المصدر: ﺍﻋﻼﻡ ﺍﻟﻤﺮﻳﺦ ﺍﻭﻝ ﺣﺎﺟﺔ ﺷﻜﻚ ﻓﻲ ‏(ﺍﻧﺪﺭﺯﻳﻨﻬﻮ ‏) .. ﻗﺎﻟﻮﺍ ﺍﻟﺰﻭﻝ ﺩﺍ ﻣﺎ ﺑﺠﻲ . ﺇﻟّﺎ ﺍﺫﺍ ‏(ﺍﻟﺴﻮﺩﺍﻥ ‏) ﺍﻧﻀﻢ ﻻﺗﺤﺎﺩ ﺍﻟﺪﻭﻝ ﺍﻻﻭﺭﻭﺑﻴﺔ. ﺍﻧﺪﺭﺯﻳﻨﻬﻮ ﺑﻲ ‏(ﻓﺮﻗﺘﻮ ﺍﻟﻤﻮﺳﻴﻘﻴﺔ ‏) ﺩﻱ ﻣﻌﻘﻮﻟﺔ ﻳﺠﻲ ﻳﻠﻌﺐ ﻓﻲ ﺍﻟﺴﻮﺩﺍﻥ . ﺍﺻﻠﻮ ﻣﺎ ﺑﺠﻲ . ﻣﻸﻭﺍ ﺍﻟﺠﺮﺍﻳﺪ ﻛﻼﻡ ﺑﺎﻟﺸﻜﻞ ﺩﺍ . ﻭﻗﻌﺪﻭﺍ ﻣﻊ ‏( ﺿﻔﺮ ﻭﺍﻣﻴﺮ ﻛﻤﺎﻝ ‏) .. ﻗﺎﻟﻮﺍ ﻟﻴﻬﻢ ﻣﺎ ﺗﺸﻴﻠﻮﺍ ﻫﻢ . ﻣﻌﻘﻮﻟﺔ ﺍﻟﺒﻌﻤﻞ ﻓﻴﻪ ‏(ﻧﻴﻤﺎﺭ ‏) ﻓﻲ ﺍﻟﺪﻭﺭﻱ ﺍﻻﺳﺒﺎﻧﻲ ﻳﺠﻲ ‏( ﺍﻧﺪﺭﺯﻳﻨﻬﻮ ‏) ﻭﻳﻌﻤﻠﻮﺍ ﻓﻲ ﺍﻟﺪﻭﺭﻱ ﺍﻟﺴﻮﺩﺍﻧﻲ . ﺍﻧﺘﻮﺍ ﺟﻨﻴﺘﻮﺍ. ﺍﻧﺘﻮﺍ ﻣﺎ ﻋﻨﺪﻛﻢ ﺭﺃﺱ . ﺿﻔﺮ ﺍﻗﺘﻨﻊ. ﺿﻔﺮ ﻣﺴﻜﻴﻦ . ﺍﻱ ﺣﺎﺟﺔ ﺑﺘﻘﻨﻌﻮ ﻟﻴﻜﻢ . ﻭ ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏(ﺍﻟﻨﻔﺲ ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏). ﺑﺲ ﻳﺎ ﺿﻔﺮ ﺍﻟﺒﺴﻤﻊ ﺑﻴﻚ ﺑﻌﺪ ﺍﻳﺎﻡ ﺗﺸﻜﻲ ﻣﻦ ‏( ﺍﻟﺮﺑﺎﻁ ﺍﻟﺼﻠﻴﺒﻲ ‏) ﻣﺎ ﻛﻀﺐ . ﺍﻟﻴﻮﻡ ﺍﻟﺘﺎﻧﻲ ‏( ﺍﻧﺪﺭﺯﻳﻨﻬﻮ ‏) ﻭﺻﻞ ﻟﻴﻚ ﺍﻟﺒﻠﺪ . ﻭﺻﻞ ﻋﺪﻳﻞ ﻛﺪﺍ . ﺍﻟﺠﻤﺎﻋﺔ ﻗﺎﻟﻮﺍ ﺍﺣﺴﻦ ﻣﺎ ﻳﻄﻘﻮﺍ ﺍﻟﻜﻮﺍﺭﻳﻚ . ﺍﺣﺴﻦ ﻳﺜﺒﺘﻮﺍ . ﺍﻟﺠﺮﺳﺔ ﺑﺪﺭﻱ ﻋﻠﻴﻬﺎ . ﺍﻟﻨﺎﺱ ﻓﻲ ﻓﺘﺮﺓ ﺍﻋﺪﺍﺩﻳﺔ . ﻗﻌﺪﻭﺍ ﻟﻴﻚ ﻣﻊ ﺿﻔﺮ ﻭﺍﻣﻴﺮ ﻛﻤﺎﻝ ﻭﺍﻟﺮﻳﺢ ﻋﻠﻲ ﻭﻋﻠﻲ ﺟﻌﻔﺮ .. ﻗﺎﻟﻮﺍ ﻟﻴﻬﻢ ﺍﻟﺰﻭﻝ ﺩﺍ ‏( ﺍﻟﺴﻴﺴﺘﻢ ‏) ﺑﻘﻔﻞ ﻟﻴﻬﻮ . ﺑﺮﻓﻀﻮ ﺍﻟﺴﻴﺴﺘﻢ . ﺍﻟﺴﻴﺴﺘﻢ ﺑﻘﻮﻝ ﻟﻴﻬﻢ ﻣﺎ ﻓﻲ ﺑﺮﺍﺯﻳﻠﻲ ﺑﺎﻟﻤﻮﺍﺻﻔﺎﺕ ﺩﻱ ﻣﻤﻜﻦ ﻳﻠﻌﺐ ﻓﻲ ﺍﻟﺪﻭﺭﻱ ﺍﻟﺴﻮﺩﺍﻧﻲ . ﺍﻟﺴﻴﺴﺘﻢ ﺡ ﻳﻘﻮﻝ ﻟﻴﻬﻢ ﺍﻧﺘﻮﺍ ﺟﻨﻴﺘﻮﺍ؟. ﺍﻧﺘﻮﺍ ﻣﺎ ﻋﻨﺪﻛﻢ ﺭﺃﺱ؟. ﺟﺎﻳﺒﻴﻦ ﻟﻲ ‏( ﺣﺎﻭﻱ ‏) .. ﻭﺗﻘﻮﻟﻮﺍ ﻟﻲ ﻻﻋﺐ ﻛﻮﺭﺓ . ﺟﺎﻳﺒﻴﻦ ﻟﻲ ﻣﻴﺴﻲ . ﺍﻧﺘﻮﺍ ﻣﺎ ﻋﻨﺪﻛﻢ ﺭﺃﺱ؟. ﺍﻟﺴﻴﺴﺘﻢ ﺡ ﻳﺮﻓﻀﻮ . ﻭﺡ ﻳﻘﻮﻝ ﻟﻴﻬﻢ ﻛﻤﺎﻥ .. ‏( ﺿﻔﺮ ‏) ﻻ ﺑﻘﺪﺭ ﻋﻠﻰ ‏(ﺍﻟﻤﺠﺎﺑﺪﺓ ‏) ﺩﻱ ﻭﻻ ﺣﺎﺟﺔ . ﻭﻻ ﻋﻨﺪﻭ ‏(ﺿﺮﺱ ‏) ﺑﻴﺴﺘﺤﻤﻞ ﺍﻟﺤﺎﺟﺎﺕ ﺩﻱ. ﻛﻤﺎﻥ ﻧﺤﻦ ﻣﺎ ﺑﻨﻌﺮﻑ ‏( ﺍﻟﺴﻴﺴﺘﻢ ‏) ﺑﺘﺎﻋﻨﺎ . ﺳﻴﺴﺘﻤﻨﺎ ﺩﺍ ﺷﻐﺎﻝ ﺑﺎﻟﻬﺒﺎﺑﺔ . ﺯﻱ ﻧﺎﺭ ﺍﻟﺤﻄﺐ ﻟﻮ ﻣﺎ ﻫﺒﻮﻩ ﻣﺎ ﺑﻴﺸﺘﻐﻞ . ﺿﻔﺮ ﺳﻤﻊ ﻟﻴﻚ ﻛﻼﻡ ﺍﻋﻼﻡ ﺍﻟﻤﺮﻳﺦ .. ﻗﺎﻝ ﻣﺎ ﻓﻲ ﻣﺸﻜﻠﺔ ..ﻭﻗﺖ ‏( ﺍﻟﺴﻴﺴﺘﻢ ‏) ﺑﻘﺪﺭ ﺣﺎﻟﺘﻨﺎ – ﻣﺎ ﻓﻲ ﻋﻮﺟﺔ. ﻟﻜﻦ ﺿﻔﺮ ﻗﺎﻝ ﻟﻴﻬﻢ ﻓﻲ ﻧﻔﺲ ﺍﻟﻮﻗﺖ .. ﺍﻟﺰﻭﻝ ﺩﺍ ﻟﻮ ‏( ﺍﻟﺴﻴﺴﺘﻢ ‏) ﻣﺎ ﺛﺒﺘﻮ ﻟﻴﻜﻢ – ﻧﺤﻦ ﻻ ﺑﻨﻘﺪﺭ ﻧﺜﺒﺘﻮ ﻭﻻ ﺣﺎﺟﺔ. ﺷﻮﻓﻮﺍ ﻟﻴﻜﻢ ﻃﺮﻳﻘﺔ ﻣﻊ ‏( ﺍﻟﺴﻴﺴﺘﻢ ‏) ﻋﺸﺎﻥ ﻳﺮﻓﻀﻮ . ﻧﺤﻦ ‏( ﺳﻴﺴﺘﻤﻨﺎ ‏) ﻣﺤﻤﺪ ﻋﺒﺪﺍﻟﺮﺣﻤﻦ ﻣﺎ ﺑﻘﺪﺭ ﻋﻠﻴﻪ . ﺍﻟﺸﻲﺀ ﺍﻟﺤﺼﻞ – ﺍﻟﺴﻴﺴﺘﻢ ﻗﺒﻞ ﻟﻴﻚ ﺍﻧﺪﺭﺯﻳﻨﻬﻮ. ﺍﻟﺴﻴﺴﺘﻢ ﻣﺎ ﻗﺎﻝ ﺍﻱ ﺣﺎﺟﺔ . ﺍﻟﻤﺮﻳﺨﺎﺏ ﻏﻠﺒﺘﻬﻢ ﺍﻟﻘﻌﺪﺓ . ﺍﻟﻤﻮﺿﻮﻉ ﻭﻗﺖ ﺍﺗﺠﺎﻭﺯ ‏( ﺍﻟﺴﻴﺴﺘﻢ ‏) .. ﻗﻠﺒﻬﻢ ﻃﺎﺭ. ﻭﺿﻔﺮ ﻗﺎﻝ ﻟﻴﻬﻢ ﺍﻋﻴﺮﻭﻧﻲ ﻟﻠﺮﺍﺑﻄﺔ ﻛﻮﺳﺘﻲ – ﺍﻧﺎ ﻻ ﺑﻘﻌﺪ ﻟﻴﻜﻢ ﻓﻲ ﺍﻟﺒﻠﺪ ﺩﻱ ﻭﻻ ﺣﺎﺟﺔ . ﻧﺎﺱ ﺍﻟﻬﻼﻝ ﺟﺎﺑﻮﺍ ﻟﻴﻬﻢ ‏(ﺑﺮﺍﺯﻳﻠﻲ ‏) ﺍﻟﻠﻴﺒﺮﻭ ﺍﻟﺒﺪﺧﻞ ﻋﻠﻴﻪ ﺑﻔﻜﻮﺍ ﺯﻱ ﺍﻟﺨﻤﺴﻴﻦ ﺟﻨﻴﻪ . ﺍﻟﻠﻴﺒﺮﻭ ﺑﻔﻜﻮ ‏( 7 ‏) ﺑﺎﻛﺎﺕ ﻭﻣﻌﺎﻩ ﺯﻳﺎﺩﺓ ‏( ﻟﻘﺎﻁ ﻛﻮﺭ ‏) . ﺍﻻﺭﺗﻜﺎﺯ ﺑﻔﻜﻮﺍ ﻟﻴﻜﻢ ‏( 3 ‏) ﺣﺮﺍﺱ ﻣﺮﻣﻲ ﻣﻊ ﺩﺳﺘﺔ ﻛﺒﺎﺑﻲ . ﺯﻭﻝ ﺻﻌﺐ. ﻧﻮﻉ ﺩﺍ ﻧﺎﺱ ﺿﻔﺮ ﺩﻳﻞ ﻟﻮ ﻣﺎ ﺟﻬﺰﻭﺍ ﻟﻴﻬﻢ ﺍﺭﺑﻌﺔ ﺻﻮﺭ ﺑﺎﺳﺒﻮﺭﺕ ﻭﻻ ﻳﺪﺧﻠﻮﺍ ﻋﻠﻴﻪ . ﻭﻳﻔﺤﺼﻮﺍ ﺍﻟﺪﻡ. ﻭﻳﺸﻮﻓﻮﺍ ﺍﻟﻮﺯﻥ . ﻭ ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏(ﺍﻟﻨﻔﺲ ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏). ﺑﺲ ‏( ﺍﻟﺴﻴﺴﺘﻢ ‏) ﻣﺎ ﻗﺼﺮ ﻣﻌﺎﻧﺎ. ﺍﺻﻠﻮ ﻣﺎ ﻗﺼﺮ . ﺍﻟﻤﺮﻳﺨﺎﺏ ﺣﺎﻭﻟﻮﺍ ﻳﻘﻨﻌﻮﺍ ﻧﻔﺴﻬﻢ . ﺣﺎﻭﻟﻮﺍ ﻳﻘﻨﻌﻮﺍ ﺍﻣﻴﺮ ﻛﻤﺎﻝ ﻭﺿﻔﺮ ﻭﻋﻼﺀﺍﻟﺪﻳﻦ ﻳﻮﺳﻒ ﻭﻋﻠﻲ ﺟﻌﻔﺮ ﻭﺍﻟﺮﻳﺢ ﻋﻠﻲ ﻭﻋﻨﺒﻜﺔ ﺍﻟﻤﺸﻰ ﻫﻼﻝ ﺍﻻﺑﻴﺾ . ﻗﺎﻟﻮﺍ ﻟﻴﻬﻢ ﺍﻟﺰﻭﻝ ﺩﺍ ‏( ﻛﺮﺗﻮ ‏) ﻣﺎ ﺑﺼﻞ . ﺍﻗﻌﺪﻭﺍ ﺳﺎﻱ . ﻧﻮﻣﻮﺍ ﻗﻔﺎ . ﺗﺴﺠﻴﻞ ﺍﻧﺪﺭﺯﻳﻨﻬﻮ ﺩﺍ ﻣﺎ ﺑﻜﺘﻤﻞ .. ﻣﺎ ﺗﺨﺎﻓﻮﺍ . ﺿﻔﺮ ﻗﺎﻝ ﻟﻴﻬﻢ ﻗﻠﺘﻮﺍ ﻛﺪﺍ – ﻟﻮ ﺍﻟﻜﺮﺕ ﻣﺎ ﺑﺼﻞ ﻧﺤﻦ ﻣﺎ ﻋﻨﺪﻧﺎ ﺍﻱ ﻣﺸﻜﻠﺔ – ﺑﻨﻠﻌﺐ ﻛﻮﺭﺗﻨﺎ . ﻟﻜﻦ ﻛﻤﺎﻥ ﻟﻮ ﺍﻟﻜﺮﺕ ﻭﺻﻞ .. ﻻ ﺑﻨﻘﻌﺪ ﻟﻴﻜﻢ ﻓﻲ ﺍﻟﺒﻠﺪ ﺩﻱ ﻭﻻ ﺣﺎﺟﺔ . ﺑﻨﺘﺨﺎﺭﺝ ﻋﺪﻳﻞ ﻛﺪﺍ . ﺍﻟﻤﺮﻳﺨﺎﺏ ﻗﺎﻟﻮﺍ ﻟﻴﻪ ﻣﺎ ﻓﻲ ﻣﺸﻜﻠﺔ . ﺍﺻﻠﻮ ﻣﺎ ﻓﻲ ﻋﻮﺟﺔ. ﺍﻟﻴﻮﻡ ﺍﻟﺘﺎﻧﻲ ﺍﻟﻜﺮﺕ ﻭﺻﻞ. ﺍﻧﺎ ﺫﺍﺗﻲ ﺍﺳﺘﻐﺮﺑﺖ . ﻗﻠﺖ ‏( ﺍﻟﻜﺎﺭﺩﻳﻨﺎﻝ ‏) ﺩﺍ ﻣﺎﻟﻮ ﻣﺴﺘﻌﺠﻞ ﻛﺪﺍ . ﺍﻟﺰﻭﻝ ﺩﺍ ﻛﺎﻥ ﻳﻌﻄﻲ ﺍﻋﻼﻡ ﺍﻟﻤﺮﻳﺦ ﻓﺮﺻﺔ . ﻳﺨﻠﻴﻬﻢ ﻳﻨﻘﻮﺍ ﺷﻮﻳﺔ. ﺑﻌﺪﻳﻦ ﻛﺮﺕ ﻳﺼﻞ ﻳﻮﻡ ﺍﻟﺠﻤﻌﺔ ﺩﻱ ﺍﻧﺎ ﺫﺍﺗﻲ ﻣﺎ ﺳﻤﻌﺖ ﺑﻴﻪ . ﺩﺍ ﺇﻟّﺎ ﻛﺮﺕ ﻋﻘﺪ – ﺍﻟﺒﺠﻲ ﻳﻮﻡ ﺍﻟﺠﻤﻌﺔ . ﺍﻟﻤﻬﻢ ﺍﻟﻜﺮﺕ ﻭﺻﻞ . ﻭﺍﻟﻌﻤﻠﻴﺔ ﺍﻛﺘﻤﻠﺖ ﻋﻠﻰ ﺍﻛﻤﻞ ﻭﺟﻪ .. ﻭﺿﻔﺮ ﺍﻧﻬﺎﺭﺕ ﺍﻋﺼﺎﺑﻪ . ﻭﻋﻼﺀﺍﻟﺪﻳﻦ ﺩﺧﻞ ﻓﻲ ﺣﺎﻟﺔ ﻋﺠﻴﺒﺔ . ﻭﺍﻣﻴﺮ ﻛﻤﺎﻝ ﻗﺎﻝ ﻟﻴﻬﻢ ﻣﺎ ﺑﻌﻴﺪ ﺗﺴﺠﻴﻠﻲ . ﺍﻧﺘﻮﺍ ﺟﻨﻴﺘﻮﺍ. ﻭﺍﻟﻴﺎﺳﻮ ﻗﺎﻝ ﺍﻟﻠﻪ ﺷﺎﻓﻨﺎ .. ﺍﻟﺤﻤﺪﻟﻠﻪ ﺍﻟﺴﻴﺴﺘﻢ ﺭﻓﻀﻨﻲ . ﻭ ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏(ﺍﻟﻨﻔﺲ ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏). ﺑﺲ ﺍﻟﻴﺎﺳﻮ ﺩﻱ ﻗﺼﺘﻮ ﻏﺮﻳﺒﺔ ﻳﻌﻤﻠﻮﺍ ﻟﻴﻪ ‏( 12 ‏) ﻛﺸﻒ ﻃﺒﻲ ﻭﻳﺮﻓﻀﻮ ‏( ﺍﻟﺴﻴﺴﺘﻢ ‏) . ﺍﻋﻼﻡ ﺍﻟﻤﺮﻳﺦ – ﻣﺎﺷﻪ ﻋﻠﻴﻬﻢ ﻣﺠﻤﻮﻋﺎﺕ – ﻭﻫﻢ ﺟﺪﻳﺪﻳﻦ ﻓﻲ ﺍﻟﺸﻐﻠﺔ ﺩﻱ . ﻗﺎﻟﻮﺍ ﻳﻜﻀﺒﻮﺍ ﺷﻮﻳﺔ . ﻳﺜﺒﺘﻮﺍ ﺿﻔﺮ ﺑﻲ ﺍﻱ ﻃﺮﻳﻘﺔ . ﻋﺎﺭﻓﻨﻬﻢ ﻋﻤﻠﻮﺍ ﺷﻨﻮ؟ . ﻗﺎﻟﻮﺍ ﺍﻧﺪﺭﺯﻳﻨﻬﻮ ﻋﻤﺮﻭ ‏( 45 ‏) ﺳﻨﺔ . ﻋﺎﻭﺯﻳﻦ ﻳﻌﻤﻠﻮﺍ ﺍﻟﻤﻮﺿﻮﻉ ﺯﻱ ﺣﻜﺎﻳﺔ ﺍﻟﺸﺮﻛﺔ ﺍﻟﺼﻴﻨﻴﺔ . ﺍﻟﺸﺮﻛﺔ ﺍﻟﻘﺎﻟﻮﺍ ﺷﺮﻛﺔ ﺑﺘﺎﻋﺔ ﺑﺰﺍﺯﺍﺕ ﻭﻣﺮﺍﻳﻞ. ﻳﺎ ﺟﻤﺎﻋﺔ ﺍﻟﺰﻭﻝ ﻭﻗﺖ ﻳﻜﻀﺐ .. ﻳﻜﻀﺐ ﺑﻲ ﻋﻘﻞ . ﻳﻘﻮﻝ ﻟﻴﻪ ﺣﺎﺟﺔ ﺗﺼﺪﻕ. ﺍﻧﺘﻮﺍ ﺑﻲ ﻛﻼﻣﻜﻢ ﺩﺍ . ﺑﻲ ﺍﻟﻌﻤﺮ ﺍﻟﻘﻄﻌﺘﻮﻩ ﻣﻦ ﺭﺃﺳﻜﻢ ﺭﻳﺤﺘﻮﻧﺎ ﺫﺍﺗﻮ ﻣﻦ ﺍﻟﻜﺘﺎﺑﺔ ﻓﻲ ﺍﻟﻤﻮﺿﻮﻉ . ﻛﻀﺒﺘﻜﻢ ﺩﻱ ﺍﻟﻤﺮﻳﺨﺎﺏ ﺑﻀﺤﻜﻮﺍ ﻓﻴﻬﺎ . ﺧﻠﻮﻫﻢ ﺍﻟﻬﻼﻻﺏ . ﺍﻟﻐﺮﻳﺒﺔ ﺍﻋﻼﻡ ﺍﻟﻤﺮﻳﺦ .. ﻗﺎﻟﻮﺍ ﺍﻥ ﻣﺮﺗﺐ ﺍﻧﺪﺭﺯﻳﻨﻬﻮ ‏( 80 ‏) ﻣﻠﻴﻮﻥ ﺟﻨﻴﻪ . ﻭﻗﺎﻟﻮﺍ ﻓﻲ ﻧﻔﺲ ﺍﻟﻮﻗﺖ ﺍﻥ ﻋﻤﺮﻭ ‏( 45 ‏) ﺳﻨﺔ . ﻗﺎﻟﻮﺍ ﻟﻴﻜﻢ ﻧﺤﻦ ﺍﻟﺰﻭﻝ ﺩﺍ ﺟﺎﻳﺒﻨﻮ ‏(ﻃﺒﻴﺐ ‏) . ﺑﻌﺪﻳﻦ ﺍﻟﺰﻭﻝ ﺩﺍ ﻣﺎ ﺗﻜﺘﺒﻮ ﻓﻴﻪ ﻛﻠﻤﺔ ﻛﻌﺒﺔ . ﻣﺎ ﺗﻬﺎﺟﻤﻮﻩ ﺳﺎﻛﺖ .. ﺍﻧﺪﺭﺯﻳﻨﻬﻮ ﺩﺍ ﺑﻌﺪ ‏( 14 ‏) ﺳﻨﺔ ﺡ ﺗﺠﻴﺒﻮﻩ ﺍﻟﻤﺮﻳﺦ . ﻳﻌﻨﻲ ﻟﻮ ﻗﻠﺘﻮﺍ ﺍﻵﻥ ﻋﻤﺮﻭ ‏( 45 ‏) ﺳﻨﺔ .. ﻓﺬﻟﻚ ﻳﻌﻨﻲ ﺍﻧﻜﻢ ﻟﻤﻦ ﺗﺠﻴﺒﻮﻩ ﻋﻤﺮﻭ ﺡ ﻳﻜﻮﻥ ‏( 59 ‏) ﺳﻨﺔ . ﻭﺍﻛﻴﺪ ﺍﻧﺘﻮﺍ ﻣﺎ ﺟﺎﻳﺒﻨﻮ ‏( ﻣﺪﻳﺮ ﻓﻨﻲ ‏) . ﻏﺎﻳﺘﻮ ﺑﻲ ﺳﻨﻜﻢ ﺍﻟﺒﺘﺮﻭﺟﻮﺍ ﻟﻴﻬﺎ ﺩﻱ .. ﻟﻮ ﺟﺒﺘﻮﺍ ﺍﻧﺪﺭﺯﻳﻨﻬﻮ ﺑﻌﺪ ‏( 14 ‏) ﺳﻨﺔ ﺇﻟّﺎ ﺗﺠﻴﺒﻮﻩ ‏( ﺭﺋﻴﺲ ﻧﺎﺩﻱ ‏) . ﻋﺸﺎﻥ ﻛﺪﺍ ﻣﺎ ﺗﺨﺮﺑﻮﺍ ﻟﻲ ﻧﻔﺴﻜﻢ ﺳﺎﻛﺖ . ﺍﻟﺰﻭﻝ ﺩﺍ ﻟﻌﺎﺏ .. ﻭﺑﻌﻤﻞ ﻓﻲ ﺣﺎﺟﺎﺕ ﺑﺘﺸﻴﻞ ‏( ﺍﻟﻠﻮﺯ ‏) ﻃﻮﺍﻟﻲ . ﻣﺎ ﺗﺨﺴﺮﻭﻩ ﺳﺎﻛﺖ . ﺍﻧﺪﺭﺯﻳﻨﻬﻮ ﺩﺍ ﺩﺧﻠﻨﺎ ‏( ﺍﻟﻴﻮﺗﻴﻮﺏ ‏) ﻗﻠﻨﺎ ﻧﺸﻮﻑ ﺍﻟﺤﺎﺻﻞ ﺷﻨﻮ؟ ..ﻟﻘﻴﻨﺎ ﺍﻟﻤﺮﻳﺨﺎﺏ ﻟﻴﻬﻢ ﺣﻖ. ﻟﻴﻜﻢ ﺣﻖ ﺗﻜﻀﺒﻮﺍ . ﻭﺍﻟﻴﺎﺳﻮ ﺍﻟﻠﻪ ﺷﺎﻓﻮ ﻟﻤﻦ ﺭﻓﻀﻮ ﺍﻟﺴﻴﺴﺘﻢ . ﻭﻋﻨﻜﺒﺔ ..ﺍﻟﻠﻪ ﺑﺮﻳﺪﻭ .. ﻣﺸﻰ ﻫﻼﻝ ﺍﻻﺑﻴﺾ . ﺍﻟﺰﻭﻝ ﺩﺍ ﻻ ﺑﺘﺼﺎﻗﻊ ﻭﻻ ﺣﺎﺟﺔ . ﻭﻻ ﺑﺘﻤﺴﻚ . ﺩﺍ ﺯﻭﻝ ﻣﺎ ﻋﺎﺩﻱ .. ﻟﻴﻜﻢ ﻋﻠﻲ ﻳﺎ ﻣﺮﻳﺨﺎﺏ ﺍﻟﺘﺴﺠﻴﻼﺕ ﺍﻟﻘﺎﺩﻣﺔ ﺗﺸﻄﺒﻮﺍ ﻟﻴﻜﻢ ‏( 19 ‏) ﻻﻋﺐ. ﻭﺗﺠﻴﺒﻮﺍ ﺟﻤﺎﻝ ﺍﻟﺜﻌﻠﺐ ﻭﻃﺎﺭﻕ ﺍﺣﻤﺪ ﺍﺩﻡ ﻭﻣﺠﺪﻱ ﻣﺮﺟﺎﻥ ﻭﺻﻼﺡ ﺩﻭﺷﻜﺎ . ﺍﻧﺪﺭﺯﻳﻨﻬﻮ ﺩﺍ ﺑﻲ ﻧﺎﺱ ﺿﻔﺮ ﻻ ﺑﺘﺴﻤﻚ ﻭﻻ ﺣﺎﺟﺔ . ﻭﺍﻧﺖ ﻳﺎ ﺍﻣﻴﺮ ﻛﻤﺎﻝ – ﻋﺎﻭﺯ ﺍﻗﻮﻝ ﻟﻴﻜﻢ ﺣﺎﺟﺔ ﺍﻟـ ‏( 3 ‏) ﻣﻠﻴﺎﺭ ﺍﻟﺘﻰ ﺭﻓﻀﺘﻬﺎ ﺍﻵﻥ ﺑﻌﺪ ﺍﻧﺪﺭﺯﻳﻨﻬﻮ ‏( 50 ‏) ﻣﻠﻴﻮﻥ ﻣﺎ ﺑﺘﻠﻘﺎﻫﺎ ﻣﻨﻬﺎ . ﺍﻟﺰﻭﻝ ﺩﺍ ﺻﻌﺐ ﺷﺪﻳﺪ . ﻛﺸﺎﻓﺎﺗﻜﻢ ﺩﻱ ﻟﻮ ﻗﻌﺪﺕ ﻟﻴﻜﻢ – ﺑﺘﻜﻮﻥ ﻣﺎ ﻗﺼﺮﺕ . ﻭﺟﻤﺎﻝ ﺍﻟﻮﺍﻟﻲ ﺍﺣﺴﻦ ﻟﻴﻪ ﻣﻦ ﺑﺪﺭﻱ ﻳﻘﺪﻡ ﺍﺳﺘﻘﺎﻟﺘﻮ . ﻭﻳﺘﺨﺎﺭﺝ . ﺍﻧﺪﺭﺯﻳﻨﻬﻮ ﺩﺍ ﻻ ﺑﻘﻌﺪﻭﺍ ﻣﻌﺎﻩ ﻭﻻ ﺣﺎﺟﺔ. ﻭ ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏(ﺍﻟﻨﻔﺲ ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏). ﺑﺲ ﺟﻤﺎﻝ ﺍﻟﻮﺍﻟﻲ ﻟﻮ ﻗﺎﻝ ﻟﻴﻜﻢ ﺑﻌﺪ ﺍﺳﺒﻮﻉ ﻋﺎﻭﺯ ﺍﺳﺘﻘﻴﻞ .. ﺧﻠﻴﻜﻢ ﻋﺎﺭﻓﻴﻦ ﺍﻟﺴﺒﺐ ﺷﻨﻮ؟ . ………… ﻭ ﺑﺴﺘﻐﺮﺏ ﻧﺎﺱ ﺍﻟﺜﻌﻠﺐ ﻭﺍﻟﺼﻴﻨﻲ ﻣﺎ ﻓﻲ ﺍﻟﻤﻨﺘﺨﺐ ﺍﻻﻭﻟﻤﺒﻲ ﻟﻴﻪ؟ . ﺍﻟﻤﻨﺘﺨﺐ ﺍﻣﺲ ﻛﺎﻥ ﻓﺎﻗﺪ ﺍﻟﺰﻭﻝ ﺍﻟﺒﺠﻴﺐ ﻗﻮﻥ . ﺍﻟﺪﻳﺒﺔ ﻗﻌﺪ ﻳﻨﻈﺮ . ﻭﻣﺤﺴﻦ ﺳﻴﺪ ﻋﺎﻭﺯ ﻳﻈﻬﺮ ﺳﺎﻛﺖ . ﻭﺍﻗﻒ ﻗﺼﺎﺩ ﺍﻟﻜﺎﻣﻴﺮﺍ . ﻭﺍﻟﻠﻪ ﺍﻧﺖ ﻳﺎ ﻣﺤﺴﻦ ﺳﻴﺪ .. ﻏﺎﺭﺯﻳﺘﻮ ﻣﺎ ﻏﻠﻄﺎﻥ ﻋﻠﻴﻚ . ﻣﺸﺎﻛﻞ ﻏﺎﺭﺯﻳﺘﻮ ﺑﺪﺃﺕ . ﻣﺠﻠﺲ ﺍﻟﻤﺮﻳﺞ ﺟﻬّﺰ ﺻﺪﺍﻣﺎﺗﻮ ﻣﻊ ﻏﺎﺭﺯﻳﺘﻮ . ﻣﺠﻠﺲ ﺍﻟﻤﺮﻳﺦ ﺳﺠﻞ ﺑﺘﻘﺮﻳﺮ ﻓﻨﻲ ﻃﺎﻟﻊ ﻣﻦ ﺍﻋﻼﻡ ﺍﻟﻤﺮﻳﺦ. ﺧﻼﺹ ﺍﻧﺘﻮﺍ ﻭﻗﺖ ﺑﺘﺴﺠﻠﻮﺍ .. ﺍﻣﺴﻜﻮﺍ ﺍﻟﺘﻴﻢ . ﻗﺎﻝ ﺷﻨﻮ؟. ﻗﺎﻝ ﺗﺮﺍﻭﺭﻱ ﻋﻤﻞ ﻣﺆﺗﻤﺮ ﺻﺤﻔﻲ ﺍﻋﺘﺬﺭ ﻓﻴﻪ ﻟﻲ ﻏﺎﺭﺯﻳﺘﻮ . ﺍﻧﺘﻮﺍ ﻗﺎﻳﻠﻴﻦ ﻏﺎﺭﺯﻳﺘﻮ ﺩﺍ ﻃﻴﺐ ﻟﻠﺪﺭﺟﺔ ﺩﻱ . ﺍﻧﺘﻮﺍ ﻛﻤﺎﻥ ﻣﺎ ﺑﺘﻌﺮﻓﻮﺍ ﻏﺎﺭﺯﻳﺘﻮ . ..……… ﺍﻟﺴﻴﺪﺓ ‏( ﻝ ‏) .. ﺍﻣﺲ ﻓﻲ ‏( 13 ‏) ﺣﺮﻑ ﻭﻗﻌﻮﺍ ﻣﻦ ﺍﻟﺠﻤﻠﺔ ﺍﻻﺧﻴﺮﺓ ..ﻣﺎ ﻋﺎﺭﻓﻬﻢ ﻣﺸﻮﺍ ﻭﻳﻦ؟ . ﺍﻥ ﺷﺎﺀﺍﻟﻠﻪ ﺍﻟﺠﻤﻠﺔ ﺗﻜﻮﻥ ﻟﻴﻚ ﻭﺍﺿﺤﺔ ﺑﻌﺪ ﻛﺪﺍ . ﻭﻗﺮّﺽ ﻋﻠﻰ ﻛﺪﺍ