المصدر: ﺩﻕ ﺍﻟﺪﻟﺠﺔ | ﻣﺤﻤﺪ ﻋﺒﺪ ﺍﻟﻤﺎﺟﺪ ﺍﻟﻤﺮﻳﺦ ﻳﺨﺰّﻥ ﺻﻼﺡ ﺍﻟﻀﻲ • ﻗﺒﻞ ﺍﻳﺎﻡ ﻗﺮﺃﺕ ﺧﺒﺮ ﻓﻲ ﺍﻟﺼﺤﻒ ﻭﺍﻟﻤﻮﺍﻗﻊ ﺍﻻﻟﻜﺘﺮﻭﻧﻴﺔ ﻋﻦ ﻧﺠﻢ ﺍﻟﻬﻼﻝ ﺍﻟﺴﺎﺑﻖ ﺻﻼﺡ ﺍﻟﻀﻲ ‏(ﺍﻟﻤﺪﻓﻌﺠﻲ ‏) ﺍﻟﺬﻱ ‏(ﻫﺪﻫﺪ‏) ﺟﺪﺍﺭﺍﺕ ﺍﻟﺨﺼﻮﻡ ﻭ‏( ﻓﺘﻔﺖ‏) ﺩﻓﺎﻋﺎﺗﻬﻢ ﺑﺼﻮﺍﺭﻳﺨﻪ ‏( ﺃ ‏) ‏( ﺥ‏) ﺻﻼﺡ ﺍﻟﻀﻲ. • ﺍﻟﻜﻲ – ﺍﻟﻜﻲ ﺻﻼﺡ ﺍﻟﻀﻲ – ﻣﻦ ﻳﺠﻴﺒﻮﺍ ﻟﻴﻜﻢ ﺳﻴﺮﺗﻮ ﺗﻘﻌﺪﻭﺍ ‏( ﺗﻨﻜﺮﺷﻮﺍ‏) ﺯﻱ ﺍﻟﻀﺎﺭﺑﻜﻢ ﻣﺠﺎﻋﺔ ﺳﻨﺔ 6. • ﺻﻼﺡ ﺍﻟﻀﻲ ﻛﻮﺭﺗﻮ ﺑﻔﻜﻬﺎ ﻟﻴﻬﺎ ﺩﺧﺎﻥ . • ﻟﻴﻬﺎ ﺑﻮﺥ. • ﺍﻟﻜﻮﺭﺓ ‏( ﺗﻔﺘﻔﺖ ‏) ﺑﺮﺍﻫﺎ ﺯﻱ ‏( ﺍﻟﻘﻤﺮﻳﺔ‏) . • ﺳﺎﻋﺘﻚ ﻓﻲ ﺍﻳﺪﻙ ‏( ﻛﺘﻴﻨﺘﻬﺎ‏) ﺗﻨﻘﻄﻊ. • ﻭﺍﻧﺖ ﻗﺎﻋﺪ ﺗﺤﻀﺮ ﻓﻲ ﺍﻟﻤﺒﺎﺭﺍﺓ ﻓﻲ ﺍﻟﺘﻠﻔﺰﻳﻮﻥ . • ﻟﻮ ﺑﺘﻌﻤﻞ ﻟﻴﻚ ﻓﻲ ﺳﻠﻄﺔ – ﺗﺸﻌﺮ ﺑﻲ ﺍﻥ ﻣﻠﺤﻬﺎ ﺷﻮﻳﺔ . • ﻗﺎﻟﻮﺍ ﻟﻴﻚ ﺍﻟﺤﺮّﺍﺱ ﺯﻣﺎﻥ – ﻭﻗﺖ ﻳﺠﻴﺒﻮﺍ ﻟﻴﻬﻢ ﺳﻴﺮﺓ ‏( ﺻﻼﺡ ﺍﻟﻀﻲ‏) ﻛﻠﻬﻢ ﺑﻘﻮﻟﻮﺍ ﻋﻨﺪﻧﺎ ‏(ﻣﺼﺮﺍﻥ ‏) . • ﺍﻟﻮﺍﺣﺪ ﻓﻴﻬﻢ ‏(21 ‏) ﻳﻮﻡ ﻣﺎ ﻳﻈﻬﺮ ﻭﻗﺖ ﺗﺠﻴﺐ ﻟﻴﻪ ﺳﻴﺮﺓ ﺍﻟﻀﻲ. • ﻳﻘﻌﺪﻭﺍ ﻳﺘﻌﺬﺭﻭﺍ ﻟﻴﻚ ﺯﻱ ‏(ﺍﻟﻨﻴﺴﺎﻥ ‏) ﻭﻗﺖ ﻳﻜﻮﻥ ﻭﺣﻼﻥ ﻓﻲ ﺍﻟﺮﻣﻠﺔ – ﻳﻄﻠّﻊ ﻟﻴﻚ ﺻﻮﺕ ﻳﺤﻨﻦ. • ﻟﻤﻦ ﺗﺸﻔﻖ ﻋﻠﻴﻪ . • ﻭﺍﻟﻨﻌﺎﻡ ﺁﺩﻡ ﺑﺪﻭﻥ ﻣﻨﺎﺳﺒﺔ ﺗﺴﻤﻊ ﺻﻮﺗﻮ ﻃﺎﻟﻊ ﻟﻴﻪ ﻣﻦ ﺷﺒﺎﻙ ﺑﺘﺎﻉ ‏( ﺑﺮﻧﺪﺓ‏) ﺟﺎﻟﻮﺹ .. ‏( ﻻ ﺷﻮﻓﺘﻦ ﺗﺒﻞ ﺍﻟﺸﻮﻕ ﻭﻻ ﺭﺩﻥ ﻳﻄﻤﺌﻦ – ﺍﺭﻳﺘﻚ ﺗﺒﻘﻰ ﻃﻴﺐ ﺍﻧﺖ ﻭﺍﻧﺎ ﺍﻟﺒﻲ ﻛﻠﻮ ﻫﻴﻦ ‏) . • ﺗﻠﻤﻠﻢ ‏( ﺣﻮﺍﺳﻚ ‏) ﻛﻠﻬﺎ ﻭﺗﺘﻐﺎﻓﻠﻬﺎ. • ﺗﻌﻤﻞ ﻓﻴﻬﺎ ﻣﺎ ﻋﺎﺭﻑ. • ﻭﻻ ﺳﺎﻣﻊ ﺣﺎﺟﺔ . • ﺗﻘﻌﺪ ﺗﺘﺪﺍﻏﻞ ﻋﻠﻰ ﻣﺸﺎﻋﺮﻙ . • ﻭ • ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏( ﺍﻟﻨﻔﺲ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏) . • ﺑﺲ ﺍﻟﻠﻴﻠﺔ ﺡ ﺗﺘﻌﺒﻮﺍ ﻣﻌﺎﻱ ﻋﺪﻳﻞ ﻛﺪﺍ ﻳﺎ ﻣﺮﻳﺨﺎﺏ. • ﻋﻤﺮ ﺑﺨﻴﺖ . • ﻋﻤﺮ ﺑﺨﻴﺖ ﻳﺎ ﻣﺮﻳﺨﺎﺏ . • ﻋﺸﺎﻥ ﺗﺪﺧﻠﻮﺍ ﻓﻲ ﺍﻟﺼﻮﺭﺓ ﻭﻣﺎ ﺍﻃﻮﻝ ﻟﻴﻜﻢ ﺍﻟﻜﻼﻡ – ﺍﻟﺨﺒﺮ ﺍﻟﻜﻠﻤﺘﻜﻢ ﻋﻨﻮ ﻓﻮﻕ ﺑﻘﻮﻝ : ‏( ﻛﺴﺐ ﻧﺎﺩﻱ ﺍﻟﺠﻤﻴﻌﺎﺑﻲ ﺧﺪﻣﺎﺕ ﻧﺠﻢ ﺍﻟﻬﻼﻝ ﺍﻟﺴﺎﺑﻖ ﻭﺍﻟﺬﻱ ﺍﺳﺘﻐﻨﻰ ﻋﻨﻪ ﺍﻷﺯﺭﻕ ﻗﺒﻞ ﺣﻮﺍﻟﻲ 15 ﻋﺎﻣﺎً ﺗﻨﻘﻞ ﺧﻼﻟﻬﺎ ﺍﻟﻘﺎﻃﺮﺓ ﺍﻟﺒﺸﺮﻳﺔ ﺑﻴﻦ ﻋﺪﺩ ﻣﻦ ﺃﻧﺪﻳﺔ ﺍﻟﻮﻻﻳﺎﺕ ﻭﺳﺠﻞ ﺍﻟﻀﻲ ﻻﻋﺒﺎً ﻫﺎﻭ ﺑﻜﺸﻮﻓﺎﺕ ﺍﻟﺠﻤﻴﻌﺎﺑﻲ ﻭﺃﻳﺎً ﻛﺎﻥ ﻓﻬﻮ ﺍﻧﺠﺎﺯ ﻳﺤﺴﺐ ﻟﻤﺠﻠﺲ ﺇﺩﺍﺭﺓ ﻧﺎﺩﻱ ﺍﻟﻌﻘﻮﻝ ﺍﻟﺸﺎﺑﺔ ﻟﻠﺠﻤﻴﻌﺎﺑﻲ ﺑﻘﻴﺎﺩﺓ ﺍﻟﺮﺋﻴﺲ ﻣﺪﺛﺮ ﺻﺪﻳﻖ ﻭﺳﻜﺮﺗﺎﺭﻳﺔ ﺍﻟﻤﻌﺰ ﻛﺎﻣﻞ ‏). • ﺍﻟﻜﻼﻡ ﺩﺍ ﻭﺍﺿﺢ. • ﻭﻣﺎ ﻓﻴﻪ ﺍﻱ ﺣﺎﺟﺔ . • ﺭﺑﻨﺎ ﻳﺪﻱ ﺻﻼﺡ ﺍﻟﻀﻲ ﺍﻟﻌﺎﻓﻴﺔ ﻭﺑﺎﻟﺘﻮﻓﻴﻖ ﻟﻔﺮﻳﻖ ‏(ﺍﻟﺠﻤﻴﻌﺎﺑﻲ ‏) . • ﺑﻌﺪ ﻳﻮﻡ . • ﻳﻮﻣﻴﻦ. • ﻗﻌﺪﺕ ﺍﻓﻜﺮ. • ﺍﻟﻤﻮﺿﻮﻉ ﺑﻘﻰ ﻳﺰﻥ ﻟﻲ ﻓﻲ ﺭﺃﺳﻲ . • ﺍﻭﻝ ﻣﺎ ﺍﻟﻤﺮﻳﺦ ﺳﺠﻞ ‏( ﻋﻤﺮ ﺑﺨﻴﺖ‏) ﻓﻲ ﺍﺧﺮ ﻳﻮﻡ ﻓﻲ ﺍﻟﺘﺴﺠﻴﻼﺕ ﺑﻌﺪ ﺍﻥ ﻛﺎﻥ ﺍﻟﻤﺮﻳﺦ ﻣﺨﺰﻧﻪ ﻓﻲ ﻓﺮﻳﻖ ﺍﻻﻫﻠﻲ ﺍﻟﺨﺮﻃﻮﻡ ﺭﺃﺳﻲ ﺿﺮﺏ . • ﺧﺒﺮ ﺻﻼﺡ ﺍﻟﻀﻲ ﺑﻘﻰ ﻳﻠﻒ ﻗﺪﺍﻣﻲ ﺑﺪﻭﻥ ﻣﻨﺎﺳﺒﺔ . • ﻗﻠﺖ ﻣﻌﻘﻮﻟﺔ ﺩﻱ ﻟﻜﻦ . • ﺭﺟﻌﺖ ﺗﺎﻧﻲ ﻟﻠﺨﺒﺮ. • ﻗﺮﻳّﺖ ﺍﻟﺨﺒﺮ ‏( 120‏) ﻣﺮﺓ. • ﻋﺎﻭﺯ ﺍﻋﺮﻑ ﻋﻼﻗﺔ ﺟﻤﺎﻝ ﺍﻟﻮﺍﻟﻲ ﺑﻲ ‏( ﺍﻟﺠﻤﻴﻌﺎﺑﻲ‏) ﺷﻨﻮ؟. • ﻣﻌﻘﻮﻟﺔ ﻳﻜﻮﻥ ﻋﻤﻠﻮﻫﺎ . • ﻣﻌﻘﻮﻟﺔ ﻧﺎﺱ ﺍﻟﻤﺮﻳﺦ ﺩﻳﻞ ﺑﻔﻜﺮﻭﺍ ﻛﺪﺍ. • ﻭﻋﻨﺪﻫﻢ ﺑﻌﺪ ﻧﻈﺮ ﻟﻠﺪﺭﺟﺔ ﺩﻱ. • ﻭﺍﻟﻠﻪ ﻣﺎ ﻏﺮﻳﺒﺔ ﻋﻠﻴﻬﻢ . • ﻳﻜﻮﻧﻮﺍ ﺧﺰّﻧﻮﺍ ﺻﻼﺡ ﺍﻟﻀﻲ ﻓﻲ ‏( ﺍﻟﺠﻤﻴﻌﺎﺑﻲ‏) ﻋﺸﺎﻥ ﻳﺠﻴﺒﻮﻩ ﻓﻲ ﻓﺘﺮﺓ ﺍﻟﺘﺴﺠﻴﻼﺕ ﺍﻟﻘﺎﺩﻣﺔ. • ﻓﻲ ﻧﻮﻓﻤﺒﺮ. • ﻧﻮﻓﻤﺒﺮ ﻣﺎ ﺑﻌﻴﺪ. • ﺍﺻﻠﻮ ﻣﺎ ﻏﺮﻳﺒﺔ ﻋﻠﻴﻬﻢ . • ﺯﻱ ﻣﺎ ﺧﺰّﻧﻮﺍ ﻋﻤﺮ ﺑﺨﻴﺖ ﻓﻲ ﺍﻻﻫﻠﻲ ﺍﻟﺨﺮﻃﻮﻡ ‏(6 ‏) ﺷﻬﻮﺭ – ﻳﻜﻮﻧﻮﺍ ﻋﺎﻭﺯﻳﻦ ﻳﺨﺰﻧﻮﺍ ﺻﻼﺡ ﺍﻟﻀﻲ ﻓﻲ ‏(ﺍﻟﺠﻤﻴﻌﺎﺑﻲ ‏) 6 ﺷﻬﻮﺭ ﻭﻳﺠﻴﺒﻮﻩ ﻓﻲ ﺍﻟﺘﺴﺠﻴﻼﺕ ﺍﻟﺮﺋﻴﺴﻴﺔ. • ﺩﻳﻞ ﺑﻌﻤﻠﻮﻫﺎ . • ﺍﻟﻤﻮﺿﻮﻉ ﺑﻜﻮﻥ ﻋﺎﺩﻱ ﻋﻨﺪﻫﻢ. • ﻣﻤﻜﻦ ﻳﺴﻮﻗﻮﺍ ﻟﻴﻬﻢ ﻻﻋﺐ ﻣﻦ ﺍﻡ ﺑﺪﺓ .. ﻳﻘﻮﻟﻮﺍ ﻟﻴﻚ ﺍﻟﺴﻴﺴﺘﻢ ﺭﻓﻀﻮ . • ﻳﻘﻮﻣﻮﺍ ﻳﺠﻴﺒﻮﺍ ﻟﻴﻚ ﺻﻼﺡ ﺍﻟﻀﻲ . • ﻣﻤﻜﻦ. • ﻭﺍﻋﻼﻡ ﺍﻟﻤﺮﻳﺦ ﻳﻄﻠﻊ ﺗﺎﻧﻲ ﻳﻮﻡ – ﻳﻄﻠﻊ ﻟﻴﻚ ﺻﻼﺡ ﺍﻟﻀﻲ ﺩﺍ ﺍﺧﻄﺮ ﺯﻭﻝ ﻓﻲ ﺍﻟﻌﺎﻟﻢ . • ﻭﺗﺴﺠﻴﻠﻮﺍ ﻓﻲ ﺍﻟﻤﺮﻳﺦ ﺧﺒﻄﺔ ﻣﻌﻠﻢ . • ﻭﺟﻤﺎﻝ ﺍﻟﻮﺍﻟﻲ ‏( ﺷﻔﺖ ‏) ﺳﺠﻞ ﺻﻼﺡ ﺍﻟﻀﻲ ﺑﻌﺪ ﻛﻞ ﻫﺬﻩ ﺍﻟﺴﻨﻮﺍﺕ. • ﺻﺒﺮ – ﺍﻟﺼﺒﺮ ﺩﺍ ﻛﻠﻮ – ﻋﺸﺎﻥ ﺻﻼﺡ ﺍﻟﻀﻲ ﻳﻤﻴﺸﻲ ‏( ﺍﻟﺠﻤﻴﻌﺎﺑﻲ‏) ﻭﻳﺠﻴﺒﻮﻩ ﻣﻦ ﻫﻨﺎﻙ ﻟﻠﻤﺮﻳﺦ . • ﺍﻟﻠﻔﺔ ﺍﻟﻄﻮﻳﻠﺔ ﺩﻱ ﺷﻨﻮ؟ . • ﻟﻜﻦ ﻳﺎ ﺟﻤﺎﻋﺔ ﺻﻼﺡ ﺍﻟﻀﻲ ﺧﻠﻰ ﺍﻟﻬﻼﻝ ﻗﺒﻞ ‏(15 ‏) ﺳﻨﺔ – ﻣﻤﻜﻦ ﻳﺠﻴﺒﻮﻩ ﺑﻌﺪ ﺍﻟﻌﻤﺮ ﺩﺍ؟. • ﻣﻤﻜﻦ. • ﻧﺎﺱ ﺍﻟﻤﺮﻳﺦ ﺩﻳﻞ ﻣﺎ ﻓﺎﺭﻗﺔ ﻣﻌﺎﻫﻢ ﻛﺘﻴﺮ . • ﺍﺻﻠﻮ ﺍﻟﺤﺎﺟﺎﺕ ﺩﻱ ﻣﺎ ﺑﻌﻴﺪﺓ ﻋﻠﻴﻬﻢ . • ﺡ ﻳﻘﻮﻟﻮﺍ ﻟﻴﻚ ﻧﺴﺘﻔﻴﺪ ﻣﻦ ﺧﺒﺮﺓ ﺻﻼﺡ ﺍﻟﻀﻲ. • ﻭﻳﺤﻠﻠﻮﺍ ﻟﻴﻚ ﺍﻟﺨﻄﻮﺓ. • ﻳﻘﻮﻟﻮﺍ ﻟﻴﻚ ﺻﻼﺡ ﺍﻟﻀﻲ ﻟﻮ ﻧﻔﺬ ﻟﻴﻨﺎ ﺍﻟﻀﺮﺑﺎﺕ ﺍﻟﺜﺎﺑﺘﺔ ﺳﺎﻛﺖ – ﻣﺎ ﺧﺴﺮﺍﻧﺔ ﻣﻌﺎﻧﺎ. • ﻭﻛﻤﺎﻥ ﻣﻤﻜﻦ ﻳﻘﻮﻟﻮﺍ ‏( ﻏﺎﺭﺯﻳﺘﻮ ‏) ﻃﺎﻟﺐ ﺑﻲ ﺻﻼﺡ ﺍﻟﻀﻲ. • ﺡ ﻧﻘﻮﻝ ﻟﻴﻬﻢ ﻏﺎﺭﺯﻳﺘﻮ ﺷﺎﻑ ﺻﻼﺡ ﺍﻟﻀﻲ ﻭﻳﻦ؟. • ﺡ ﻳﻘﻮﻟﻮﺍ ﻟﻴﻨﺎ ﻓﻲ ﻋﻤﻮﺩ ﻣﺰﻣﻞ ﺍﺑﻮﺍﻟﻘﺎﺳﻢ . • ﻣﺎ ﺑﺘﻐﻠﺒﻬﻢ ﺣﺎﺟﺔ . • ﻭﻻ ﺑﺘﻠﻔﺘﻮﺍ . • ﺩﻳﻞ ﺑﺤﻠﻠﻮﻫﺎ . • ﻟﻮ ﺍﻟﻼﻋﺐ ﻛﺎﻥ ﺑﻠﻌﺐ ﻓﻲ ﺍﻟﻬﻼﻝ ﻗﺒﻞ ‏( 60‏) ﺳﻨﺔ – ﻭﻗﺎﺩﺭ ﻳﺠﺪﻉ ‏( ﺟﺪﻋﺔ ﺍﻟﺘﻤﺎﺱ‏) ﺑﺠﻴﺒﻮﻩ ﺍﻟﻤﺮﻳﺦ . • ﺍﺣﺴﻦ ﻟﻴﻬﻢ ﻣﻦ ﺟﻤﺎﻋﺘﻬﻢ ﺩﻳﻞ. • ﺍﻟﻤﺮﻳﺦ ﺫﺍﺗﻮ ﻣﺎ ﻋﻨﺪﻭ ﻓﺮﻕ ﻣﻦ ‏( ﺍﻟﺠﻤﻴﻌﺎﺑﻲ‏) . • ﻃﻮﻝ ﻣﺎ ﺍﻟﺠﻤﻴﻌﺎﺑﻲ ﻓﻜﺮ ﻓﻲ ﺻﻼﺡ ﺍﻟﻀﻲ ﻭﺳﺠﻠﻮ – ﻣﻤﻜﻦ ﺍﻟﻤﺮﻳﺦ ﻳﻔﻜﺮ ﻓﻲ ﺍﻟﻼﻋﺐ ﻭﻳﺴﺠﻠﻮ ﺑﺮﺿﻮ. • ﻭ • ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏( ﺍﻟﻨﻔﺲ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏) . • ﺑﺲ ﻳﺎ ‏( ﺳﻠﻚ ‏) ﺍﺣﺴﻦ ﺗﻤﻬﺪﻭﺍ ﻣﻦ ﺍﻵﻥ – ﻭﺗﺸﻜﺮﻭﺍ ﻓﻲ ﺻﻼﺡ ﺍﻟﻀﻲ ﻓﻲ ‏( ﺍﻟﺠﻤﻴﻌﺎﺑﻲ‏) . • ﻋﺸﺎﻥ ﺍﻟﻤﻮﺿﻮﻉ ﺑﻌﺪﻳﻦ ﻳﺒﻘﻰ ﻣﺒﻠﻮﻉ. • ﻣﺎ ﻳﻜﻮﻥ ﻓﻴﻪ ﺷﺒﻬﺔ ‏( ﺍﺳﺘﻐﺮﺍﺏ‏). • ﻟﻜﻦ ﻋﻠﻴﻜﻢ ﺍﻟﻠﻪ – ﻳﺎ ﺷﺒﺎﺏ . • ﻟﻮ ﺳﻤﺤﺘﻮﺍ. • ﺍﻟﻔﻜﺮﺓ ﺩﻱ ﻓﻜﺮﺓ ﻣﻨﻮ؟. • ﻋﻼﺀﺍﻟﺪﻳﻦ ﻳﻮﺳﻒ؟. • ﻣﺎ ﺍﻇﻦ . • ﺩﻱ ﻛﺒﻴﺮﺓ ﻋﻠﻰ ﻋﻼﺀﺍﻟﺪﻳﻦ ﻳﻮﺳﻒ . • ﺑﻜﺮﻱ ﺍﻟﻤﺪﻳﻨﺔ؟. • ﺑﻜﺮﻱ ﺍﻟﻤﺪﻳﻨﺔ ﻟﻮ ﺑﻘﺪﺭ ﻳﻔﻜﺮ ﻓﻜﺮﺓ ﻗﺪﺭ ﺩﻱ – ﻣﺎ ﻛﺎﻥ ﻣﺸﻰ ﺍﻟﻤﺮﻳﺦ. • ﺻﺪﻳﻖ ﻋﻠﻲ ﺻﺎﻟﺢ؟ . • ﺍﺣﺘﻤﺎﻝ . • ﻣﺎ ﺑﻌﻴﺪﺓ ﻋﻠﻰ ﺻﺪﻳﻖ ﻋﻠﻲ ﺻﺎﻟﺢ. • ﻳﻜﻮﻥ ﺑﻘﻨﻊ ﻓﻲ ﺟﻤﺎﻝ ﺍﻟﻮﺍﻟﻲ ﻣﻦ ﻓﺒﺮﺍﺋﺮ ﺍﻟﻤﺎﺿﻲ. • ﻟﻜﻦ ﻋﺸﺎﻥ ﻣﺎ ﺍﻇﻠﻢ ﻟﻲ ﺯﻭﻝ . • ﺍﺣﺴﻦ ﻧﺘﺄﻛﺪ ﻣﻦ ﺍﻟﻤﻌﻠﻮﻣﺔ. • ﻋﺸﺎﻥ ﻣﺎ ﺗﺒﻘﻰ ‏( ﺗﺤﻠﻴﻼﺕ‏) ﺳﺎﻛﺖ . • ﺣﺎﻓﺰ ﺻﻼﺡ ﺍﻟﻀﻲ ﺑﻌﺪ ﺍﻟﺘﺴﺠﻴﻞ ﻓﻲ ‏( ﺍﻟﺠﻤﻴﻌﺎﺑﻲ‏) – ﺍﻟﺪﻓﻌﻮ ﻣﻨﻮ؟ . • ﺍﻟﻤﺮﻳﺦ ﻭﺇﻟّﺎ ﺍﻟﺠﻤﻴﻌﺎﺑﻲ . • ﻟﻮ ﺩﻓﻌﻮﺍ ‏(ﺍﻟﻔﺎﺩﻧﻲ ‏) – ﻳﻜﻮﻥ ﺍﻟﻤﻮﺿﻮﻉ ﻭﺍﺿﺢ .. ﻭﻇﺎﻫﺮ. • ﻧﺤﻦ ﻻﺯﻡ ﻧﻌﺮﻑ ﻣﺼﺪﺭ ﺍﻟﺤﺎﻓﺰ ، ﻋﺸﺎﻥ ﻧﻘﺪﺭ ﻧﺤﺪﺩ ﺗﺴﺠﻴﻼﺕ ﺍﻟﻤﺮﻳﺦ ﻓﻲ ﻧﻮﻓﻤﺒﺮ ﺍﻟﻘﺎﺩﻡ. • ﺍﺗﺨﻴﻠﻮﺍ ﻓﻲ ﻧﻮﻓﻤﺒﺮ ﺍﻟﻘﺎﺩﻡ – ﺻﺤﺎﻓﺔ ﺍﻟﻤﺮﻳﺦ ﺡ ﺗﻄﻠﻊ ﻛﻴﻒ؟ . • ﺍﻭﻝ ﻋﻨﻮﺍﻥ ﺡ ﻳﻜﻮﻥ ‏( ﺍﻟﻜﻲ – ﺍﻟﻜﻲ ﺻﻼﺡ ﺍﻟﻀﻲ‏) . • ﺍﻟﻜﻼﻡ ﺍﻟﻜﻨﺎ ﺑﻨﻘﻮﻟﻮﻩ ﻟﻴﻬﻢ ﻗﺒﻞ ﻋﺸﺮﻳﻦ ﺳﻨﺔ – ﻋﺎﻭﺯﻳﻦ ﻳﻘﻮﻟﻮﻩ ﻟﻴﻨﺎ ﺍﻵﻥ . • ﻭﺡ ﻧﻘﺮﺃ ﻋﻨﻮﺍﻥ ﻓﻲ ﺟﺮﻳﺪﺓ ﻣﺮﻳﺨﻴﺔ ﺍﺧﺮﻯ : ‏( ﻏﺎﺭﺯﻳﺘﻮ ﻳﺸﻴﺪ ﺑﻲ ﺻﻼﺡ ﺍﻟﻀﻲ‏) . • ﻭﺡ ﻧﻘﺮﺃ : ‏( ﺻﻼﺡ ﺍﻟﻀﻲ ﻳﺸﻜﻞ ﺛﻨﺎﺋﻴﺔ ﻣﻊ ﺍﻳﻤﻦ ﺳﻌﻴﺪ‏) . • ﺍﻧﺘﻮﺍ ﻗﺎﻳﻠﻴﻦ ﺻﻼﺡ ﺍﻟﻀﻲ ﻛﺒﻴﺮ. • ﺻﻼﺡ ﺍﻟﻀﻲ ﻣﺎ ﺑﻜﻮﻥ ﺍﻛﺒﺮ ﻣﻦ ﺍﻳﻤﻦ ﺳﻌﻴﺪ. • ﻭ • ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏( ﺍﻟﻨﻔﺲ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏) . • ﺑﺲ ﺍﻟﻄﻴﺐ ﻭﺩ ﺳﻌﺪ ﺍﻟﻘﺤﻒ – ﻗﺎﻝ ﻟﻮ ﻋﺎﺭﻑ ﺗﺴﺠﻴﻼﺕ ﺍﻟﻤﺮﻳﺦ ﺩﻱ – ﻛﺎﻥ ﺟﺒﺖ ﻟﻴﻬﻢ ﻣﺎ ﻳﺜﺒﺖ ﺍﻧﻲ ﻟﻌﺒﺖ ﻓﻲ ﺍﻟﻬﻼﻝ ﺳﻨﺔ 81. • ﻛﺎﻥ ﺳﺠﻠﻮﻙ ﻳﺎ ﺍﻟﻄﻴﺐ ﻭﺩ ﺳﻌﺪ ﺍﻟﻘﺤﻒ . • ﻧﺤﻦ ﻟﻮ ﻛﺎﻥ ﻋﻠﻰ ﻣﺮﺍﺩﻧﺎ . • ﻟﻮ ﺧﻠﻮﺍ ﻟﻴﻨﺎ ﺍﻟﻤﻮﺿﻮﻉ . • ﻛﺎﻥ ﺟﺒﻨﺎ ‏( ﺍﺣﻤﺪ ﺍﻟﻨﻮﺭ‏) ﻭﺳﺠﻠﻨﻬﺎ ﻓﻲ ﺍﻟﻤﺮﻳﺦ . • ﻋﺎﺭﻓﻴﻦ ﻟﻴﻪ؟. • ﻋﺸﺎﻥ ﻧﺮﺗﺎﺡ ﻣﻦ ﻣﺎﻣﻮﻥ ﺍﺑﻮﺷﻴﺒﺔ. • ﺍﺑﻮﺷﻴﺒﺔ ﻛﻞ ﺍﺣﺪ ﺑﻘﻮﻝ ﻟﻴﻨﺎ ﺍﻟﻤﺮﻳﺦ ﻋﻨﺪﻭ ﺿﺮﺑﺔ ﺟﺰﺍﺀ ﺍﻟﺤﻜﻢ ﻣﺎ ﺍﺣﺘﺴﺒﻬﺎ ﻟﻴﻨﺎ ﺳﻨﺔ 1996. • ﺗﺘﺨﻴﻠﻮﺍ ﺍﻧﺎ ﻋﺬﺭﺕ ﻣﺎﻣﻮﻥ ﺍﺑﻮﺷﻴﺒﺔ . • ﻋﺬﺭﺗﻮ ﻋﺪﻳﻞ ﻛﺪﺍ – ﻭﻫﻮ ﺑﺘﻜﻠﻢ ﻋﻦ ﺿﺮﺑﺔ ﺟﺰﺍﺀ ﻭﻫﻤﻴﺔ ﺳﻨﺔ 1996 ﻡ. • ﺍﺫﺍ ﺟﺎﻋﺘﻜﻢ ﺩﻳﻞ ﺑﺴﺠﻠﻮﺍ ﻓﻲ ﻻﻋﺒﻴﻦ ﻟﻌﺒﻮﺍ ﻓﻲ ﺍﻟﻬﻼﻝ ﻗﺒﻞ 17 ﺳﻨﺔ ﻭ 14 ﺳﻨﺔ ﻭ 12 ﺳﻨﺔ – ﻳﺒﻘﻰ ﻟﻴﻬﻢ ﺣﻖ ﻳﺘﻜﻠﻤﻮﺍ ﻋﻦ ﺿﺮﺑﺔ ﺟﺰﺍﺀ ﺳﻨﺔ 1996. • ﺍﻟﻈﺎﻫﺮ ﻳﺎ ﺍﺑﻮﺷﻴﺒﺔ ﻋﻨﺪﻛﻢ ﻣﺸﻜﻠﺔ ﻓﻲ ﺍﻟﺴﻨﻮﺍﺕ. • ﻣﺎ ﻗﺎﺩﺭﻳﻦ ﺗﻔﺮﺯﻭﺍ ﺑﻴﻦ ﺍﻻﺳﺒﻮﻉ ﻭﺍﻟﺴﻨﺔ . • ﻋﺸﺎﻥ ﻛﺪﺍ ﺑﺘﻠﺨﺒﻄﻮﺍ . • ﻗﺎﻟﻮﺍ ﻟﻴﻚ ﺑﻜﺮﻱ ﺍﻟﻤﺪﻳﻨﺔ ﻗﺎﻝ ﻟﻴﻬﻢ ﺟﻴﺒﻮﺍ ﻟﻲ ﻋﻤﺮ ﺑﺨﻴﺖ .. ﺍﻟﺠﻤﺎﻋﺔ ﺩﻳﻞ ﻣﺎ ﺑﻘﻌﺪ ﻣﻌﺎﻫﻢ . • ﺟﺎﺑﻮﺍ ﻟﻴﻪ ﻋﻤﺮ ﺑﺨﻴﺖ .. ﺑﻘﻰ ﻳﻔﻜﺮ ﻓﻲ ‏(ﺷﺒﺸﻪ ‏). • ﺍﻧﺖ ﻳﺎ ﺑﻜﺮﻱ ﺍﻟﻤﺪﻳﻨﺔ .. ﻭﻗﺖ ﻏﺎﻟﺒﻚ ﺍﻟﻘﻌﺪﺓ … ﺑﺘﺘﻔﺎﺻﺢ ﻣﺎﻟﻚ؟ . • ﻭ • ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏( ﺍﻟﻨﻔﺲ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏) . • ﺑﺲ ﻟﻮ ‏( ﺍﻟﺴﻴﺴﺘﻢ‏) ﻣﺎ ﻗﻔﻞ – ﻛﺎﻥ ﻳﺎﺳﺮ ﺭﺣﻤﺔ ﺫﺍﺗﻮ ﺟﺎﺑﻮﻩ. • ……………. ﻭ • ﻋﺸﺎﻥ ﺗﻌﺮﻓﻮﺍ ﺍﻟﻔﺮﻕ. • ﺍﻟﻤﺮﻳﺨﺎﺏ ﺑﻮﺍﺳﻄﺔ ﺍﻻﺗﺤﺎﺩ ﺍﻟﻌﺎﻡ ﺧﺪﻋﻮﺍ ‏( ﺍﻟﻴﺎﺳﻮ‏) . • ﻏﺸﻮﺍ ﺍﻟﻮﻟﺪ. • ﻣﺮﺓ ﻗﺎﻟﻮﺍ ﻟﻴﻪ ﺍﻟﺘﻘﺮﻳﺮ ﺍﻟﻄﺒﻲ . • ﻏﺎﺭﺯﻳﺘﻮ ﻗﺎﻝ ﻟﻴﻬﻢ ﺳﺠﻠﻮﻩ ﺑﻲ ﺗﻘﺮﻳﺮﻭ. • ﻗﺎﻟﻮﺍ ﻟﻴﻪ ﺍﻟﺴﻴﺴﺘﻢ. • ﻏﺎﺭﺯﻳﺘﻮ ﺑﺠﻲ ﻳﻔﺮﺗﻚ ﻟﻴﻜﻢ ‏( ﺍﻟﺴﻴﺴﺘﻢ ‏) ﺩﺍ ﺳﻴﻦ – ﺳﻴﻦ . • ﺳﻴﺴﺘﻢ ﺷﻨﻮ ﺍﻟﺒﻔﺮﺽ ﺍﻟﻴﺎﺳﻮ. • ﻧﺤﻦ ﻛﻤﺎﻥ ﻣﺎ ﺑﻨﻌﺮﻑ ﺍﻟﺴﻴﺴﺘﻢ . • ﻧﺎﺱ ﺍﻟﻬﻼﻝ ﺳﻴﺴﺘﻢ ﻓﺎﺗﺢ . • ﻣﺎ ﺷﺎﺀﺍﻟﻠﻪ . • ﺍﻟﻜﺮﻭﺕ ﻭﺻﻠﺖ. • ﺟﻮﻟﻴﺎﻡ. • ﻭﺍﻧﺪﺭﺯﻳﻨﻬﻮ. • ﺡ ﺗﻤﺸﻮﺍ ﻣﻨﻨﺎ ﻭﻳﻦ؟ . • ﺑﺨﺖ ﺗﻮﻧﺲ. • ﺣﻆ ﺗﻮﻧﺲ . • ﺗﻮﻧﺲ ﺍﻟﺨﻀﺮﺍﺀ – ﺡ ﺗﺒﻘﻰ ﺗﻮﻧﺲ ﺍﻟﺰﺭﻗﺎﺀ . • ﺡ ﺗﻔﻬﻤﻮﺍ ﺣﺎﺟﺔ . • ……….. • ﺍﻟﺴﻴﺪﺓ ‏( ﻝ‏) ﺭﻣﻀﺎﻥ ﺑﺎﻗﻰ ﻟﻴﻪ ‏(24 ‏) ﻳﻮﻡ .. ﻭﺳﻴﺴﺘﻢ ‏(ﺍﻟﻘﻬﻮﺓ ‏) ﻳﻘﻔﻞ. • ﻭﻗﺮّﺽ ﻋﻠﻰ ﻛﺪﺍ ..........