ﺍﻹﻫﺪﺍﺀ : • ﺯﻣﺎﻥ ﻭﻧﺤﻦ ﺷﻔﻊ – ﻟﻤﻦ ﻳﻜﻮﻥ ﺑﻜﺮﺓ ﺍﻟﻌﻴﺪ – ﺑﻨﻔﺮﺡ ﻓﺮﺡ ﻣﺒﺎﻟﻎ ﻓﻴﻪ – ﻓﺮﺡ (ﺃﻭﻓﺮ ) ﺷﻮﻳﺔ … • ﻧﻄﻠﻊ ﻓﻲ (ﺍﻟﺤﻴﻄﺔ ) .. • ﻭﻧﻤﺸﻲ ﻧﻠﻘﻂ ( ﺻﻮﺍﻧﻲ ﺍﻟﺨﺒﻴﺰ ) ﻣﻦ ﺍﻟﺤﻠﺔ .. • ﻧﻨﻮﻡ ﻭﻋﻠﻰ ﺃﻗﺪﺍﻣﻨﺎ ( ﺍﻟﺤﺬﺍﺀ ) ﺍﻟﺠﺪﻳﺪ – ﺯﻱ ﻛﺄﻧﻨﺎ ﺧﺎﻳﻔﻴﻦ ﻟﻮ ﺻﺒﺤﺖ ( ﺍﻟﺸﺒﻂ ) ﻣﺎ ﻳﻄﻠﻊ ﻗﺪﺭﻧﺎ … • ﺑﻨﺨﺎﻓﻮ ﻳﺼﻐﺮ ﻋﻠﻴﻨﺎ. • ﺯﻣﺎﻥ ﻟﻤﻦ ﺻﻴﻨﻴﺔ ﺍﻟﺨﺒﻴﺰ ﺗﺤﺮﻕ ﻓﻲ ( ﺍﻟﻔﺮﻥ ) – ﻣﺎ ﺑﺴﺄﻟﻮﺍ ﺍﻟﺨﺒّﺎﺯ ﻭﻻ ﺑﺴﺄﻟﻮﺍ ﺳﻴﺪ ﺍﻟﻔﺮﻥ .. ﺑﻘﻮﻟﻮﺍ ﻟﻴﻚ : (ﺩﺍ ﻛﻞ ﻣﻦ ﺃﺿﻨﻴﻚ ﺍﻟﻜﺒﺎﺭ ﺩﻳﻞ ). • ﺭﻏﻢ ﺃﻥ ( ﺍﻷﺿﻨﻴﻦ ) ﻣﺎ ﻋﻨﺪﻫﻢ ﻋﻼﻗﺔ ﺑﺎﻟﻤﻮﺿﻮﻉ … • ﺍﻟﻐﺎﻟﻴﺔ ﺟﺪﺍً … • ﻓﻲ ﻣﺜﻞ ﻫﺬﺍ ﺍﻟﻴﻮﻡ ﻛﻨﺖ ﺍﺣﺘﺎﺝ ﺍﺗﻌﻠﻖ ﻓﻲ (ﻃﺮﻓﻚ ) .. ﻣﺤﻤﺪ ◄ ﻛﻮﺭﺓ ﻣﻌﻜﻮﺳﺔ : • ﺩﺧﻞ ﻟﻴﻬﻢ ﻓﻲ ﺍﻟﻤﻮﺿﻮﻉ ﻃﻮﺍﻟﻲ … • ﻣﺎﺳﻜﺎﻫﻮ ( ﻋﻄﺸﺔ ) ﻣﺒﺎﻟﻎ ﻓﻴﻬﺎ ﺧﻠﺘﻮ ﻣﺘﻞ ﺍﻟﺘﺮﺑﺎﺱ ﺍﻟﻤﺎ ﺑﻘﻔﻞ …. ﻫﻮ ﻓﻲ ﺍﻟﺤﺎﻟﺔ ﺩﻱ ﻗﺎﻝ ﻟﻲ ﺻﺎﺣﺒﻮ ﻣﺎ ﺑﺘﻔﺘﻜﺮ ﺭﻣﻀﺎﻥ ﺍﻟﺴﻨﺔ ﺩﻱ ﺻﻌﺐ ﺷﻮﻳﺔ؟ • ﺻﺎﺣﺒﻜﻢ ﺑﺎﻟﻮ ﻓﻲ ﺣﺘﺔ ﺗﺎﻧﻴﺔ – ﻗﺎﻝ ﻟﻴﻪ ﻣﺎ ﺃﺻﻌﺐ ﻣﻦ ( ﻭﻓﺎﻕ ﺳﻄﻴﻒ ). ◄ ﺣﻜﻤﺔ : • ﺟﻼﺑﻴﺔ ﺍﻟﻌﻴﺪ ( ﺍﻟﺒﻴﻀﺎﺀ ) ﻣﺎ ﺗﺨﺖ ﻓﻴﻬﺎ ( ﻗﻠﻢ ) .. ﺑﻀﺮﺏ ﺑﻀﺮﺏ . • ﺍﻟﻜﻼﻡ ﺩﺍ ﺃﻧﺘﻮﺍ ﻟﻮ ﻣﺎ ﻋﺰﺍﺯ ﻋﻠﻲّ ﻣﺎ ﺑﻘﻮﻟﻮﺍ ﻟﻴﻜﻢ. ◄ ﺇﺟﺎﺯﺓ ﺍﻟﻌﻴﺪ : • ﻗﺎﻝ ﻟﻴﻪ ﺇﺟﺎﺯﺓ ﺍﻟﻌﻴﺪ ﺍﻟﺴﻨﺔ ﺩﻱ ﻳﻮﻣﻴﻦ . . ( ﺍﻷﺣﺪ ﻭﺍﻻﺛﻨﻴﻦ ) – ﺍﻟﺠﻤﻌﺔ ﻭﺍﻟﺴﺒﺖ ﺃﺻﻼً ﺇﺟﺎﺯﺓ . • ﻳﺎ ﺯﻭﻝ ﺍﻟﺠﻤﺎﻋﺔ ﺩﻳﻞ ﻟﻮ ﻣﺎ ﻗﻮﻥ ﻧﺰﺍﺭ ﺣﺎﻣﺪ – ﺍﻟﺠﻤﻌﺔ ﻛﺎﻧﻮﺍ ﻧﺎﻭﻳﻴﻦ ﻳﺸﻐﻠﻮﻛﻢ ﻓﻴﻬﺎ. • ﻏﺎﻳﺘﻮ ﺍﻹﺟﺎﺯﺓ ﺍﻟﺴﻨﺔ ﺩﻱ ﻣﺎ ﻓﻴﻬﺎ ﻃﺮﻳﻘﺔ ﺳﻔﺮ ﻟﻠﺒﻠﺪ. • ﺍﻹﺟﺎﺯﺓ ﺗﻠﻔﻮﻧﺎﺕ ﺳﺎﻛﺖ ﻣﺎ ﺑﺘﻜﻔﻲ. • ﻫﺴﻊ ﺩﻱ (ﺇﺟﺎﺯﺓ ) ﻟﻴﻜﻢ. ◄ ﺗﺤﺬﻳﺮ : • ﺃﻧﺘﻮﺍ ﻧﻈﺮﺗﻜﻢ ﻣﺎ ﺗﺒﻘﻰ ﺿﻴﻘﺔ. • ﻻﺯﻡ ﺗﻨﻈﺮﻭﺍ ﻟﻲ ﺑﻌﻴﺪ. • ﻗﻄﻮﻋﺎﺕ ﺍﻟﻤﻮﻳﺔ ﻣﺎ ﻣﻘﺼﻮﺩ ﺑﻴﻬﺎ ﻗﻄﻮﻋﺎﺕ ﺍﻟﻤﻮﻳﺔ. • ﻗﻄﻮﻋﺎﺕ ﺍﻟﻤﻮﻳﺔ ﻣﻘﺼﻮﺩ ﺑﻴﻬﺎ ﺍﻟﻨﺎﺱ ﺍﻟﻤﺎ ﺷﻐﺎﻟﻴﻦ ﺩﻳﻞ. • ﻳﻨﺒﻄﺤﻮﺍ ﻣﻦ ﺿﻞ ﻟﻲ ﺿﻞ … • ﻫﺴﻊ ﻋﻼﻗﺔ ﺍﻟﻨﺎﺱ ﺩﻳﻞ ﺑﻲ ﻗﻄﻮﻋﺎﺕ ﺍﻟﻤﻮﻳﺔ ﺷﻨﻮ؟ .. ﻟﻮ ﻣﺎ ﺣﺮﻛﺎﺕ ﻣﻨﻚ ﺳﺎﻛﺖ . • ﻋﻴﻨﻜﻢ ﻓﻲ ﻭﺍﻟﻲ ﺍﻟﺨﺮﻃﻮﻡ ﻭﺗﻄﻌﻨﻮﺍ ﻓﻲ ﺑﻠﻪ ﺟﺎﺑﺮ . ◄ ﺃﺣﺰﺍﻥ ﻛﺒﻮﺷﻴﺔ ﻣﺴّﺨﺖ ﺍﻟﻌﻴﺪ : • ﻓﻘﺪﺕ ﻣﻨﻄﻘﺔ ﻛﺒﻮﺷﻴﺔ ﺃﺣﺪ ﺃﻧﺸﻂ ﻛﻮﺍﺩﺭﻫﺎ – ﻭﺃﺑﺮ ﺃﻭﻻﺩﻫﺎ ، ﻭﺃﻓﻀﻞ ﺷﺒﺎﺑﻬﺎ ﻭﻫﻲ ﺗﻔﻘﺪ ﻓﻲ ﺍﻷﻳﺎﻡ ﺍﻷﺧﻴﺮﺓ ﻣﻦ ﺷﻬﺮ ﺭﻣﻀﺎﻥ ﺍﻟﻤﻐﻔﻮﺭ ﻟﻪ ﺑﺈﺫﻥ ﺍﻟﻠﻪ ﻋﺒﺪ ﺍﻟﻌﻈﻴﻢ ﻋﺜﻤﺎﻥ ﺍﻟﻌﺒﻴﺪ ، ﺍﻟﻤﺤﺎﻣﻲ ﻭﺍﻟﻤﺴﺘﺸﺎﺭ ﺍﻟﻘﺎﻧﻮﻧﻲ ﻭﺃﺣﺪ ﺃﻋﻴﺎﻥ ﺣﻲ ﺍﻟﻌﺸﺮﺓ ﺑﺎﻟﺨﺮﻃﻮﻡ ﻭﺍﻟﺬﻱ ﺍﻧﺘﻘﻞ ﺇﻟﻰ ﺟﻮﺍﺭ ﺭﺑﻪ ﻭﺃﺑﻘﻰ ﻋﻠﻰ ﺳﻴﺮﺗﻪ ﺍﻟﻌﻄﺮﺓ ﻋﻨﺪ ﻛﻞ ﺍﻟﻨﺎﺱ .. ﻓﻘﺪ ﻋﺮﻑ ﺑﺎﻟﻨﺨﻮﺓ ﻭﺍﻟﻜﺮﻡ ﻭﺍﻟﺸﻬﺎﻣﺔ. • ﻋﺒﺪ ﺍﻟﻌﻈﻴﻢ ﻛﺎﻥ ﻛﺘﻠﺔ ﻣﻦ ﺍﻟﻨﺸﺎﻁ ﻭﺍﻟﺤﻴﻮﻳﺔ .. ﺣﺘﻰ ﻣﺎﺕ ﺑﺪﺍﺀ ﺍﻟﻘﻠﺐ – ﻣﺘﻌﺠﻼً ﻋﻠﻰ ﺭﺣﻴﻠﻪ ﻭﻫﻮ ﻓﻲ ﺯﻫﻮ ﺍﻟﺸﺒﺎﺏ. • ﺷﺎﺭﻙ ﺃﺑﻨﺎﺀ ﺭﺍﺑﻄﺔ ﻃﻼﺏ ﻛﺒﻮﺷﻴﺔ ﺑﺠﺎﻣﻌﺔ ﺍﻟﻘﺎﻫﺮﺓ ﻓﺮﻉ ﺍﻟﺨﺮﻃﻮﻡ ( ﺍﻟﻨﻴﻠﻴﻦ ) ﺇﻓﻄﺎﺭﻫﻢ ﺍﻟﺠﻤﺎﻋﻲ ﺑﻤﺸﺎﺭﻛﺔ ﻓﻌﺎﻟﺔ ﻭﺣﻀﻮﺭ ﺃﻧﻴﻖ ﻳﻮﻡ ﺍﻟﺠﻤﻌﺔ ﺍﻟﻤﺎﺿﻴﺔ ﻭﺭﺣﻞ ﻳﻮﻡ ﺍﻻﺛﻨﻴﻦ. • ﻧﺴﺄﻝ ﺍﻟﻠﻪ ﻟﻪ ﺍﻟﺮﺣﻤﺔ ﻭﺍﻟﻤﻐﻔﺮﺓ ﻭﺃﻥ ﻳﺴﻜﻨﻪ ﻓﺴﻴﺢ ﺟﻨﺎﺗﻪ ﻭﻳﺒﺪﻟﻪ ﺩﺍﺭﺍً ﺧﻴﺮﺍً ﻣﻦ ﺩﺍﺭﻩ ﻭﺃﻫﻼً ﺧﻴﺮﺍً ﻣﻦ ﺃﻫﻠﻪ . ◄ ﺍﻟﻜﻠﻤﺔ ﻭﻣﻌﻨﺎﻫﺎ : • ﺃﻗﻮﻝ ﻟﻴﻜﻢ …ﺃﻧﺒﻮﺑﺔ ﺍﻟﻐﺎﺯ ﻟﻮ ﻗﻄﻌﺖ ﻓﻲ ﻳﻮﻡ ﺯﻱ ﺩﺍ ﻳﻜﻮﻥ ( ﺣﻘﺪ ) ﻣﻨﻬﺎ ﺳﺎﻛﺖ . • ﻳﻌﻨﻲ ﺍﻟﻔﺎﺿﻰ ﻣﻨﻮ ﺍﻟﻠﻴﻠﺔ ﻋﺸﺎﻥ ﻳﻘﻌﺪ ﻳﻔﺘﺶ ﻓﻲ ﺃﻧﺎﺑﻴﺐ ﺍﻟﻐﺎﺯ . • ﺩﺍ ﻣﺎ ﻭﻗﺖ (ﺃﻧﺒﻮﺑﺔ ﻏﺎﺯ ) . ◄ ﺃﻭﻝ ﺷﺎﺭﻉ : • ﺭﻣﻀﺎﻥ ﺩﺧﻞ ﻓﻲ ( ﺍﻟﻌﻀﻢ ). • ﻣﺎ ﻗﻠﻨﺎ ﺷﻲﺀ . • ﻭﻻ ﺍﺗﻜﻠﻤﻨﺎ. • ﺳﻜﺘﻨﺎ ﺳﺎﻛﺖ . • ﻟﻜﻦ ﺍﻟﻌﻴﺪ ﺩﺧﻞ ﻓﻲ (ﺍﻟﺠﻴﺐ ) . • ﺃﺧﻴﺮ ﻟﻴﻨﺎ ﺍﻟﺒﻴﻌﺼﺮ ﻋﻠﻰ ( ﺍﻟﻌﻀﻢ ). • ﺍﻟﻌﻀﻢ ﻣﻤﻜﻦ ﺗﺮﻣﻮ ﺑﻲ (ﻛﺒﺎﻳﺔ ﻋﺼﻴﺮ ) .. ﻗﻄﻌﺔ (ﻓﺮﺧﺔ ) …ﻗﻄﻌﺔ (ﺑﺎﺳﻄﺔ ) . • ﻟﻜﻦ (ﺍﻟﺠﻴﺐ ) ﺑﺘﺮﻣﻮﺍ ﺑﻲ ﺷﻨﻮ؟ . ◄ ﻓﻜﺮﺓ : • ﻧﺎﺱ ﺍﻻﺭﺻﺎﺩ ( ﻭﺍﻟﻜﻼﻡ ﺩﺍ ﻗﺎﻃﻌﻮ ﻣﻦ ﺭﺃﺳﻲ ) ﻋﺸﺎﻥ ﻣﺎ ﺃﺧﻠﻴﻜﻢ ﺗﺪﺧﻠﻮﺍ ( ﻣﺮﺍﺗﺒﻜﻢ ) ﺳﺎﻛﺖ. • ﻧﺎﺱ ﺍﻻﺭﺻﺎﺩ ﻗﻮﻟﻮﺍ ﺡ ﺗﺠﻲ ﻣﻄﺮﺓ ﺗﺎﻧﻲ ﺃﻳﺎﻡ ﻋﻴﺪ ﺍﻟﻔﻄﺮ ﺍﻟﻤﺒﺎﺭﻙ. • ﻗﻠﻨﺎ ﻟﻴﻬﻢ ﺩﻱ ﻣﻄﺮﺓ ﻭﺇﻟّﺎ ﺑﻨﺖ ﺍﻟﺠﻴﺮﺍﻥ ﺍﻟﺒﺘﺠﻲ ﺗﺎﻧﻲ ﺃﻳﺎﻡ ﺍﻟﻌﻴﺪ ﺩﺍ. • ﻃﺒﻌﺎً (ﺑﻨﺖ ﺍﻟﺠﻴﺮﺍﻥ ) ﻓﻲ ﺃﻱ ﺣﺘﻰ ﻋﻨﺪﻫﺎ ﺗﻘﻠﺔ ﺑﺘﻌﺮﻓﻬﺎ ﺑﺮﺍﻫﺎ . . ﺍﻟﻌﻴﺪ ﻣﺎ ﺑﺘﺠﻲ ﺗﺒﺎﺭﻛﻮ ﺃﻭﻝ ﻳﻮﻡ.. ﺍﻟﻌﻴﺪ ﺑﺘﺒﺎﺭﻛﻮ ﻟﻴﻚ ﺗﺎﻧﻲ ﻳﻮﻡ. • ﻭﻣﺮﺍﺕ ﻛﺘﻴﺮﺓ ﻣﺎ ﺑﺘﻈﻬﺮ ﺗﺒﺎﺭﻙ ﺍﻟﻌﻴﺪ ﺇﻟّﺎ ﻟﻤﻦ ﺍﻟﺨﺒﻴﺰ ﻭﺍﻟﺤﻼﻭﺓ ﺗﻜﻤﻞ . • ﻓﻲ ﻧﺎﺱ ﻛﺪﺍ ﻏﻴﺎﻇﻴﻦ ﺷﺪﻳﺪ .. ﻳﺠﻮﻛﻢ ﺑﻌﺪ ( ﺍﻟﻜﻌﻚ ) ﻣﺎ ﻳﻨﺘﻬﻲ . • ﺗﻘﻌﺪ ﺗﺠﺎﺭﻯ ﻣﻦ ﺑﻘﺎﻟﺔ ﻟﻲ ﺑﻘﺎﻟﺔ. ◄ ﺇﺳﻌﺎﻑ : • ﺷﺎﻳﻞ ﺗﻠﻔﻮﻧﻮ ﻭﻗﻊ … • ﺍﻟﻈﺎﻫﺮ ﺍﻧﺪﻣﺞ ﻓﻲ (ﺍﻟﻮﺍﺗﺴﺎﺏ ). • ﻭﻗﻊ ﻫﻮ ﻣﺎ ﺍﻟﺘﻠﻔﻮﻥ. • ﺷﻠﻨﺎﻩ ﻭﺟﺮﻱ ﻋﻠﻰ ﺍﻟﺤﻮﺍﺩﺙ – ﻭﻫﻮ ﺑﻴﻦ ﺍﻟﺤﻴﺎﺓ ﻭﺍﻟﻤﻮﺕ … (ﺣﺎﻟﺘﻮ ﻛﺎﻧﺖ ﺧﻄﻴﺮﺓ ﺷﺪﻳﺪﺓ ) . • ﻓﻲ ﺍﻟﻤﺴﺘﺸﻔﻰ ﺍﻟﺪﻛﺘﻮﺭ ﻋﺎﻳﻦ ﻟﻴﻪ ﻛﺪﺍ ..ﻗﺎﻝ ﻟﻴﻬﻢ ﺃﻟﺤﻘﻮﻧﻲ ﺑﻲ ( ﺩﺭﺑﺎﺕ ) ﺳﺮﻳﻌﺔ ﺍﻟﺰﻭﻝ ﺩﺍ ﻓﺎﻗﺪ ﻋﺪﻳﻞ ﻛﺪﺍ . • ﺯﻭﻟﻜﻢ ﻓﺘﺢ ﻋﻴﻨﻮ . .ﻭﻗﺎﻝ ﻟﻠﺪﻛﺘﻮﺭ .. ﺇﻥ ﺷﺎﺀ ﺍﻟﻠﻪ ﺍﻟﺘﻠﻔﻮﻥ ﻣﺎ ﺟﺎﺗﻮ ﺣﺎﺟﺔ .. ﻳﺎ ﺩﻛﺘﻮﺭ ﺃﻟﺤﻘﻮﻧﻲ ﺑـ ( ﺭﺻﻴﺪ )..ﺍﻟﻮﺍﺗﺴﺎﺏ ﺣﻘﻲ ﻗﻄﻊ … ( ﺍﻟﺪﺭﺑﺎﺕ ) ﺧﻠﻮﻫﺎ ﻫﺴﻊ ﺩﻱ – ﻣﻠﺤﻮﻗﺔ … ﺷﻮﻓﻮﺍ ﻟﻲ ﺷﺎﺣﻦ ﺟﻼﻛﺴﻲ . ◄ ﺷﺎﺣﻦ ﺟﻼﻛﺴﻲ : • ﻗﻠﺖ ﻟﻴﻜﻢ ﻗﺒﻞ ﻛﺪﺍ . • ﻗﻠﺖ ﻟﻴﻜﻢ ﺍﻟﻜﻼﻡ ﺩﺍ ﺃﻟﻒ ﻣﺮﺓ – ﻭﻣﺎ ﻋﺎﻭﺯﻳﻦ ﺗﺴﻤﻌﻮﻩ. • ﻓﻲ ﻧﺎﺱ ﻣﻦ ﻳﺸﻮﻓﻮﺍ ﻟﻴﻬﻢ (ﻛُﺒﺲ ) ﻛﻬﺮﺑﺔ ﺃﻋﺼﺎﺑﻬﻢ ﺑﺘﺒﻮﻅ .. ﺑﻘﻮﻟﻮﺍ ﻋﺎﻭﺯﻳﻦ ﻟﻴﻬﻢ ﺷﺎﺣﻦ ﺟﻼﻛﺴﻲ . .ﻋﺸﺎﻥ ﺗﻠﻔﻮﻧﻬﻢ ﻗﻄﻊ ﺷﺤﻦ. • ﻭﺗﻠﻔﻮﻧﻬﻢ ﻭﻻ ﺑﻜﻮﻥ ﻗﺎﻃﻊ . ◄ ﺑﺎﻟﻤﻨﺎﺳﺒﺔ : • ﻣﺴﻜﻴﻦ ﻋﻤﺮ ﺑﺨﻴﺖ ..ﺑﻠﻌﺐ ﻣﻊ ﺍﻟﻬﻼﻝ (12 ) ﺳﻨﺔ ﻣﺎ ﺣﺼﻞ ﻋﻴّﺪ ﺑﺮﻩ ﺍﻟﺒﻠﺪ. • ﻫﺴﻊ ﻋﻤﺮ ﺑﺨﻴﺖ ﻣﻦ ﺃﻭﻝ ﺷﻬﺮﻳﻦ ﻓﻲ ﺍﻟﻤﺮﻳﺦ ﻋﻴّﺪ ﻓﻲ (ﺍﻟﺠﺰﺍﺋﺮ ) . • ﻋﻴﺪ ﺍﻟﺠﺰﺍﺋﺮ ﻛﻤﺎﻥ ﻣﺴﻴﺨﺔ ﻣُﺴﺦ . • ﻗﺎﻟﻮﺍ ﻟﻴﻚ (ﻛﻌﻚ ) ﻣﺎ ﻓﻴﻪ . • ﻭﻻ ﻓﻲ ﺯﻭﻝ ﺑﻘﻮﻝ ﻟﻴﻚ ﻛﻞ ﺳﻨﺔ ﻭﺃﻧﺖ ﻃﻴﺐ ﺑﺎﻟﻌﺮﺑﻲ. • ﺍﻟﺒﺠﺎﻣﻠﻚ ﺷﺪﻳﺪ – ﺑﻘﻮﻟﻬﺎ ﻟﻴﻚ ﺑﺎﻟﻔﺮﻧﺴﻲ. • ﻓﻲ ﺯﻭﻝ ﺑﻴﻌﻴﺪ ﻓﻲ ﺑﻠﺪ ﺍﻟﻤﻠﻴﻮﻥ ﺷﻬﻴﺪ …ﺩﻳﻞ ﻟﻮ ﻋﻤﻠﻮﺍ ﻋﺮﺱ ﺍﻟﺸﻬﻴﺪ ﻣﺎ ﺗﻠﻘﻮﺍ ﻟﻴﻜﻢ ﻛﺮﺳﻲ ﻓﺎﺿﻲ. • ﺑﺎﻟﻤﻨﺎﺳﺒﺔ ﻧﺎﺱ ﻋﻤﺮ ﺑﺨﻴﺖ ﻭﺑﻜﺮﻱ ﺍﻟﻤﺪﻳﻨﺔ ﻭﺿﻔﺮ ﻭﺃﻣﻴﺮ ﻛﻤﺎﻝ ﻣﺮﻗﻮﺍ ﻣﻦ ( ﺍﻟﻌﻴﺪ ) . • ﻭﺷﻜﻠﻬﻢ ﻛﺪﺍ ﺡ ﻳﻤﺮﻗﻮﺍ ﺑﺮﺿﻮ ﻣﻦ (ﺍﻟﻤﺠﻤﻮﻋﺎﺕ ) . • ﺃﻧﺘﻮﺍ ﺍﻟﺰﻭﻝ ﻭﻗﺖ ﻳﻘﻮﻝ ﻟﻴﻜﻢ ﺍﻟﺤﻘﻴﻘﺔ ﺑﺘﺰﻋﻠﻮﺍ ﻣﺎﻟﻜﻢ . ◄ ﺍﺣﺘﻤﺎﻝ : • ﻗﺎﻋﺪ ﻣﺘﻞ ﺍﻟﻬﻤﺰﺓ ﻋﻠﻰ ﺍﻟﺴﻄﺮ. .ﻗﺎﻝ ﻟﻴﻬﻢ ﺃﻣﺲ ﺍﻟﺤﺎﺟﺔ ﺻﺤﺘﻨﻲ ﻟﻠﺴﺤﻮﺭ .. ﺑﺪﻝ ﻣﺎ ﺃﺷﺮﺏ ﻟﻲ ﻣﻮﻳﺔ ﺃﻭ ﺁﻛﻞ ﻟﻲ ﺣﺎﺟﺔ .. ﺿﺮﺑﺖ ﻟﻲ ﺗﻠﻔﻮﻥ ﻭﺭﺟﻌﺖ ﻧﻤﺖ ﺗﺎﻧﻲ . • ﻋﺸﺎﻥ ﻛﺪﺍ ﺍﻟﻴﻮﻡ ﻛﻠﻮ ﻛﻨﺖ ﻋﺎﻳﺶ ﺑﻲ ﺇﺣﺴﺎﺱ (ﻟﻘﺪ ﻧﻔﺪ ﺭﺻﻴﺪﻙ ﺍﻟﺮﺟﺎﺀ ﺗﻐﺬﻳﺔ ﺍﻟﺒﻄﺎﻗﺔ ) . • ﻫﺴﻊ ﺃﻣﺎﻧﺔ ﻓﻴﻚ ﻛﺪﺍ – ﻭﻳﻨﻮ ( ﺍﻻﺣﺘﻤﺎﻝ )؟. • ﺗﻐﺬﻳﺔ ﺍﻟﺒﻄﺎﻗﺔ ﻭﻟّﺎ ﺗﻐﺬﻳﺔ ﻧﻔﺴﻚ. ◄ ﺷﻴّﺎﻟﺔ ﺣﻼﻭﺓ : • ﺯﻭﻝ ﻋﻨﺪﻭ ﻧﻔﺴﻴﺎﺕ – ﻭﺩﻭﻩ ﺍﻟﻤﺼﺤﺔ . .ﺍﻟﺪﻛﺘﻮﺭ ﻗﺎﻝ ﻟﻴﻪ ﻣﺎﻟﻚ (ﺷﺎﻋﺮ ) ﺑﻲ ﺷﻨﻮ؟. • ﻗﺎﻝ ﻟﻴﻪ ﻳﺎ ﺩﻛﺘﻮﺭ ﻭﺍﻟﻠﻪ ( ﺷﺎﻋﺮ ) ﻭﺑﻐﻨﻲ ﻛﻤﺎﻥ …ﻟﻜﻦ ﺍﻟﻨﺎﺱ ﺩﻱ ﻣﺎ ﻣﻘﺘﻨﻌﺔ. • ﺍﻟﺪﻛﺘﻮﺭ ﻋﺮﻑ ﻟﻴﻚ ﺣﺎﻟﺘﻮ ﺻﻌﺒﺔ ﺷﺪﻳﺪ. • ﻫﺴﻊ ﺍﻟﻤﻮﺿﻮﻉ ﺩﺍ ﻛﻠﻮ ﻗﺎﺑﻠﺘﻜﻢ ﻓﻴﻪ (ﺷﻴّﺎﻟﺔ ﺣﻼﻭﺓ ) . • ﺑﺘﺘﻜﻠﻢ ﺳﺎﻱ ﺃﻧﺖ. ◄ ﺻﻴﻨﻴﺔ ﺧﺒﻴﺰ : • ﺯﻭﺟﺘﻮ (ﺻﻌﺒﺔ ) – ﺍﻟﻨﻮﻉ ﺍﻟﻌﻨﺪﻫﺎ ( ﻗﻤﻴﺺ ﻭﺍﺣﺪ ) ﺩﺍﻙ .. ﻭﺍﻟﻴﻮﻡ ﻛﻠﻮ ﺷﺎﻳﻠﺔ (ﺍﻟﻤﻘﺸﺎﺷﺔ ) . • ﺍﻟﺰﻭﺟﺔ ﻗﺎﻟﺖ ﻟﻲ ﺯﻭﺟﻬﺎ .. ﻟﻮ ﻣﺎ ﺟﺒﺖ ﻣﻌﺎﻙ (ﺍﻟﺨﺒﻴﺰ ) ﻣﺎ ﺗﺮﺟﻊ. • ﺍﻟﺰﻭﺝ ﻗﺎﻝ ﻟﻴﻬﺎ ﺧﻼﺹ .. ﻟﻐﺎﻳﺔ ﺍﻟﺴﺎﻋﺔ ﺍﺗﻨﻴﻦ ﺻﺒﺎﺣﺎً ﻟﻮ ﻣﺎ ﺟﻴﺖ ﺭﺍﺟﻊ – ﺃﻋﺮﻓﻨﻲ ﻣﺸﻴﺖ ﻋﻠﻰ ﻧﺎﺱ ﺍﻟﺤﺎﺟﺔ. ◄ ﺍﻗﺘﺮﺍﺡ : • ﺇﻥ ﺷﺎﺀ ﺍﻟﻠﻪ ﺗﺠﻲ ( ﻣﻄﺮﺓ ). • ﻋﺸﺎﻥ ﻭﺍﻟﻲ ﺍﻟﺨﺮﻃﻮﻡ ﻳﻘﻮﻝ ﻟﻴﻨﺎ .. ﺍﻗﺮﻋﻮﺍ ﺍﻟﻤﻮﻳﺔ ﺑﺎﻟﻨﻈﺮ. • ﻭﺻﺮﻓﻮﺍ ﺍﻟﻤﻮﻳﺔ ﺑﺎﻟﻨﻈﺮ . • ﻭﺍﻓﺘﺤﻮﺍ ﺍﻟﺪﺭﻭ ﺑﺎﻟﻨﻈﺮ . • ﻭﻟﻮ ﺍﻟﻤﻮﻳﺔ ﺩﺧﻠﺖ ﻟﻴﻜﻢ ﻓﻲ ﺍﻟﻐﺮﻑ – ﻃﻠﻌﻮﻫﺎ ﺑﺎﻟﻨﻈﺮ. • ﻧﺤﻦ ( ﻧﻈﺮﻧﺎ ) ﺩﺍ – ﻳﻌﻤﻞ ﺷﻨﻮ ﻭﻟّﺎ ﺷﻨﻮ ﻭﻟّﺎ ﺷﻨﻮ؟. ◄ ﺷﻮﺭﺑﺔ ﻣﺴﺮﻭﻗﺔ : • ﻋﻨﺪﻫﻢ (ﺩﻳﻚ ) ﺭﺍﻳﺢ .. ﺑﻌﺪ ﺗﻼﺗﺔ ﺃﻳﺎﻡ ﻣﻦ ﻓﻘﺪﺍﻧﻪ . . ﺷﺎﻓﻮﻩ ﻓﻲ (ﺻﻴﻨﻴﺔ ﻓﻄﻮﺭ ) ﺟﺎﺭﻫﻢ ﻋﺒﺎﺱ ﻭﺩ ﺍﻟﺸﻨﺐ . • ﺻﺎﺣﺐ ﺍﻟﺪﻳﻚ ﺑﻌﺮﻑ ﺩﻳﻜﻮ ﻣﻦ ( ﺷﻮﺭﺑﺘﻮ ) – ﻗﺎﻝ ﻟﻲ ﻋﺒﺎﺱ ﻭﺩ ﺍﻟﺸﻨﺐ .. ﺃﻧﺎ (ﺷﻨﺒﻚ ) ﻣﺎ ﻋﻨﺪﻱ ﻓﻴﻪ ﻛﻼﻡ . .ﻟﻜﻦ ﻳﻮﻣﻚ ﺍﻟﺼﺎﻳﻤﻮ ﺩﺍ ﺇﻟّﺎ ﺗﻌﻴﺪﻭ . • ﻧﺎﺱ ﺍﻟﻠﺠﻨﺔ ﺍﻟﺸﻌﺒﻴﺔ ﻣﺎ ﺑﻘﺒﻠﻮﻩ ﻟﻴﻚ . ◄ ﻧﻈﺮﻳﺔ : • ﻗﺎﻝ ﻟﻴﻪ ﺭﺃﻳﻚ ﺷﻨﻮ ﻓﻲ ﺍﻟﻜﻼﻡ ﺍﻟﺴﻤﻌﺘﻮ ﺩﺍ؟ . • ﻗﺎﻝ ﻟﻴﻪ ..ﺃﻧﺎ ﻣﺎ ﺳﻤﻌﺖ ﺣﺎﺟﺔ .. ﻟﻜﻦ ﻧﺎﺱ ﺍﻟﻜﻬﺮﺑﺎﺀ ﺩﻳﻞ ﻟﻮ ﻛﻬﺮﺑﺘﻬﻢ ﺩﻱ ﻗﻠﺒﻮﻫﺎ ( ﺷﻤﻊ ) ﻳﻜﻮﻥ ﺃﺣﺴﻦ ﻟﻴﻬﻢ . ◄ ﺻﻔﻴﺤﺔ ﺩﻏﺎﻟﺔ : • ﻭﺍﺣﺪ ﻣﺸﻰ ﻳﺨﻄﺐ . . ﻭﻫﻮ ﻣﺎ ﺳﺒﻖ ﻟﻴﻪ ﺃﻧﻮ ﺷﺎﻑ ﺍﻟﻌﺮﻭﺱ. • ﻃﻠﻌﻮﺍ ﻟﻴﻪ ﺍﻟﻌﺮﻭﺱ ﻃﻠﻌﺖ ﺷﻨﺔ ﻣﺒﺎﻟﻎ ﻓﻴﻬﺎ. • ﻣﺎ ﺑﺘﺘﻘﺎﺑﻞ. • ﺃﺑﻮ ﺍﻟﻌﺮﻭﺱ ﻗﺎﻝ ﻟﻴﻪ ﻧﺤﻦ ﻣﺎ ﻋﻨﺪﻧﺎ (ﺧﻄﻮﺑﺔ ) – ﻧﺤﻦ ﺑﻨﻌﻘﺪ ﻃﻮﺍﻟﻲ .. ﻣﺎ ﻓﻲ ﺣﺎﺟﺔ ﺍﺳﻤﻬﺎ ﺧﻄﻮﺑﺔ . .ﺩﻱ ( ﺳﺮﻣﺤﺔ ) ﺳﺎﻛﺖ. • ﺍﻟﻌﺮﻳﺲ ﻗﺎﻝ ﻟﻴﻪ ﻣﺎ ﻓﻲ ﺧﻴﺎﺭﺍﺕ ﺗﺎﻧﻴﺔ – ﺑﻌﺪﻳﻦ ( ﺳﺮﺣﻤﺔ ) ﻣﻊ ﻣﻨﻮ ﻳﺎ ﺣﺎﺝ؟. . ﺃﻧﺖ ﻣﺎ ﺷﺎﻳﻒ ﺑﻨﺘﻚ. • ﺃﺑﻮ ﺍﻟﻌﺮﻭﺱ ﻋﻤﻞ ﻟﻴﻬﻢ ﻧﻈﺮﻳﺔ ( ﺑﻼﻝ ﻣﻮﺳﻰ ) – ﻗﺎﻝ ﻟﻴﻬﻢ : ( ﻋﻘﺪ ﺑﺲ ). • ﺍﻟﻌﺮﻳﺲ ﻗﺎﻝ ﻟﻴﻪ ﺃﻥ ﺑﻘﻰ ﻛﺪﺍ .. ﺍﻛﺘﻠﻮﻧﻲ ﻗﺒﻠﻲ ﻫﻨﺎ – ﺃﻧﺎ ﻣﺎ ﺟﺎﻫﺰ ﻟﻠﻌﺮﺱ …ﻭﻻ ﺑﻘﻴﺖ ﻟﻴﻪ. ◄ ﺍﻟﻤﺮﻳﺨﺎﺏ ﺑﻌﺪ ﺗﺄﻟﻖ ﺍﻟﺸﻐﻴﻞ ﻗﺎﻟﻮﺍ ﻣﺎﺷﻴﻦ ( ﻟﻮﺯﺍﻥ ) : • ﻧﺎﺱ ﺍﻟﻤﺮﻳﺦ ﻭﻗﺖ ﺷﺎﻓﻮﺍ ﺗﺄﻟﻖ ( ﺍﻟﺸﻐﻴﻞ ) – ﻭﺃﻗﻮﺍﻧﻮ ﺍﻟﺒﻴﺠﻴﺐ ﻓﻴﻬﺎ ﺯﻱ ( ﺍﻟﺨﻤﻴﺲ ﻭﺍﻟﺠﻤﻌﺔ ) ﻗﺎﻟﻮﺍ ﻣﺎﺷﻴﻦ (ﻟﻮﺯﺍﻥ ) . • ﺗﻤﺸﻮﺍ (ﻟﻮﺯﺍﻥ ) ﺗﻘﻮﻟﻮﺍ ﻟﻴﻬﻢ ﺷﻨﻮ؟. • ﺗﻘﻮﻟﻮﺍ ﻟﻴﻬﻢ ﻧﺤﻦ ﺷﻄﺒﻨﺎ ﺍﻟﺸﻐﻴﻞ ﺑﺴﺒﺐ (ﺍﻹﺻﺎﺑﺔ ) – ﻭﻫﻮ ﻻ ﻣﺼﺎﺏ ﻭﻻ ﺣﺎﺟﺔ . • ﻫﻮ ﻣﺎ ﺷﺎﺀ ﺍﻟﻠﻪ ﺯﻱ ﺍﻟﺤﺼﺎﻥ. ◄ ﻣﻠﺤﻮﻇﺔ : • ﺍﻟﻤﺮﻳﺨﺎﺏ .. ﺍﻟﻜﻼﻡ ﺩﺍ ﺑﺨﺼﻜﻢ ﺑﺮﺍﻛﻢ …ﺍﻟﺴﻨﺔ ﺩﻱ ﻣﺎ ﺗﺘﻘﻠﻮﺍ ﻓﻲ ( ﺍﻟﺨﺒﻴﺰ ) ﻋﻨﺪﻛﻢ ﻣﺒﺎﺭﺍﺓ ﺻﻌﺒﺔ ﺃﻣﺎﻡ ﻭﻓﺎﻕ ﺳﻄﻴﻒ . • ﻭﺍﻟﻠﻪ ﺃﻧﺘﻮﺍ ﺑﻌﺪ ﻫﺰﻳﻤﺘﻜﻢ ﺃﻣﺎﻡ ﺍﺗﺤﺎﺩ ﺍﻟﻌﺎﺻﻤﺔ ﺍﻟﺠﺰﺍﺋﺮﻱ ﻣﻔﺮﻭﺽ ( ﺳﺘﺎﺋﺮ ) ﻣﺎ ﺗﺮﻛﺒﻮﻫﺎ. • ﻣﺎ ﻋﻨﺪﻛﻢ ﻋﻴﺪ ﻣﻌﺎﻧﺎ . ◄ ﻛﺮﺗﻮﻧﺔ ﺣﺮﻭﻑ ﻧﺼﺐ : • ﻓﻲ ﺣﻠﺘﻨﺎ . .ﻓﻲ ﺣﺎﺟﺎﺕ ﻏﺮﻳﺒﺔ ﺑﺘﺤﺼﻞ . • ﺣﺎﺟﺎﺕ ﻣﺎ ﻗﺎﺩﺭﻳﻦ ﻧﻔﻬﻤﻬﺎ. • ﻭﻣﺎ ﻗﺎﺩﺭﻳﻦ ﻧﻌﺮﻓﻬﺎ – ﻫﻲ ﺫﺍﺗﻬﺎ ﺑﺘﺠﻲ ﻣﻦ ﻭﻳﻦ؟. • ﻓﻲ ﺣﻠﺘﻨﺎ ﻗﺎﻟﻮﺍ (ﺍﻟﻤﻮﺯ ) ﻣﻦ ﺍﻟﻔﻮﺍﻛﻪ. • ﺍﻟﺒﻄﻴﺦ ﻣﻦ ﺍﻟﻔﻮﺍﻛﻪ . • ﺍﻟﻤﻨﻘﺎ ﻣﻦ ﺍﻟﻔﻮﺍﻛﻪ . • ﺍﻟﺠﻮﺍﻓﺔ ﻣﻦ ﺍﻟﻔﻮﺍﻛﻪ . • ﺍﻷﻧﺎﻧﺎﺱ ﻣﻦ ﺍﻟﻔﻮﺍﻛﻪ. • ﻭﻫﺪﻑ ﻧﺰﺍﺭ ﺣﺎﻣﺪ ﻓﻲ ﺳﻤﻮﺣﺔ – ﻫﻮ ﺫﺍﺗﻮ ﻣﻦ (ﺍﻟﻔﻮﺍﻛﻪ ). • ﻗﻠﻨﺎ ﻟﻴﻬﻢ ﻋﻠﻰ ﻛﺪﺍ ﻫﺪﻑ ﺷﻴﺒﻮﻥ ﻓﻲ ﺍﺗﺤﺎﺩ ﺍﻟﻌﺎﺻﻤﺔ ﺍﻟﺠﺰﺍﺋﺮﻱ ﻣﻦ ﺍﻟﻨﺒﺎﺗﺎﺕ ﺍﻟﻄﻔﻴﻠﻴﺔ. ◄ ﺃﺭﻧﺐ ﻧﻂ : • ﻣﺮﻳﺨﺎﺑﻲ ﺣﺎﻗﺪ ﺷﺪﻳﺪ. • ﺍﻟﺤﻘﺪ ﻇﺎﻫﺮ ﻓﻲ ﻗﻤﻴﺼﻮ . • ﻗﺎﻟﻮﺍ ﻟﻴﻪ ﻣﺎ ﺍﺳﻢ ﺍﻟﺪﻭﻟﺔ ﺍﻟﺘﻰ ﺗﻌﺮﻑ ﺑﺒﻠﺪ ﺍﻟﻤﻠﻴﻮﻥ ﺷﻬﻴﺪ . • ﺍﻟﻤﺮﻳﺨﺎﺑﻲ ﻗﺎﻝ ﻟﻴﻬﻢ : ( ﺍﻟﻤﻐﺮﺏ ) . • ﺍﻟﺤﺎﻗﺪ ﻋﺎﻭﺯ ﻳﺠﻴﺐ ﻟﻴﻨﺎ ( ﺍﻟﻬﻮﺍ ) – ﻋﺎﺭﻑ ﺍﻟﻬﻼﻝ ﻋﻨﺪﻭ ﻣﺒﺎﺭﺍﺓ ﻣﻊ ﺍﻟﻤﻐﺮﺏ ﺍﻟﺘﻄﻮﺍﻧﻲ ﻳﻮﻡ 26 ﻳﻮﻟﻴﻮ. • ﻟﻜﻦ ﻧﺤﻦ ﺑﻨﺪﻗﺲ. ◄ ﺍﻟﺮﻗﻢ ﻣﺸﻐﻮﻝ : • ﺿﻔﺮ ﻗﺎﻟﻮﺍ ﻟﻴﻪ ﺍﻟﻌﻴﺪ ﻓﻲ ﺍﻟﺠﺰﺍﺋﺮ ﻛﻴﻒ؟. • ﻗﺎﻝ ﻟﻴﻬﻢ ﻣﺎ ﻋﺎﺭﻑ …ﻟﻜﻦ ﻟﻮ ﺩﺍ ﻋﻴﺪﻫﻢ ..ﻧﺤﻦ ﺑﻨﺎﺧﺪ ﺧﻤﺴﺔ ﻣﻦ ﻭﻓﺎﻕ ﺳﻄﻴﻒ. • ﺍﻟﻨﺎﺱ ﺩﻳﻞ ﻋﻴﺪﻫﻢ ﺻﻌﺐ ﺷﺪﻳﺪ . • (ﻛﻌﻚ ) ﻣﺎ ﻋﻨﺪﻫﻢ. • ﻳﻘﻮﻟﻮﺍ ﻟﻴﻜﻢ ﺍﻟﻜﻼﻡ ﺃﻟﻒ ﻣﺮﺓ. ◄ ﺧﻄﻴﻦ ﺗﺤﺖ ﺍﻟﺠﻮﺍﺏ : • ﺭﺑﺔ ﻣﻨﺰﻝ ..ﺟﻮﻫﺎ ﺿﻴﻮﻑ ﻣﻊ ﺍﻟﻔﻄﻮﺭ . . ﻭﻣﺎ ﻋﻨﺪﻫﺎ ﺳﻠﻄﺔ ﺭﻭﺏ .. ﻻ ﻋﻨﺪﻫﺎ ﻋﺠﻮﺭ ﻭﻻ ﻋﻨﺪﻫﺎ ﺯﺑﺎﺩﻱ. • ﺭﺑﺔ ﺍﻟﻤﻨﺰﻝ ﺿﺮﺑﺖ ﻟﻲ ﻭﺍﻟﺪﺗﻬﺎ .. ﻗﺎﻟﺖ ﻟﻴﻬﺎ ﻳﺎ ﺣﺎﺟﺔ – ﻣﺎ ﻣﻤﻜﻦ ﺃﻋﻤﻞ ﺳﻠﻄﺔ ﺍﻟﺮﻭﺏ ﺑﻲ ( ﻓﺠﻠﺔ ) ﻣﺎ ﻋﻨﺪﻱ (ﻋﺠﻮﺭ ) . • ﺃﻣﻬﺎ ﺍﻟﺼﻴﺎﻡ ﻣﺴﺨﻦ ﻣﻌﺎﻫﺎ – ﻗﺎﻟﺖ ﻟﻴﻬﺎ ﻣﻤﻜﻦ ، ﺑﺲ ﻣﺎ ﺗﻜﺘﺮﻱ ﺍﻟﻔﺠﻞ. • ﺑﻌﺪ ﺷﻮﻳﺔ ﺯﻭﻟﺘﻜﻢ ﺗﺎﻧﻲ ﺭﺟﻌﺖ ﻟﻲ ﺃﻣﻬﺎ – ﻭﻗﺎﻟﺖ ﻟﻴﻬﺎ ﻳﺎ ﺣﺎﺟﺔ ﻟﻮ ﻣﺎ ﻋﻨﺪﻱ ( ﺯﺑﺎﺩﻱ ) ﻣﻤﻜﻦ ﺃﻋﻤﻞ ﺑﺪﻟﻮ (ﺯﻳﺖ ﺳﻤﺴﻢ ) ﻟﻲ ﺳﻠﻄﺔ ﺍﻟﺮﻭﺏ. • ﺃﻣﻬﺎ – (ﻗﻠﺖ ﻟﻴﻜﻢ ﺭﻣﻀﺎﻥ ﻣﺴﺨﻦ ﻣﻌﺎﻫﺎ ) ﻗﺎﻟﺖ ﻟﻴﻬﺎ ﺍﻟﻜﻼﻡ ﺩﺍ ﻭﻳﻦ؟. • ﺍﻟﺒﻨﺖ ﻗﺎﻟﺖ ﻟﻴﻬﺎ – ﻫﻨﺎ ﻳ
