ ﻛﻞ ﻋﺸﺮ ﺳﻨﻮﺍﺕ ﻳﺒﻘﻰ ﻣﺮﺓ. ﻗﺎﻋﺪﻳﻦ ﻟﻴﻨﺎ ‏(21 ‏) ﻳﻮﻡ ﻓﻲ ﺍﻟﺠﺰﺍﺋﺮ . ﻭﻣﻌﻴﺪﻳﻦ ﺑﺮﺓ ﺍﻟﺒﻠﺪ . ﻭﺭﺍﺟﻌﻴﻦ ﻟﻴﻨﺎ ﺑﻲ ‏(ﻧﻘﻄﺔ ). ﻓﻀﻴﺤﺔ ﺍﻟﺴﻮّﺍﺩ. 21ﻳﻮﻡ ﻓﻲ ﺍﻟﺠﺰﺍﺋﺮ. ﻭﺟﺮﻱ ﺑﻴﻦ ﺍﻟﺸﺠﺮ ﻭﺍﻟﻐﺎﺑﺎﺕ. ﺍﻟﺸﺠﺮ ﻟﺰﻭﻣﻮ ﺷﻨﻮ؟ . ﺟﺎﺑﻮﺍ ﻟﻴﻚ ‏( ﻏﺎﺭﺯﻳﺘﻮ ‏) ﺣﺎﻳﻢ ﻭﺳﻂ ﺍﻟﻐﺎﺑﺎﺕ ﺑﻲ ‏(ﺑﺮﻣﻮﺩﺓ ‏) – ﺍﻧﺎ ﻗﻠﺖ ﺍﻟﺰﻭﻝ ﺩﺍ ﻋﺎﻭﺯ ﻳﺠﻴﺐ ‏( ﺍﻟﻜﺄﺱ ‏) ﻣﻦ ﺍﻟﻤﺠﻤﻮﻋﺎﺕ. ﻭﻧﻀﺎﺭﺓ ﺳﻮﺩﺍﺀ. ﻭﻋﻼﺀﺍﻟﺪﻳﻦ ﻳﻮﺳﻒ ﺗﺤﻠﻒ ﺗﻘﻮﻝ ﻓﻲ ‏( ﺗﺎﻳﺘﻴﻨﻚ ). ﺍﻟﻜﻼﻡ ﺩﺍ ﻛﻠﻮ ﻋﺸﺎﻥ ‏(ﻧﻘﻄﺔ ). ﻣﺎ ﻛﺎﻥ ﻓﻲ ﺩﺍﻋﻲ ﻟﻠﺸﺠﺮ ﺩﺍ؟ . ﺷﻨﻮ ﺗﻔﻜﻮﻫﺎ ﻓﻲ ﻧﻔﺴﻜﻢ ﻛﺪﺍ . ﺍﻟﻐﺮﻳﺒﺔ ﺑﺘﻐﺸﻮﺍ ﻧﻔﺴﻜﻢ. ﻭﺑﺘﺼﺪﻗﻮﺍ . ﻏﺎﺑﺎﺕ . ﻭﺷﺠﺮ . ﻭﺑﺮﻣﻮﺩﺍﺕ . ﺍﻟﺸﻐﻞ ﺩﺍ ﺷﻐﻞ ﻋﻠﻤﺎﺀ . ﺷﻐﻞ ﻓﻼﺳﻔﺔ. ﺍﻟﺸﻐﻞ ﺩﺍ ﺍﺻﻠﻮ ﻣﺎ ﺷﻐﻞ ‏(ﻧﻘﻄﺔ ). ﺍﻟﻤﻮﺿﻮﻉ ﻣﺎ ﻋﺎﻭﺯ ﻟﻴﻪ ‏(ﻓﺮﻧﺴﻲ ). ﺍﻟﺸﻐﻞ ﺩﺍ ‏( ﺑﺮﻫﺎﻥ ‏) ﺑﻘﺪﺭ ﻋﻠﻴﻪ. ﻣﺤﺴﻦ ﺳﻴﺪ ﻛﻔﻴﻞ ﺑﻪ . ﻏﺎﺭﺯﻳﺘﻮ ﻋﻠﻰ ﺷﻨﻮ ﻛﻤﺎﻥ؟. ﺍﺻﻠﻮ ﻣﺎ ﻛﺎﻥ ﻋﺎﻭﺯ ﺍﻟﺘﻌﺐ ﺩﺍ ﻛﻠﻮ. ﻭﻧﻀﺎﺭﺍﺕ . ﻭﻛﻤﺎﻥ ﻓﻲ ﺍﻟﻨﻀﺎﺭﺍﺕ ..ﺍﻟﻨﻀﺎﺭﺓ ‏( ﺳﻮﺩﺍﺀ ). ﻋﺎﻭﺯﻳﻦ ﺗﺪﺧﻠﻮﺍ ﻛﻠﻴﺔ ﺍﻟﻄﺐ ﺑﻲ ‏( ﺍﻟﺠﻐﺮﺍﻓﻴﺎ ). ﻋﺎﻭﺯﻳﻦ ﺗﻘﺮﺃﻭﺍ ﻃﺐ ﺑﻲ ‏( ﺩﺭﺍﺳﺎﺕ ﺑﻴﺌﻴﺔ ). ﺑﻲ 51%. ﺍﻟﻨﻘﻄﺔ ﺑﻲ ‏( ﺗﺮﺑﻴﺔ ﺭﻳﻔﻴﺔ ‏) ﺑﺘﺠﻴﺒﻮﻫﺎ . ﺍﻟﻨﻈﺮﻳﺎﺕ ﻟﺰﻭﻣﻬﺎ ﺷﻨﻮ؟. ﻭﺗﺼﺮﻳﺤﺎﺕ ﻓﻲ ﺍﻟﺼﺤﻒ . ﻭﺑﻮﻧﻴﺎﺕ – ﻭﺍﻋﺘﺪﺍﺀ ﻋﻠﻰ ﺻﺤﻔﻲ . ﻭﺟﺮﺍﻳﺪ . ﻭﺍﻋﻤﺪﺓ ﻻ ﺣﺼﺮ ﻟﻬﺎ ﻭﻻ ﻋﺪﺩ. ﺑﺎﺑﻜﺮ ﺳﻠﻚ ‏( ﺍﻟﻨﻘﻄﺔ ‏) ﻗﺮﺏ ﻳﺠﻴﺐ ﻟﻴﻬﺎ ‏(ﻟﻮﺍﺀ ‏) .… ‏(ﻓﺮﻳﻖ ). ﺍﻟﻨﻘﻄﺔ ﻧﺤﻦ ﻣﺎ ﻗﺎﻋﺪﻳﻦ ﻧﻔﺮﺡ ﺑﻴﻬﺎ . ﺧﺎﺻﺔ ﺍﺫﺍ ﻗﻌﺪﻧﺎ ﻟﻴﻬﺎ ‏(21 ‏) ﻳﻮﻡ. ﻭﻋﻴﺪﻧﺎ ﻟﻴﻬﺎ ﺑﺮﺓ ﺍﻟﺒﻠﺪ. ﺍﻟﻮﺻﺎﻓﺔ ﺍﺻﻠﻮ ﻣﺎ ﻓﺎﻳﺘﻜﻢ. ﺑﻌﺪ ﺍﻟﻌﻴﺪ . ﻭﺍﻟﺠﺰﺍﺋﺮ . ﻭﻣﺠﺪﻱ ﺷﻤﺲ ﺍﻟﺪﻳﻦ .. ﺑﺮﺿﻮ ‏(ﻭﺻﺎﻓﺔ ‏) ﻓﻲ ﺍﻟﻤﺠﻤﻮﻋﺎﺕ. ﺍﻟﻬﻼﻝ ﻗﺒﻠﻮ. ﻭﻣﻦ ﻏﻴﺮ ﻓﺮﺡ . ﻭﺟﻮﻃﺔ ﻭﻛﻼﻡ ﺟﺮﺍﻳﺪ ﻛﺘﻴﺮ . ﺍﻟﻬﻼﻝ ﺑﺪﻭﻥ ‏(ﻋﺒﺮﺕ ﻭﻣﺎ ﻋﺒﺮﺕ ‏)… ﻭﺍﻳﻘﺎﻑ ﻫﺠﻤﺔ ﺧﻄﺮﺓ .. ﺍﻟﻬﻼﻝ ﻣﺘﺼﺪﺭ ﻣﺠﻤﻮﻋﺘﻪ . ﺍﻟﻨﻘﺔ ﺩﻱ ﻛﻠﻬﺎ ﻋﺸﺎﻥ ‏(ﻧﻘﻄﺔ ). ﻣﺠﺪﻱ ﺷﻤﺲ ﺍﻟﺪﻳﻦ ﻗﺪﻳﺘﻮ ﺍﺿﺎﻧﻮ. ﻣﺎ ﺧﻠﻴﺘﻮ ﻟﻴﻪ ﺷﻲﺀ . ﻭﻓﻲ ﺍﻟﻨﻬﺎﻳﺔ ﺭﺍﺟﻌﻴﻦ ﺑﻲ ‏(ﻧﻘﻄﺔ ). ﻫﺴﻊ ‏(ﻧﻘﻄﺘﻜﻢ ‏) ﺩﻱ ﺑﺘﺪﺧﻠﻮﺍ ﺑﻴﻬﺎ ﺑﺎﻟﻤﻄﺎﺭ . ﺡ ﺗﻌﻤﻠﻮﺍ ﻟﻴﻬﺎ ‏( ﻣﻬﺮﺟﺎﻥ ). ﻭﺍﺳﺘﻘﺒﺎﻝ . ﺍﻟﻔﺮﻳﻖ ﺍﻟﺒﻔﺮﺡ ﻟﻴﻪ ﺑﻲ ‏(ﻧﻘﻄﺔ ‏) ﻣﺎ ﺑﻌﻤﻞ ﺣﺎﺟﺔ . ﺍﻟﻔﺮﻳﻖ ﺍﻟﺒﺘﺮﺿﻴﻪ ‏(ﻧﻘﻄﺔ ‏) – ﻣﺎ ﺑﺠﻴﺐ ﻟﻴﻪ ﻛﺄﺱ. ﺍﻧﺘﻮﺍ ‏(ﻧﻘﻄﺔ ‏) ﺑﺘﻌﻤﻞ ﻓﻴﻜﻢ ﻛﺪﺍ. ﺍﻟﺨﻠﻌﺔ ﻛﻌﺒﺔ. ﻫﺴﻊ ﻓﻲ ﺩﺍﻋﻲ ﺗﻬﺎﺟﻤﻮﺍ ﻣﺠﺪﻱ ﺷﻤﺲ ﺍﻟﺪﻳﻦ ﺑﻬﺬﻩ ﺍﻟﻄﺮﻳﻘﺔ – ﺍﺫﺍ ﻛﻨﺘﻮﺍ ﻓﻲ ﺍﻟﻨﻬﺎﻳﺔ ﺑﺘﺮﺟﻌﻮﺍ ﺑﻲ ‏(ﻧﻘﻄﺔ ). ﺍﻟﻤﻮﺿﻮﻉ ﻣﺎ ﻋﺎﻭﺯ ﺍﻟﻬﺠﻮﻡ ﺩﺍ ﻛﻠﻮ. ﻣﺠﺪﻱ ﻳﻬﺎﺟﻤﻮﺍ ﻓﻴﻪ ‏(21 ‏) ﻳﻮﻡ . ﻭ21 ﻳﻮﻡ ﻧﺤﻦ ﺑﻜﻠﻤﻮﻧﺎ ﻋﻦ ﺍﻟﻜﻮﺭﺓ ﺍﻟﻌﺒﺮﺕ. ﻭﺍﺗﻘﻮﺳﺖ . ﻓﺘﺮﻧﺎ ﻣﻦ ‏( ﺍﻟﻨﻘﺔ ‏) ﺍﻟﻜﺘﻴﺮﺓ . ﻣﻌﺴﻜﺮ ﻓﻲ ﺍﻟﺠﺰﺍﺋﺮ 21 ﻳﻮﻡ . ﻭﻋﻴﺪ ﺑﺮﺓ ﺍﻟﺒﻠﺪ . ﻧﺎﺱ ‏( ﺿﻔﺮ ‏) ﺍﻟﻌﻴﺪ ﺩﺍ ‏( ﻛﻌﻜﺔ ‏) ﻣﺎ ﺷﺎﻓﻮﻫﺎ ﻓﻴﻪ . ﻭﻻ ﺗﻤﺮﺓ . ﺍﻟﻐﺮﻳﺒﺔ ﺑﻌﺪ ﺍﻟﻜﻼﻡ ﺩﺍ .. ﺿﻔﺮ ﺑﻴﻘﻌﺪ ﻛﻨﺒﺔ – ﻭﻳﻠﻌﺐ ﺷﻴﺒﻮﺏ. ﻃﻴﺐ ﻳﺎ ﺿﻔﺮ ﺍﻟﺠﺎﺑﺮﻙ ﻋﻠﻰ ﺍﻟﻐﺮﺑﺔ ﺩﻱ ﺷﻨﻮ؟. 21ﻳﻮﻡ ﻓﻲ ﺍﻟﺠﺰﺍﺋﺮ ﻭﻧﻘﻄﺔ ﻭﺍﺣﺪﺓ . ﺧﺴﺎﺭﺓ ﺍﻟﻔﻨﺎﺩﻕ . ﺧﺴﺎﺭﺓ ﺍﻟﻄﻴﺎﺭﺍﺕ . ﺧﺴﺎﺭﺓ ﺍﻟﺸﺠﺮ ﺍﻟﺤﺎﻳﻤﻴﻦ ﺗﺤﺘﻮ ﺩﺍ. ﺧﺴﺎﺭﺓ ‏( ﺍﻟﺒﻄﻴﺨﺔ ‏) ﺍﻟﺬﻛﺮﺗﻬﺎ ﻟﻴﻜﻢ ﻓﻲ ﺑﺪﺍﻳﺔ ﺍﻟﻌﻤﻮﺩ. ﻋﻠﻴﻜﻢ ﺍﻟﻠـﻪ ‏( ﺍﻟﻨﻘﻄﺔ ‏) ﻋﺎﻭﺯﺓ ﺍﻟﺘﻌﺐ ﺩﺍ ﻛﻠﻮ. ﺍﻟﻨﻘﻄﺔ ﺩﻱ ﻧﺤﻦ ﻟﻮ ﺳﺎﻓﺮﻧﺎ ﻗﺒﻞ ‏(48 ‏) ﺳﺎﻋﺔ ﻣﻦ ﺍﻟﻤﺒﺎﺭﺍﺓ ﺑﻨﺠﻴﺒﻬﺎ . ﺍﻟﻤﻮﺿﻮﻉ ﻣﺎ ﻋﺎﻭﺯ ﺍﻻﺟﺘﻬﺎﺩ ﺩﺍ ﻛﻠﻮ . ﺍﻟﻤﻐﺮﺏ ﺳﺎﻓﺮﻧﺎ ﻟﻴﻬﺎ ﻗﺒﻞ 48 ﺳﺎﻋﺔ .. ﻭﺭﺟﻌﻨﺎ ﺑﻲ ﻧﻘﻄﺘﻨﺎ. ﻓﻲ ﺩﺍﻋﻲ ﺗﻌﻴﺪﻭﺍ ﺑﺮﺓ ﺍﻟﺒﻠﺪ ﻭﺗﺠﻮﺍ ﺭﺍﺟﻌﻴﻦ ﻟﻴﻜﻢ ﺑﻲ ﻧﻘﻄﺔ . ﺍﻧﺘﻮﺍ ﻋﺎﺭﻓﻴﻦ – ﻧﺤﻦ ﻛﻬﻼﻻﺏ ﺷﻔﻮﺕ . ﻭﻣﻘﻄﻌﻨﻬﺎ. ﻭﻋﺎﺭﻓﻴﻦ ﺍﻱ ﺣﺎﺟﺔ . ﻭﺍﻱ ﺣﺎﺟﺔ ﻋﻨﺪﻧﺎ ﺑﻲ ﻧﻈﺎﻡ. ﻧﺤﻦ ‏( ﻋﻴﺪ ﺍﻟﻌﻤﺎﻝ ‏) ﻣﺎ ﺑﻨﻌﻴﺪﻭ ﺑﺮﺓ ﺍﻟﺒﻠﺪ ﺩﻱ. ﻧﺤﻦ ﻋﻨﺪﻧﺎ ﻛﻢ ﺳﻮﺩﺍﻥ ﻋﺸﺎﻥ ﻧﻌﻴﺪ ﺑﺮﺓ ﺍﻟﺒﻠﺪ؟ . ﻭﻳﺎ ﺭﻳﺖ ﻟﻮ ﺑﻌﺪ ﺍﻟﺘﻌﺐ ﺩﺍ ﻛﻠﻮ ﺭﺟﻌﺘﻮﺍ ﻟﻴﻜﻢ ﺑﻲ ﺍﻧﺘﺼﺎﺭ. ﻣﻦ ‏(6 ‏) ﻧﻘﺎﻁ – ﺭﺟﻌﺘﻮﺍ ﺑﻲ ‏(ﻧﻘﻄﺔ ). ﺍﻟﻜﻼﻡ ﺩﺍ ﻋﻨﺪ ﻧﺎﺱ ﺍﻟﺮﻳﺎﺿﻴﺎﺕ ‏(ﺭﺳﻮﺏ ). ﺭﺳﻮﺏ ﺷﺪﻳﺪ ﻛﻤﺎﻥ. ﻧﻘﻄﺘﻜﻢ ﺩﻱ ﻧﺤﻦ ﻟﻮ ﺟﺒﻨﺎﻫﺎ ﻣﻦ ‏(ﺍﻟﺒﻴﺖ ﺍﻻﺑﻴﺾ ‏) ﺍﻻﻣﺮﻳﻜﻲ ﻣﺎ ﺑﻨﻘﺒﻞ ﺑﻴﻬﺎ. ﻭﻻ ﺑﻨﻔﺮﺡ ﺑﻴﻬﺎ . ﺍﻧﺘﻮﺍ ﺟﺎﻳﺒﻨﻬﺎ ﻣﻦ ‏( ﺍﻟﺠﺰﺍﺋﺮ ‏) – ﻭﻓﺮﺣﺎﻧﻴﻦ ﺑﻴﻬﺎ . ﻏﺎﻳﺘﻮ ﺍﻟﺰﻭﻝ ﻭﻗﺖ ﻳﻜﻮﻥ ﻋﻨﺪﻭ ﻓﺮﺣﺔ ﺭﺍﻳﺤﺔ ﻟﻴﻪ. ﺑﻌﻤﻞ ﺣﺎﺟﺎﺕ ﻏﺮﻳﺒﺔ. ﻭﺑﺘﺼﺮﻑ ﺗﺼﺮﻓﺎﺕ ‏( ﺻﺒﻴﺎﻧﻴﺔ ‏) ﺳﺎﻛﺖ. ﺍﻧﺘﻮﺍ ﻋﺎﺭﻓﻴﻦ ‏(ﻧﻘﻄﺘﻜﻢ ‏) ﺩﻱ ﺯﻱ ﺷﻨﻮ؟. ﻧﻘﻄﺘﻜﻢ ﺩﻱ ﺯﻱ ﻧﻘﻄﺔ ﻭﺳﻄﺮ ﺟﺪﻳﺪ . ﻳﻌﻨﻲ ﻣﺎ ﻋﻤﻠﺘﻮﺍ ﺍﻱ ﺷﻲﺀ . ﻫﺴﻊ ﺍﻟﻨﻘﻄﺔ ﺩﻱ ﺑﺘﺴﺘﺎﻫﻞ ﻳﻌﺘﺪﻭﺍ ﻟﻴﻬﺎ ﻋﻠﻰ ﺻﺤﻔﻲ . ……………. ﻣﻠﺤﻮﻇﺔ : ﻳﺎ ﺑﻜﺮﻱ ﺍﻟﻤﺪﻳﻨﺔ .. ﻛﻮﺭﺗﻚ ﺍﻟﻤﺸﺖ ﺍﻟﻜﺸﺎﻓﺎﺕ ﻣﺎ ﺑﺘﺴﺘﺎﻫﻞ ‏( ﺗﺼﺮﻳﺤﺎﺗﻚ ‏) ﺍﻟﻜﺘﻴﺮﺓ ﺩﻱ . ﻫﻮﺍﻣﺶ ﺑﻜﺮﻱ ﺍﻟﻤﺪﻳﻨﺔ ﺟﺎﺑﻮﻩ ﻟﻴﻚ ﻓﻲ ﺑﻲ ﺍﻥ ﺳﺒﻮﺭﺕ ﺑﺘﻜﻠﻢ ﺯﻱ ﺍﻟﺸﻬﻴﺪ ﺭﻗﻢ ﻣﻠﻴﻮﻥ ﻭﻭﺍﺣﺪ . ﻳﺎ ﺣﻠﻴﻠﻚ ﻳﺎ ﺑﻜﺮﻱ ﺑﻘﻴﺖ ﺗﺘﻤﻬﺎ ‏( ﺣﻼﻗﺎﺕ ). ﺯﻭﻟﻜﻢ ﻓﻲ ﺍﻟﻜﻮﺭﺓ ﺑﺘﺠﻴﻪ ﺍﺭﺑﻌﺔ ﻓﺮﺹ ﻣﻀﻤﻮﻧﺔ ﺑﻀﻴﻊ ﻓﻴﻬﺎ ‏( 12). ﺍﻟﻠـﻪ ﺷﺎﻓﻨﺎ ﻣﻨﻚ . ﺍﻧﺖ ﻣﺎ ﺷﻔﺖ ﻧﺎﺱ ﻧﺰﺍﺭ ﺣﺎﻣﺪ ﺩﻳﻞ ﺑﺠﻴﺒﻮﻫﺎ ﻛﻴﻒ؟ . ﺑﺸﻘﻮﺍ ﻣﻦ ﻧﺺ ﺍﻟﻤﻠﻌﺐ. ﻣﻦ ﺍﻟﻘﻮﻥ ﻟﻠﻘﻮﻥ . ﻭﻻ ﺑﻘﻴﻔﻮﺍ . ﺇﻟّﺎ ﻓﻲ ﺍﻟﺸﺒﻜﺔ. ﺍﻧﺖ ﻳﺠﻴﺒﻮﻫﺎ ﻟﻴﻚ ﻓﻲ ﺧﻂ 6 ﺗﻮﺩﻳﻬﺎ ﺍﻟﻜﺸﺎﻓﺎﺕ . ﻧﺮﺗﺎﺡ ﻣﻦ ﺑﻠﺔ ﺟﺎﺑﺮ – ﻳﻄﻠﻊ ﻟﻴﻨﺎ ﺑﻜﺮﻱ ﺍﻟﻤﺪﻳﻨﺔ . ﺍﻟﺘﻄﻮﺍﻧﻲ ﻓﺮﻳﻖ ﺷﺮﺱ. ﺍﻟﺘﻄﻮﺍﻧﻲ ﻋﻨﺪﻩ ﺟﻤﻬﻮﺭ ﻣﺒﺎﻟﻐﺔ. 90ﺩﻗﻴﻘﺔ ﻗﺎﻋﺪﻳﻦ ﻳﺸﺠﻌﻮﺍ . ﻣﺎ ﺯﻱ ﺟﻤﻬﻮﺭ ﻭﻓﺎﻕ ﺳﻄﻴﻒ ﺗﻘﻮﻝ ﻣﻌﺰﻭﻣﻴﻦ ﺳﻤﺎﻳﺔ. ﺑﺘﻔﺮﺟﻮﺍ ﺑﺲ . ﺍﻟﺘﻄﻮﺍﻧﻲ ﻣﻤﻜﻦ ﺍﻥ ﻳﻜﻮﻥ ﺧﻄﻴﺮ ﺟﺪﺍ ﻋﻠﻰ ﺍﻟﻬﻼﻝ ﻓﻲ ﺍﻡ ﺩﺭﻣﺎﻥ. ﻟﻮﻻ ﺍﻥ ﺍﻟﻜﻮﻛﻲ ﻗﻔﻞ ﺍﻻﻃﺮﺍﻑ ﺑﺼﻮﺭﺓ ﻣﺰﺩﻭﺟﺔ ..ﺑﺸﻪ ﻭﺳﻴﺴﻲ ﻓﻲ ﺍﻟﻴﻤﻴﻦ ﻭﻓﺪﺍﺳﻲ ﻭﺍﻃﻬﺮ ﺍﻟﻄﺎﻫﺮ ﻓﻲ ﺍﻟﺸﻤﺎﻝ ﻛﺎﻥ ﺍﻟﻬﻼﻝ ﺍﺗﻬﺰﻡ . ﺍﻟﻜﻮﻛﻲ ﻟﻌﺐ ﺑﺎﺳﻠﻮﺏ ﺭﺍﻗﻲ . ﻭﻫﻮ ﻳﺴﺘﺤﻖ ﺍﻟﺘﻘﺪﻳﺮ ﻭﺍﻻﺣﺘﺮﺍﻡ. ﻟﻜﻦ ﺑﺮﺿﻮ ﻣﺎ ﺑﻨﻔﺮﺡ ﺑﻲ ‏(ﻧﻘﻄﺔ ). ﻭﻻ ﺑﻨﺸﺘﻐﻞ ﺑﻴﻬﺎ . ﻧﺎﺱ ﺑﻲ ﺍﻥ ﺳﺒﻮﺭﺕ ﻗﺎﻟﻮﺍ ﺍﻟﻬﻼﻝ ﻟﻢ ﻳﻜﻦ ﺟﻴﺪ ..ﻋﺸﺎﻥ ﺍﻟﻬﻼﻝ ﻣﻔﺮﻭﺽ ﻳﻐﻠﺐ . ﻳﻌﻨﻲ ﺍﻟﻬﻼﻝ ﻟﻤﻦ ﻳﺘﻌﺎﺩﻝ ﺑﺮﺓ ﺍﺭﺿﻮ ﺑﻘﻮﻟﻮﺍ ﻋﻠﻴﻪ ﻛﻌﺐ. ﻓﻲ ﺭﺍﺣﺎﺕ ﺍﻛﺘﺮ ﻣﻦ ﻛﺪﺍ. ﻓﻲ ﻋﻠﻢ ﺍﻛﺘﺮ ﻣﻦ ﻛﺪﺍ. ﻓﻲ ﻓﻬﻢ ﺍﻋﻈﻢ ﻣﻦ ﻫﺬﺍ . ………….. ﻋﺎﺟﻞ : ﺍﻟﺰﻭﻝ ﻭﻗﺖ ﻳﻜﻮﻥ ﺟﺪﻳﺪ ﻓﻲ ﺍﻟﻤﺠﻤﻮﻋﺎﺕ ‏( ﻧﻘﻄﺔ ‏) ﺑﺘﺸﺮﻗﻮ … ﺑﺘﺠﻴﺐ ﻟﻴﻪ ﺣﻮﻝ