المصدر: • ﻋﻨﺪﻧﺎ ﻓﻲ ﺍﻟﺤﻠﺔ ﺯﻭﻝ ﺻﻌﺐ . • ﻃﺒﻌﺎ ﺍﻱ ﻧﺎﺱ ﺣﺮﺓ ﻓﻲ ﺣﻠﺘﻬﺎ . • ﻭﺣﺮﺓ ﻓﻲ ﺻﻌﻮﺑﻴﺘﻬﺎ. • ﻳﻌﻨﻲ ﺍﻟﺰﻭﻝ ﻳﺼﻌﺐ ﺍﻟﻤﻮﺿﻮﻉ ﺯﻱ ﻣﺎ ﻋﺎﻭﺯ – ﻣﺎ ﻓﻲ ﺯﻭﻝ ﺑﻘﺪﺭ ﻳﻘﻮﻝ ﻟﻴﻨﺎ ﺣﺎﺟﺔ . • ﻧﺤﻦ ﻗﺎﻋﺪﻳﻦ ﻧﺴﺄﻟﻜﻢ ﻓﻲ ﺍﻟﺒﻨﺰﻳﻦ . • ﻗﺎﻋﺪﻳﻦ ﻧﺴﺄﻟﻜﻢ ﻓﻲ ﺍﻟﺮﺳﻮﻡ . • ﻓﻲ ﺍﻟﺮﻏﻴﻒ . • ﻓﻲ ﺍﻟﻤﻮﺍﺻﻼﺕ. • ﻓﻲ ﺍﻟﻐﺎﺯ. • ﻗﺎﻋﺪﻳﻦ ﻧﺴﺄﻟﻜﻢ ﻓﻲ ﺍﻟﻘﻄﻮﻋﺎﺕ . • ﻃﻴﺐ ﻣﺎﻟﻜﻢ؟ . • ﻧﺼﻌﺒﻬﺎ ﺯﻱ ﻣﺎ ﻋﺎﻭﺯﻳﻦ . • ﻋﻨﺪﻧﺎ ﺯﻭﻝ ﺻﻌﺐ ﺷﺪﻳﺪ ﻓﻲ ﺍﻟﺤﻠﺔ. • ﺍﻟﺰﻭﻝ ﺩﺍ ﻟﻤﻦ ﻳﺠﻴﺒﻮﺍ ﻟﻴﻪ ‏( ﺍﻟﻠﻴﻤﻮﻥ ‏) – ﻟﻮ ﻣﺎ ﻛﺎﻥ ‏( ﻣﺴﻴﺦ ﺳﻜﺮ ‏) ﻣﺎ ﺑﺸﺮﺑﻮ . • ﻭﻻ ﺑﻤﺸﻲ ﻋﻠﻰ ﺧﺸﻤﻮ. • ﻣﺎ ﻋﺎﺭﻑ ﻋﻼﻗﺔ ﻣﺴﺎﺧﺔ ﺳﻜﺮ ﺍﻟﻠﻴﻤﻮﻥ ﺑﺎﻟﺼﻌﻮﺑﺔ ﺷﻨﻮ؟ . • ﻣﺎ ﺗﺴﺄﻟﻮﻧﻲ. • ﺍﻧﺎ ﻟﻮ ﻋﺎﺭﻑ – ﻣﺎ ﺑﻘﻌﺪ ﻟﻴﻜﻢ ﻓﻲ ﺍﻟﺒﻠﺪ ﺩﻱ . • ﺍﻟﻤﻬﻢ ﺍﻟﺰﻭﻝ ﺩﺍ ﺻﻌﺐ ﻭﺧﻼﺹ . • ﺟﻨﻜﻢ ﺍﺳﺌﻠﺔ ﻣﺘﻞ ﺷﻔﻊ ﺳﻨﺔ ﺭﺍﺑﻌﺔ . • ﺯﻣﺎﻥ ﻧﺤﻦ ﻛﺎﻧﻮﺍ ﻭﻗﺖ ﻳﻘﻮﻟﻮﺍ ﻟﻴﻨﺎ ﺍﻻﻣﺘﺤﺎﻧﺎﺕ ﺷﻬﺮ ﺍﻛﺘﻮﺑﺮ .. ﻛﻨﺎ ﺑﻨﻘﻮﻝ ﻟﻼﺳﺘﺎﺫ ..ﻃﻴﺐ ﻳﺎ ﺍﺳﺘﺎﺫ ﺑﺘﻌﻠﻘﻮ ‏( ﺟﺪﻭﻝ ﺍﻻﻣﺘﺤﺎﻧﺎﺕ ‏) ﻣﺘﻴﻦ؟ . • ﺯﻱ ﻛﺄﻧﻮ ﺍﻟﻤﺸﻜﻠﺔ ﻛﻠﻬﺎ ﻓﻲ ﺗﻌﻠﻴﻖ ﺍﻟﺠﺪﻭﻝ. • ﻣﺎ ﻋﺎﺭﻑ ﻋﻼﻗﺔ ﺗﻌﻠﻴﻖ ﺟﺪﻭﻝ ﺍﻻﻣﺘﺤﺎﻧﺎﺕ ﺑﺎﻟﻤﻮﺿﻮﻉ ﺩﺍ ﺷﻨﻮ؟ . • ﻣﺎ ﻋﺎﺭﻑ . • ﺍﻟﺸﻲﺀ ﺍﻟﺒﻌﺮﻓﻮ ﺍﻧﻨﺎ ﻛﻨﺎ ﺑﻨﺴﺄﻝ ﻣﻦ ﺗﻌﻠﻴﻖ ﺟﺪﻭﻝ ﺍﻻﻣﺘﺤﺎﻧﺎﺕ . • ﻭﻟﻤﻦ ﻳﻌﻠﻘﻮﺍ ﺍﻟﺠﺪﻭﻝ – ﺍﻟﺤﺪﻳﺚ ﺑﻨﺘﻬﻲ. • ﻭﻻ ﻛﻠﻤﺔ . • ﺍﻟﺒﺸﻮﻓﻨﺎ ﺑﻨﺴﺄﻝ ﻋﻦ ﺍﻟﺠﺪﻭﻝ ﺑﻘﻮﻝ ﺑﻘﻔﻠﻮﺍ ﺍﻟﺮﻳﺎﺿﻴﺎﺕ . • ﺍﻟﻤﻬﻢ ﻋﻨﺪﻧﺎ ﺯﻭﻝ ﺻﻌﺐ ﻓﻲ ﺍﻟﺤﻠﺔ .. ﺍﻟﺸﺎﻱ ﻟﻮ ﻣﺎ ﺟﺎﺑﻮﻩ ﻟﻴﻪ ﻣﻦ ﻧﺎﺭﻭ – ﻣﺎ ﺑﺸﺮﺑﻮ . • ﻭﻻ ﺑﻤﺸﻲ ﻋﻠﻴﻪ . • ﻭﻻ ﺑﺠﺎﻣﻞ ﻓﻲ ﺍﻟﺤﺎﺟﺎﺕ ﺩﻱ . • ﺑﻘﻮﻝ ﻟﻴﻚ ﺷﺎﻳﻞ ‏( ﺍﻟﺸﺎﻱ ‏) ﺩﺍ ﻭﺭﺟﻌﻮ ﻣﻦ ﻣﺤﻞ ﻣﺎ ﺟﺒﺘﻮ . • ﺯﻭﻝ ﺻﻌﺐ . • ﻭﻣﺎ ﺑﺘﻔﺎﻫﻢ. • ﻧﺤﻦ ﺣﺴﺐ ﻓﻬﻤﻨﺎ ﻓﻲ ﺍﻟﻮﻗﺖ ﺩﺍﻙ – ﻛﻨﺎ ﺑﻨﻔﺘﻜﺮ ﺍﻟﻤﻮﺿﻮﻉ ﺩﺍ ﻣﻮﺿﻮﻉ ‏( ﺻﻌﻮﺑﺔ ‏) . • ﻋﺸﺎﻥ ﻛﺪﺍ ﻟﻤﻦ ﻧﻜﻮﻥ ﻋﺎﻭﺯﻳﻦ ﻧﺼﻌﺒﻬﺎ .. ﺑﻨﺮّﺟﻊ ﺍﻟﺸﺎﻱ . • ﻣﺎ ﺑﻨﺸﺮﺑﻮ . • ﻭ • ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏(ﺍﻟﻨﻔﺲ ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏) . • ﺑﺲ ﻳﻮﻡ ﺩﺍﻙ ﻻﻗﺖ ﻟﻲ ‏( ﺟﺰﺍﺋﺮﻳﻴﻦ ‏) ﻓﻲ ﺍﻟﺸﺎﺭﻉ – ﻗﻠﺖ ﻟﻴﻬﻢ ﺍﻧﺘﻮﺍ ﺍﻟﻤﺮﻳﺦ ﻭﻗﻊ ﻣﻌﺎﻛﻢ ﻓﻲ ﻣﺠﻤﻮﻋﺔ ﻭﺍﺣﺪﺓ . • ﻗﺎﻟﻮﺍ ﻟﻲ : ﻭﺍﻟﻠﻪ ﻧﺤﻦ ﺍﻟﻤﺮﻳﺦ ﺩﺍ ﻋﻨﺪﻧﺎ ﺯﻱ ‏( ﺍﻟﺤﻠﻮ ‏) ﺍﻟﺒﺠﻴﺒﻮﻩ ﻟﻴﻨﺎ ﺑﻌﺪ ‏( ﺍﻟﻐﺪﺍﺀ ‏) . • ﺍﻟﻤﺮﻳﺦ ﺡ ﻳﺤﻠﻮﺍ ﺑﻴﻪ ﺍﻟﺠﺰﺍﺋﺮﻳﻴﻦ . • ﺯﻱ ﺍﻟﻔﻮﺍﻛﻪ . • ﻗﺎﻟﻮﺍ ﻟﻴﻚ ﺑﻌﺪ ﻣﺠﻤﻮﻋﺔ ﺍﻟﺠﺰﺍﺋﺮ ﺩﻱ .. ﻧﺺ ﻻﻋﺒﻲ ﺍﻟﻤﺮﻳﺦ ﻃﺎﻟﺐ ﺑﺎﻻﻋﺎﺭﺓ ﻟﻬﻼﻝ ﺍﻻﺑﻴﺾ . • ﺳﻌﻴﺪ ﺍﻟﺴﻌﻮﺩﻱ ﻗﺎﻝ ﻟﻴﻬﻢ – ﻭﻻ ﺑﺮﺟﻊ ﻭﻻ ﺣﺎﺟﺔ . • ﺧﻠﻮﻧﻲ ﻓﻲ ﺷﻨﺪﻱ ﺩﻱ . • ﺯﻭﻟﻨﺎ ﺍﻟﺼﻌﺐ ﺩﺍﻙ ..ﺍﻟﻜﻠﻤﺘﻜﻢ ﻋﻨﻮ ﻓﻲ ﺑﺪﺍﻳﺔ ﺍﻟﻌﻤﻮﺩ .. ﻛﺎﻥ ﻭﻗﺖ ﺗﺠﻲ ﻣﻄﺮﺓ ﺑﻘﻮﻝ ﻟﻼﻭﻻﺩ ..ﻳﺎ ﻭﻻﺩ ﻓﻲ ‏( ﺑﺎﺳﻄﺔ ‏) ﻓﻲ ﺍﻟﺘﻼﺟﺔ …ﺍﻣﺸﻮﺍ ﺍﺣﻔﺮﻭﺍ ﺍﻟﺨﻮﺭ ﻟﻠﻤﻄﺮﺓ ﻭﻃﻠﻌﻮﺍ ﺍﻟﻤﻮﻳﺔ ﻣﻦ ﺍﻟﺤﻮﺵ … ﻭﺍﻣﺸﻮﺍ ﺑﻌﺪ ﻛﺪﺍ ﺍﺿﺮﺑﻮﺍ ‏(ﺍﻟﺒﺎﺳﻄﺔ ‏) ﺍﻟﻔﻲ ﺍﻟﺘﻼﺟﺔ . • ﺍﻟﻤﻄﺮﺓ ﻣﺎ ﺗﻔﻮﺕ ﻟﻴﻬﺎ ‏( 40 ‏) ﺩﻗﻴﻘﺔ ﻣﻦ ﻧﺰﻭﻟﻬﺎ – ﺇﻟّﺎ ﻭﺗﺴﻤﻊ ﺑﻲ ﺍﻟﺼﺎﻟﻮﻥ ﺟﺎﺀ ﻭﺍﻗﻊ . • ﻋﻤﻚ ﺑﻴﻄﻠﻊ ﻣﻦ ﺟﻮﺓ ﻭﻳﻜﻮﺭﻙ ﻟﻼﻭﻻﺩ ﻭﻳﻘﻮﻝ ﻟﻴﻬﻢ ﺍﻧﺘﻮﺍ ﺍﻧﺎ ﻣﻮﺵ ﺭﺳﻠﺘﻜﻢ …ﻋﻤﻠﺘﻮﺍ ﺷﻨﻮ ﻓﻲ ﺍﻟﺸﻐﻠﺔ ﺍﻟﺮﺳﻠﺘﻜﻢ ﻟﻴﻬﺎ؟ . • ﺑﻘﻮﻟﻮﺍ ﻟﻴﻬﺎ : ﺍﻛﻠﻨﺎ ‏(ﺍﻟﺒﺎﺳﻄﺔ ‏) ﻳﺎ ﻋﻤﻨﺎ . • ﻋﻤﻚ ﺑﻘﻮﻝ ﻟﻴﻬﻢ ﻭﺍﻟﻠﻪ ﻣﺎ ﻗﺼﺮﺗﻮ – ﺍﻛﻞ ‏(ﺍﻟﺒﺎﺳﻄﺔ ‏) ﻓﻲ ﺍﻟﻤﻄﺮﺓ ﺩﻱ ﻣﺎ ﺑﻘﺪﺭ ﻟﻴﻪ ﺯﻭﻝ ﺳﺎﻫﻞ . • ﺯﻭﻝ ﻣﺎ ﻋﻨﺪﻭ ﺿﻬﺮ . • ﺑﻌﺪ ﺷﻬﺮ .. ﻋﻤﻚ ﺗﺎﻧﻲ ﺑﻄﻠﻊ. • ﺑﻴﻠﻢ ﺍﻻﻭﻻﺩ ﻣﻦ ﺍﻭﻝ ﻭﺟﺪﻳﺪ .. ﻭﺑﻘﻮﻝ ﻟﻴﻬﻢ ﻓﻲ ‏( ﺑﺎﺳﻄﺔ ‏) ﻓﻲ ﺍﻟﺘﻼﺟﺔ ﻭﻓﻲ ‏( ﺣﻴﻄﺔ ‏) ﻭﻗﻌﺖ ﻓﻲ ﺍﻟﺤﻮﺵ ﺍﻟﻜﺒﻴﺮ – ﻋﺎﻭﺯﻛﻢ ﺗﺒﻨﻮﻫﺎ ..ﻭﺗﻀﺮﺑﻮﺍ ﺍﻟﺒﺎﺳﻄﺔ . • ﺍﻻﻭﻻﺩ ﻳﺪﺧﻠﻮﺍ ﻋﻠﻰ ﺍﻟﺤﻮﺵ . • ﻋﻤﻚ ﺑﻴﺠﻴﻬﻢ ﺑﻌﺪ ﺍﺳﺒﻮﻉ – ﻳﻠﻘﻰ ﻟﻴﻚ ‏(ﺍﻟﺤﻴﻄﺔ ‏) ﻓﻲ ﻣﻜﺎﻧﻬﺎ .. ‏( ﻃﻮﺑﺔ ‏) ﻣﺎ ﻋﻤﻠﻮﻫﺎ ﻓﻴﻬﺎ. • ﺑﻘﻮﻡ ﻳﻘﻮﻝ ﻟﻴﻬﻢ ﺍﻧﺘﻮﺍ ﻳﺎ ﻭﻻﺩ ﻋﻤﻠﺘﻮﺍ ﺷﻨﻮ ﻓﻲ ﺍﻻﺳﺒﻮﻉ ﺍﻟﺨﻠﻴﺘﻜﻢ ﻓﻴﻪ ﺩﺍ؟ . • ﺑﻘﻮﻟﻮﺍ ﻟﻴﻪ : ﺍﻛﻠﻨﺎ ‏(ﺍﻟﺒﺎﺳﻄﺔ ‏) ﻳﺎ ﻋﻤﻨﺎ . • ﻋﻤﻚ ﺑﻘﻮﻝ ﻟﻴﻬﻢ ﺍﺻﻠﻮ ﻣﺎ ﻗﺼﺮﺗﻮ … ‏(ﺍﻟﺒﺎﺳﻄﺔ ‏) ﻣﺎ ﺑﻴﺎﻛﻠﻬﺎ ﺯﻭﻝ ﻫﻮّﻳﻦ …ﺍﻟﻠﻪ ﻳﺪﻳﻜﻢ ﺍﻟﻌﺎﻓﻴﺔ. • ﻋﻤﻚ ﺗﺎﻧﻲ ﺑﻴﻈﻬﺮ . • ﺑﻴﻼﻗﻰ ﻟﻴﻚ ﻭﻟﺪﻭ ﺍﻟﻜﺒﻴﺮ . • ﺑﻘﻌﺪ ﻣﻌﺎﻩ . • ﻭﺑﻘﻮﻝ ﻟﻴﻪ ﻳﺎ ﻭﻟﺪﻱ ﺍﻧﺎ ﻣﺎ ﺡ ﺍﻋﻴﺶ ﺍﻛﺘﺮ ﻣﻦ ﺍﻟﻌﻴﺸﺘﻮ ﻓﻲ ﺍﻟﺪﻧﻴﺎ ﺩﻱ . • ﺍﻧﺎ ﺡ ﺍﻋﻴﺶ ﻟﻴﻚ ﻟﻲ ﻣﺘﻴﻦ ﻳﻌﻨﻲ؟ . • ﻳﺎ ﻭﻟﺪﻱ ﻟﻮ ﻋﺎﻭﺯﻧﻲ ﺍﺭﺗﺎﺡ ﻓﻲ ﻗﺒﺮﻯ ﺍﻟﺒﺪﻓﻨﻮﻧﻲ ﻓﻴﻪ – ﻋﺎﻭﺯﻙ ﺗﻌﺮﺱ ﺑﻨﺖ ﻋﻤﻚ ﻓﻲ ﺍﻟﻌﻴﺪ .. ﻭﺗﻀﺮﺏ ‏(ﺍﻟﺒﺎﺳﻄﺔ ‏) ﺍﻟﺨﻠﻴﺘﻬﺎ ﻟﻴﻜﻢ ﻓﻲ ﺍﻟﺘﻼﺟﺔ . • ﺑﻴﺠﻲ ﺍﻟﻌﻴﺪ. • ﻭﻳﻔﻮﺕ . • ﻭﻋﻤﻚ ﺑﻼﻗﻰ ﻭﻟﺪﻭ ﻓﻲ ﺧﺸﻢ ﺍﻟﺒﺎﺏ – ﺑﻘﻮﻝ ﻟﻴﻬﺎ ﺍﻫﺎ ﻳﺎ ﻭﻟﺪﻱ ﺍﻟﻌﻴﺪ ﻓﺎﺕ …ﻋﻤﻠﺖ ﺷﻨﻮ ﻓﻲ ﺍﻟﻮﺻﻴﺔ ﺍﻟﺨﻠﻴﺘﻬﺎ ﻟﻴﻚ؟ . • ﺍﻟﻮﻟﺪ ﺑﻘﻮﻝ ﻟﻴﻪ : ﺍﻛﻠﺖ ‏(ﺍﻟﺒﺎﺳﻄﺔ ‏) ﻳﺎ ﺣﺎﺝ . • ﻋﻤﻚ ﺑﻘﻮﻝ ﻟﻴﻪ : ﺗﺐ ﻣﺎ ﻗﺼﺮﺕ . • ﻋﺪﺍﻙ ﺍﻟﻌﻴﺐ . • ﻗﻄﻌﺖ ﻧﺺ ﺍﻟﻤﺸﻮﺍﺭ . • ﻭﻋﻤﻚ ﺑﻼﻗﻰ ﻭﻟﺪ ﺍﻟﺠﻴﺮﺍﻥ . • ﺑﻘﻮﻝ ﻟﻴﻪ ﻳﺎ ﻭﻟﺪﻱ ﻧﺤﻦ ﻛﺒﺮﻧﺎ . • ﺍﻟﻨﻈﺮ ﺿﻌﻒ. • ﻭﺍﻟﺴﻤﻊ ﺗﻘﻞ . • ﻭﺍﻟﻀﻬﺮ ﺍﺗﻜﺴﺮ. • ﻳﺎ ﻭﻟﺪﻱ ﻻﺯﻡ ﺗﺒﻘﻰ ﻟﻴﻨﺎ ﻃﺒﻴﺐ . • ﻻﺯﻡ ﺗﺒﻘﻰ ﻟﻴﻨﺎ ﺩﻛﺘﻮﺭ – ﻋﺸﺎﻥ ﺗﺮﻳّﺢ ﺍﻋﻤﺎﻣﻚ ﺩﻳﻞ ﺷﻮﻳﺔ. • ﻟﻜﻦ ﻗﺒﻞ ﻣﺎ ﺗﺒﻘﻰ ﺩﻛﺘﻮﺭ ﻓﻲ ‏(ﺑﺎﺳﻄﺔ ‏) ﻓﻲ ﺍﻟﺘﻼﺟﺔ ﺍﻣﺸﻲ ﺍﺿﺮﺑﻬﺎ . • ﻋﻤﻚ ﺑﻌﺪ ﺳﺖ ﺳﻨﻮﺍﺕ ﺑﻼﻗﻰ ﻭﻟﺪ ﺍﻟﺠﻴﺮﺍﻥ . • ﺑﻘﻮﻡ ﻳﺴﺄﻟﻮ . • ﻭﻳﻘﻮﻝ ﻟﻴﻪ : ﺍﻫﺎ ﻳﺎ ﻭﻟﺪﻱ ﺍﻥ ﺷﺎﺀﺍﻟﻠﻪ ﺧﻴﺮ – ﻋﻤﻠﺖ ﺷﻨﻮ ﻓﻲ ﺍﻟﻤﻮﺿﻮﻉ؟. • ﺍﻟﻮﻟﺪ ﺑﻘﻮﻝ ﻟﻴﻪ : ﺍﻛﻠﺖ ﺍﻟﺒﺎﺳﻄﺔ. • ﻋﻤﻚ ﺑﻘﻮﻝ ﻟﻴﻪ ﺍﻥ ﺷﺎﺀﺍﻟﻠﻪ ﺗﻨﻔﻌﻚ. • ﻣﺎ ﻗﺼﺮﺕ . • ﻗﺴﻤﺖ ﻧﺼﻒ ﺍﻟﻤﺸﻮﺍﺭ. • ﻋﻤﻚ .. ﺑﻌﺪ ﻣﺎ ﺧﻼﺹ ﻳﺒﻘﻰ ﻋﻠﻰ ﺍﻟﻤﻮﺕ. • ﻭﻫﻮ ﺑﻴﻦ ﺍﻟﺤﻴﺎﺓ ﻭﺍﻟﻤﻮﺕ . • ﻓﻲ ﺍﻟﺴﻜﺮﺍﺕ ﺍﻻﺧﻴﺮﺓ . • ﺑﻘﻮﻟﻮﺍ ﻟﻴﻪ ﻳﺎ ﺣﺎﺝ ..ﺗﻔﺘﻜﺮ ﻣﺸﻜﻠﺘﻚ ﻛﺎﻧﺖ ﺷﻨﻮ ﻓﻲ ﺍﻟﺤﻴﺎﺓ ﺩﻱ؟. • ﺑﻘﻮﻝ ﻟﻴﻬﻢ ﻣﺸﻜﻠﺘﻲ ﻛﺎﻧﺖ ‏(ﺍﻟﺒﺎﺳﻄﺔ ‏) . • ﺑﺠﻴﺐ ﻟﻴﻬﻢ ﺍﻟﺒﺎﺳﻄﺔ ﻓﻲ ﺍﻟﺘﻼﺟﺔ – ﺑﺮﻛﺰﻭﺍ ﻋﻠﻰ ‏(ﺍﻟﺒﺎﺳﻄﺔ ‏) .. ﻭﺑﻨﺴﻮﺍ ﺍﻟﻤﻮﺿﻮﻉ . • ﺯﻭﻟﻜﻢ ﻭﻫﻮ ﻓﻲ ﺍﻟﺤﺎﻟﺔ ﺩﻱ .. ﻭﻟﺪﻭ ﺟﺎﻫﻮ ﺟﺎﺭﻱ ﻣﻦ ﺑﺮﺓ . • ﺟﺎ ﻣﻨﻬﺎﺭ . • ﺣﺎﻟﺘﻮ ﻛﻌﺒﺔ . • ﺍﺑﻮﻫﻢ ﺑﻘﻮﻝ ﻟﻴﻬﻢ ﺍﻃﻠﻌﻮﺍ ﻟﻲ ﻣﻦ ﺍﻟﻐﺮﻓﺔ – ﻋﺎﻭﺯ ﺍﺗﻜﻠﻢ ﻣﻊ ﻭﻟﺪﻱ ﺷﻮﻳﺔ . • ﻋﺎﻭﺯ ﺍﻗﻌﺪ ﻣﻊ ﻭﻟﺪﻱ ﺑﺮﺍﻱ. • ﺍﻟﺠﻤﺎﻋﺔ ﺑﻄﻠﻌﻮﺍ ﻣﻦ ﺍﻟﻐﺮﻓﺔ . • ﻋﻤﻜﻢ ﺍﻭﻝ ﻣﺎ ﻳﻄﻠﻌﻮﺍ ﻟﻴﻪ ﻣﻦ ﺍﻟﻐﺮﻓﺔ ﺑﻘﻮﻝ ﻟﻲ ﻭﻟﺪﻭ ..ﻟﻮ ﺟﺎﺗﻨﻲ ﺣﺎﺟﺔ ﻭﺍﻻﻳﺎﻡ ﺗﻤﺖ … ﺍﻋﻤﻠﻮﺍ ﻟﻲ ‏(ﺳﺒﻴﻞ ﻣﻮﻳﺔ ‏) ﻓﻲ ﺍﻟﺤﻠﺔ ﻭﺍﺿﺮﺑﻮﺍ ‏(ﺍﻟﺒﺎﺳﻄﺔ ‏) ﺍﻟﺨﻠﻴﺘﻬﺎ ﻟﻴﻜﻢ ﻓﻲ ﺍﻟﺘﻼﺟﺔ. • ﻋﻤﻚ ﻳﻘﻮﻝ ﻛﻼﻣﻮ ﺩﺍ ﻭﻳﻤﻮﺕ . • ﺍﻟﻨﺴﻮﺍﻥ ﻳﻄﻘﻦ ﺍﻟﻜﻮﺍﺭﻳﻚ . • ﺑﻌﺪ ﺳﻨﺔ ﻭﻧﺺ ﻣﻦ ﺍﻟﻜﻼﻡ ﺩﺍ .. ﻋﻤﻚ ﻳﺠﻲ ﻟﻲ ﻭﻟﺪﻭ ﺍﻟﻜﺒﻴﺮ ﻓﻲ ﺍﻟﻤﻨﺎﻡ – ﻭﻳﻘﻮﻝ ﻟﻴﻪ ﺍﻫﺎ ﻋﻤﻠﺖ ﺷﻨﻮ ﻓﻲ ‏( ﺍﻟﻮﺻﻴﺔ ‏) ﺍﻟﺨﻠﻴﺘﻬﺎ ﻟﻴﻜﻢ؟ . • ﺍﻟﻮﻟﺪ ﺑﻘﻮﻝ ﻟﻴﻪ : ﺍﻛﻠﻨﻲ ﺍﻟﺒﺎﺳﻄﺔ ﻳﺎ ﺣﺎﺝ. • ﻳﻘﻮﻝ ﻟﻴﻪ ﻛﻼﻣﻮ ﺩﺍ – ﻭﻳﻘﻮﻡ ﻣﺨﻠﻮﻉ ﻣﻦ ﻧﻮﻣﻮ. • ﻭ • ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏(ﺍﻟﻨﻔﺲ ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏) . • ﺑﺲ ‏(ﺍﻟﺒﺎﺳﻄﺔ ‏) ﺍﻟﺒﺘﻜﻠﻢ ﻟﻴﻜﻢ ﻋﻨﻬﺎ ﺩﻱ ﻣﺎ ﺗﻬﻤﻠﻮﻫﺎ . • ﻓﻴﻬﺎ ‏( ﻓﻬﻢ ‏) ﺗﺎﻧﻲ . • ﻫﺴﻊ ﻭﺍﺣﺪ ﻣﻦ ﺍﻟﻤﺮﻳﺨﺎﺏ … ﻗﺎﻟﻮﺍ ﻟﻴﻚ ﺩﺧﻠﺘﻮﺍ ‏(ﺧﻠﻌﺔ ‏). • ﺟﺎﺗﻮ ﺻﺪﻣﺔ. • ﻗﺎﻝ ﺍﻥ ﺷﺎﺀﺍﻟﻠﻪ ﺍﻟﺘﺴﺠﻴﻼﺕ ﺗﻨﺘﻬﻲ ﺍﻟﻠﻴﻠﺔ ﻗﺒﻞ ﺑﻜﺮﺓ . • ﻗﻠﻨﺎ ﻟﻴﻪ ﻛﻴﻒ ﺍﻟﻜﻼﻡ ﺩﺍ. • ﻗﺎﻝ ﻟﻴﻨﺎ ﻧﺎﺱ ﺍﻟﻬﻼﻝ ﺩﻳﻞ ﺟﺎﺑﻮﺍ ﻟﻴﻬﻢ ﻣﻬﺎﺟﻢ ﻣﻦ ﺍﻟﺒﺮﺍﺯﻳﻞ ﺍﺳﻤﻮ ‏( ﺟﻮﻟﻴﺎﻡ ‏) ﺍﻟﻘﻮﻥ ﻋﻨﺪﻭ ﺍﺳﻬﻞ ﻣﻦ ‏( ﺍﻟﺴﻼﻡ ﻋﻠﻴﻜﻢ ‏). • ﻗﻠﻨﺎ ﻣﺎ ﻣﺸﻜﻠﺔ . • ﻣﻬﺎﺟﻢ .. ﻭﺑﻨﺴﺘﺤﻤﻠﻪ. • ﺻﺒﺮﻧﺎ ﺷﻮﻳﺔ .. ﻗﺎﻣﻮﺍ ﺟﺎﺑﻮﺍ ﻟﻴﻨﺎ ﻣﻦ ﺍﻟﺒﺮﺍﺯﻳﻞ ﺻﺎﻧﻊ ﺍﻟﻌﺎﺏ ﺍﺳﻤﻮ ‏( ﺟﻮﻧﻴﻮﺭ ‏) .. ﺍﻟﺼﻨﺎﻋﺔ ﻋﻨﺪﻭ ﺯﻱ ‏(ﺍﻟﺘﺴﺎﻟﻲ ‏) . • ﻗﻠﻨﺎ ﻟﻴﻬﻢ ﺧﻼﺹ ﻃﻘﻮﻩ ﻟﻴﻨﺎ ﻋﻴﻦ . • ﻋﺎﻭﺯﻳﻦ ﺗﻨﺸﻮﻓﻪ ﻟﻴﻨﺎ . • ﻗﺎﻟﻮﺍ ﻟﻴﻚ ﺻﺎﻧﻊ ﺍﻻﻟﻌﺎﺏ ﻣﻦ ‏(ﺟﺪﻳﺘﻮ ‏) ..ﺟﺎﺀ ﺑﻲ ﺍﻭﻻﺩﻩ . • ﻣﺎ ﺑﻠﻌﺐ . • ﺍﻟﻤﺮﻳﺨﺎﺑﻲ ﺷﺎﻑ ﺍﻟﻄﻴﺎﺭﺍﺕ ﺗﺸﻴﻞ ﻭﺗﻨﻘﻞ ﻓﻲ ﺍﻟﺒﺮﺍﺯﻳﻠﻴﻦ .. ﻗﺎﻝ ﻧﺎﺱ ﺍﻟﻬﻼﻝ ﺩﻳﻞ ﻟﻮ ﺍﺩﻭﻫﻢ ‏( 48 ‏) ﺳﺎﻋﺔ ﺍﺿﺎﻓﻴﺔ ﻓﻲ ﺍﻟﺘﺴﺠﻴﻼﺕ ﺑﻴﺠﻴﺒﻮﺍ ‏( ﻧﻴﻤﺎﺭ ‏) . • ﺍﻟﺠﻤﺎﻋﺔ ﺩﻳﻞ ﻟﻮ ﻣﺸﻮﺍ ﺑﻲ ﻃﺮﻳﻘﺘﻬﻢ ﺩﻱ ﺑﻴﺠﻴﺒﻮﺍ ‏(ﻧﻴﻤﺎﺭ ‏). • ﺩﻳﻞ ﻟﻮ ﻟﻘﻮﺍ ﻟﻴﻬﻢ ﺟﻨﺴﻴﺔ ﺍﺿﺎﻓﻴﺔ .. ﺑﻨﺸﻔﻮﺍ ﺭﻳﻘﻨﺎ . • ﻧﻴﻤﺎﺭ ﺩﺍ ﻟﻮ ﻣﺎ ﻋﻨﺪﻭ ﻧﻬﺎﺋﻲ ﺩﻭﺭﻱ ﺍﺑﻄﺎﻝ ﺍﻭﺭﻭﺑﺎ . • ﺍﻟﻜﺎﺭﺩﻳﻨﺎﻝ ﻛﺎﻥ ﺟﺎﺑﻮ ﺍﻟﻬﻼﻝ . • ﺑﺲ ﻣﺴﺠﻞ ﻓﻲ ﻗﺎﺋﻤﺔ ﺑﺮﺷﻠﻮﻧﺔ .. ﻓﻲ ﻛﺎﺱ ﺍﻟﻌﺎﻟﻢ ﻟﻼﻧﺪﻳﺔ – ﻳﻌﻨﻲ ﻟﻮ ﺟﺒﻨﺎﻩ ﻣﺎ ﺑﻨﺴﺘﻔﻴﺪ ﻣﻨﻮ ﺍﻱ ﺣﺎﺟﺔ . • ﺇﻟّﺎ ﻓﻲ ﺍﻟﺪﻭﺭﻱ ﺍﻟﻤﺤﻠﻲ . • ﻭﺍﻟﺪﻭﺭﻱ ﺍﻟﻤﺤﻠﻲ ﺩﺍ ﻧﺎﺱ ‏( ﻭﻟﻴﺪ ﺍﻟﺸﻌﻠﺔ ‏) ﺑﻴﻘﻮﻣﻮﺍ ﺑﺎﻟﻮﺍﺟﺐ . ..………… • ﻭ • ﺑﻜﺮﺓ ﺍﺧﺮ ﻳﻮﻡ ﻓﻲ ﺍﻟﺘﺴﺠﻴﻼﺕ . • ﺍﻥ ﺷﺎﺀﺍﻟﻠﻪ ﻣﺴﺎﻋﻲ ﺍﻟﻬﻼﻝ ﻛﻠﻬﺎ ﺗﻜﺘﻤﻞ . • ﻭﺍﻥ ﺷﺎﺀﺍﻟﻠﻪ ﻧﺎﺱ ﺍﻟﻤﺮﻳﺦ ﻳﻘﻌﺪﻭﺍ ﻳﻨﻈﺮﻭﺍ ﻛﺪﺍ ﻟﻲ ﺩﻳﺴﻤﺒﺮ . • ﻋﻨﺒﻜﺔ ﻣﺴﻜﻴﻦ . • ﺭﺍﺣﺖ ﻋﻠﻴﻜﻢ . • ﻛﻤﺎﻥ ﻗﺎﻟﻮﺍ ﻟﻴﻚ ﺍﻻﺑﻴﺾ ﻓﻴﻬﺎ ﺟﻨﺲ ﺧﺮﻳﻒ . • ﻏﺎﻳﺘﻮ ﺯﻱ ﺣﻘﺎﺭﺓ ﻏﺎﺭﺯﻳﺘﻮ ﺩﺍ ﺍﺻﻠﻮ ﻣﺎ ﺷﻔﺖ . • ﺍﻟﻠﻪ ﻳﺴﺘﺮ ﻋﻠﻰ ﻋﺒﺪﻩ ﺟﺎﺑﺮ . • ﺗﺮﺍﻭﺭﻱ ﻳﻌﻤﻞ ﺍﻱ ﺣﺎﺟﺔ ..ﻭﻳﻘﻌﺪ ﻓﻲ ﺍﻟﻜﺸﻒ . • ﺍﻟﺒﺎﺷﺎ ﻭﻳﻦ؟. • ﻻ ﺷﻄﻴﻮﻩ ﻻ ﺍﻋﺎﺭﻭﻩ. • ﺑﺲ ﻗﺎﻋﺪ ﻛﺪﺍ . • ..…… • ﺍﻟﺴﻴﺪﺓ ‏( ﻝ ‏) ﺧﻠﻴﻨﺎ ﻧﻔﺘﺮﻕ ﺑﻲ ﺍﺧﺘﻴﺎﺭﻧﺎ – ﻳﻤﻜﻦ ﺍﻟﻈﺮﻭﻑ ﺗﻘﺼﺪ ﺗﻌﺎﻧﺪﻧﺎ ﺗﻘﻮﻡ ﺗﺠﻤﻌﻨﺎ ﺗﺎﻧﻲ . • ﻭﻗﺮّﺽ ﻋﻠﻰ ﻛﺪﺍ