المصدر: ﻓﻲ ﺟﻤﺎﻋﺔ ﻟﻤﻦ ﺗﺼﻌّﺐ ﻟﻴﻬﻢ ﺍﻟﺤﻜﺎﻳﺔ ﺑﻴﻘﻮﻟﻮﺍ ﻟﻴﻚ : ‏( ﺑﻴﻨﺎﺗﻨﺎ ﺗﻠﻔﻮﻥ ‏) • ﺗﺼﺮﻳﺢ ﻏﺮﻳﺐ ﺻﺪﺭ ﻣﻦ ﺍﻻﻣﻴﻦ ﺍﻟﻌﺎﻡ ﻟﻤﺠﻠﺲ ﺍﺩﺍﺭﺓ ﻧﺎﺩﻱ ﺍﻟﻤﺮﻳﺦ .. ‏(ﺗﺼﺮﻳﺢ ﻋﺎﻃﻔﻲ ‏) ﻳﺜﺒﺖ ﺍﻥ ﺍﻻﻣﻴﻦ ﺍﻟﻌﺎﻡ ﻟﻤﺠﻠﺲ ﺍﺩﺍﺭﺓ ﻧﺎﺩﻱ ﺍﻟﻤﺮﻳﺦ ﻳﻐﺮﺩ ﺧﺎﺭﺝ ﺍﻟﺴﺮﺏ. • ﺗﺼﺮﻳﺢ ﻟﻮ ﺳﻤﻌﻮﺍ ﺑﻴﻪ ﻧﺎﺱ ‏(ﺍﻟﺘﺮﺟﻲ ‏) ﺑﻴﺪﻭﻛﻢ ﻋﺸﺮﺓ . • ﺍﺳﻜﺘﻮﺍ ﻋﻠﻰ ‏(ﺍﻟﺘﺼﺮﻳﺢ ‏) ﺩﺍ – ﻭﻣﺎ ﺗﺘﻄﻠﻌﻮﻩ ﺑﺮﺓ . • ﺍﻟﻜﻤﺪﺓ ﺑﻲ ﺍﻟﺮﻣﺪﺓ. • ﻟﻮ ﻧﺎﺱ ﺍﻟﺘﺮﺟﻲ ﺳﻤﻌﻮﺍ ﺑﺎﻻﺳﺘﻘﺎﻻﺕ ﺩﻱ … ﺩﺳﺘﺔ ﻣﺎ ﺑﺘﻤﺮﻗﻜﻢ ﻣﻨﻬﻢ . • ﻭ • ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏(ﺍﻟﻨﻔﺲ ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏) . • ﺑﺲ ﻣﺒﺎﺭﺍﺓ ﺍﻟﺘﺮﺟﻲ ﻗﺮﺑﺖ .!! • ﺍﻻﻣﻴﻦ ﺍﻟﻌﺎﻡ ﻟﻤﺠﻠﺲ ﺍﻟﻤﺮﻳﺦ ﺍﺛﺒﺖ ﺍﻥ ﺩﻭﺭﻩ ﻓﻲ ﻣﺠﻠﺲ ﺍﺩﺍﺭﺓ ﻧﺎﺩﻱ ﺍﻟﻤﺮﻳﺦ ﻓﻲ ﺣﺪﻭﺩ ‏( ﻓﺎﻋﻞ ﺧﻴﺮ ‏) . • ﺑﺲ ﺩﻱ ﻛﻞ ﻣﻬﻤﺘﻮ . • ﺍﻭ ﺍﻥ ﺍﻟﺬﻱ ﻳﻤﻜﻦ ﺍﻥ ﻳﺨﺮﺝ ﻣﻦ ﺍﻻﻣﻴﻦ ﺍﻟﻌﺎﻡ ﻟﻤﺠﻠﺲ ﺍﻟﻤﺮﻳﺦ ﻻ ﻳﺘﺠﺎﻭﺯ ﺣﺪﻭﺩ ‏(ﺑﻴﻨﺎﺗﻨﺎ ﺗﻠﻔﻮﻥ ‏) . • ﻓﻘﻂ ‏(ﺑﻴﻨﺎﺗﻨﺎ ﺗﻠﻔﻮﻥ ‏) . • ﻃﺒﻌﺎ ﻓﻲ ﻧﺎﺱ ﻭﻗﺖ ﺗﺼﻌّﺐ ﻟﻴﻬﻢ ﺍﻟﺤﻜﺎﻳﺔ ﺑﻴﻘﻮﻟﻮﺍ ﻟﻴﻚ ‏( ﺑﻴﻨﺎﺗﻨﺎ ﺗﻠﻔﻮﻥ ‏) . • ﻭﻳﻬﺮﺑﻮﺍ ﻟﻴﻚ ﻋﻠﻰ ﻛﺪﺍ . • ﺗﺎﻧﻲ ﻣﺎ ﺑﺘﻠﻢ ﻓﻴﻬﻢ . • ﻻ ﻓﻲ ﺍﻟﻮﺍﻗﻊ ﻭﻻ ﻓﻲ ﺍﻟﺘﻠﻔﻮﻥ. • ﻭ • ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏(ﺍﻟﻨﻔﺲ ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏) . • ﺑﺲ ﺍﻻﻭﺿﺎﻉ ﺻﻌﺒﺔ ﺷﻮﻳﺔ ﻓﻲ ﺍﻟﻤﺮﻳﺦ. • ﺣﺴﺐ ﻣﺎ ﺟﺎﺀ ﻓﻲ ﻣﻮﻗﻊ ﻧﺎﺩﻱ ﺍﻟﻤﺮﻳﺦ ﻭﺑﻌﺾ ﺍﻟﻤﻮﺍﻗﻊ ﺍﻻﺧﺮﻯ ﻓﺎﻥ ﺗﺼﺮﻳﺢ ﺍﻻﻣﻴﻦ ﺍﻟﻌﺎﻡ ﻟﻠﻤﺮﻳﺦ ﻛﺎﻥ ﻋﻠﻰ ﻫﺬﺍ ﺍﻟﻨﺤﻮ : ‏( ﺍﻭﺿﺢ ﺍﻻﻣﻴﻦ ﺍﻟﻌﺎﻡ ﻟﻨﺎﺩﻱ ﺍﻟﻤﺮﻳﺦ ﺍﻟﻔﺮﻳﻖ ﻃﺎﺭﻕ ﻋﺜﻤﺎﻥ ﺍﻟﻄﺎﻫﺮ ﻓﻰ ﺗﺼﺮﻳﺢ ﺧﺎﺹ ﻟﻠﻤﻮﻗﻊ ﺍﻟﺮﺳﻤﻲ ﺑﺎﻧﻪ ﺳﻮﻑ ﻳﻘﻮﻡ ﺑﺎﻟﺮﺩ ﻋﻠﻲ ﺧﻄﺎﺏ ﻣﻔﻮﺽ ﻫﻴﺌﺎﺕ ﺍﻟﺸﺒﺎﺏ ﻭﺍﻟﺮﻳﺎﺿﻴﺔ ﻟﻮﻻﻳﺔ ﺍﻟﺨﺮﻃﻮﻡ ﺣﺴﺐ ﻣﻮﺟﻬﺎﺕ ﺍﺟﺘﻤﺎﻉ ﻣﺠﻠﺲ ﺍﻻﺩﺍﺭﺓ . ﻣﻦ ﻧﺎﺣﻴﺔ ﺍﺧﺮﻱ ﻳﻨﺎﺷﺪ ﺍﻻﻣﻴﻦ ﺍﻟﻌﺎﻡ ﻛﻞ ﺍﻟﻤﺠﺘﻤﻊ ﺍﻟﻤﺮﻳﺨﻲ ﺑﺘﺮﻙ ﺍﻟﺤﺪﻳﺚ ﻋﻦ ﺍﺳﺘﻘﺎﻻﺕ ﺍﻟﻀﺒﺎﻁ ﺍﻷﺭﺑﻌﺔ ﻭﻣﺴﺎﻧﺪﺓ ﺍﻟﻤﺠﻠﺲ ﻟﻤﻮﺍﺟﻬﺔ ﺍﻻﺳﺘﺤﻘﺎﻗﺎﺕ ﺍﻟﻘﺎﺩﻣﺔ ﻭﺧﺼﻮﺻﺎ ﻣﺒﺎﺭﺍﺓ ﺍﻻﻳﺎﺏ ﺍﻣﺎﻡ ﺍﻟﺘﺮﺟﻲ ﺍﻟﺘﻮﻧﺴﻲ ﻭﻫﻲ ﻣﺒﺎﺭﺍﺓ ﻫﺎﻣﺔ ﺗﺤﺘﺎﺝ ﻟﺘﺮﻛﻴﺰ ﺧﺎﺹ ‏) . • ﺑﺎﻟﻠﻪ ﺷﻮﻓﻮﺍ ﺍﻟﺰﻭﻝ ﺩﺍ ﻃﻴﺐ ﻛﻴﻒ؟ . • ﺩﻱ ﻃﻴﺒﺔ ﻣﺒﺎﻟﻎ ﻓﻴﻬﺎ . • ﺍﺻﻠﻮ ﺯﻱ ﺩﻱ ﻧﺤﻦ ﻣﺎ ﺷﻔﻨﺎ . • ﻭﻻ ﺳﻤﻌﻨﺎ . • ﺍﻟﺰﻭﻝ ﺩﺍ ﺑﻴﻨﺎﺷﺪ ﺍﻟﻤﺠﺘﻤﻊ ﺍﻟﻤﺮﻳﺨﻲ ﺑﺘﺮﻙ ﺍﻟﺤﺪﻳﺚ ﻋﻦ ﺍﺳﺘﻘﺎﻻﺕ ﺍﻟﻀﺒﺎﻁ ﺍﻻﺭﺑﻌﺔ . • ﻃﻴﺒﺔ ﻓﺎﻳﺘﺔ ﺍﻟﺤﺪ. • ﺍﻟﺤﻤﺪﻟﻠﻪ ﻣﺎ ﻃﺎﻟﺒﻨﺎ ﻧﺤﻦ ﻛﻤﺎﻥ ﺑﻌﺪﻡ ﺍﻟﺘﺤﺪﻳﺚ ﻋﻦ ﻫﺬﻩ ﺍﻻﺳﺘﻘﺎﻻﺕ . • ﻭﻻ ﻣﺸﻰ ﻟﻤﺠﻠﺲ ﺍﻟﺼﺤﺎﻓﺔ ﻭﺍﻟﻤﻄﺒﻮﻋﺎﺕ ﻋﺸﺎﻥ ﺍﻋﻼﻡ ﺍﻟﻬﻼﻝ ﻣﺎ ﻳﺘﺤﺪﺙ ﻋﻦ ﻫﺬﻩ ﺍﻻﺳﺘﻘﺎﻻﺕ. • ﺑﺎﻟﻠﻪ ﺷﻮﻑ . • ﺍﻟﻜﻼﻡ ﺩﺍ ﻟﻮ ﻃﻠﻊ ﻣﻦ ﻣﺘﻮﻛﻞ ﺃﺣﻤﺪ ﻋﻠﻲ ﻛﺎﻥ ﺑﻜﻮﻥ ﻣﻘﺒﻮﻝ ﺷﻮﻳﺔ . • ﻟﻜﻦ ﻳﻄﻠﻊ ﻣﻦ ﺳﻌﺎﺩﺗﻮ .!! • ﺍﻧﺘﻮﺍ ﻭﻗﺖ ﻣﺎ ﻋﺎﻭﺯﻳﻦ ﺯﻭﻝ ﻳﺘﻜﻠﻢ ﻋﻦ ‏( ﺍﻻﺳﺘﻘﺎﻻﺕ ‏) ﺑﺘﻘﺪﻣﻮﻫﺎ ﻟﻴﻬﺎ؟ . • ﻓﻲ ﺯﻭﻝ ﺿﺮﺑﻜﻢ ﻓﻲ ﺍﻳﺪﻛﻢ . • ﺍﻟﻔﺮﻳﻖ ﻃﺎﺭﻕ ﺿﺎﺑﻂ ﻣﻦ ﺍﻟﻀﺒﺎﻁ ﺍﻻﺭﺑﻌﺔ ﻟﻤﺠﻠﺲ ﺍﻟﻤﺮﻳﺦ .. ﻳﻌﻨﻲ ﻗﺪﻡ ﺍﺳﺘﻘﺎﻟﺘﻪ ﺑﻨﻔﺴﻪ ..ﻭﻋﺎﻭﺯ ﻣﺠﺘﻤﻊ ﺍﻟﻤﺮﻳﺦ ‏( ﻳﺴﻜﺖ ﺳﺎﻱ ‏) ﻭﻣﺎ ﻳﺘﻜﻠﻢ ﻋﻦ ﺍﻻﺳﺘﻘﺎﻻﺕ . • ﻇﺮﻳﻔﺔ ﺩﻱ . • ﺍﻻﻏﺮﺏ ﻣﻦ ﻫﺬﺍ ﺍﻥ ﺍﻻﻣﻴﻦ ﺍﻟﻌﺎﻡ ﻟﻤﺠﻠﺲ ﺍﻟﻤﺮﻳﺦ ﺑﻌﺪ ﻫﺬﻩ ﺍﻻﺳﺘﻘﺎﻻﺕ ﻃﺎﻟﺐ ﻣﺠﺘﻤﻊ ﺍﻟﻤﺮﻳﺦ ﺑﻤﺴﺎﻧﺪﺓ ﺍﻟﻤﺠﻠﺲ ﻟﻤﻮﺍﺟﻬﺔ ﺍﻻﺳﺘﺤﻘﺎﻗﺎﺕ ﺍﻟﻘﺎﺩﻣﺔ ﺧﺼﻮﺻﺎ ﺍﻥ ﺍﻟﻤﺮﻳﺦ ﻋﻨﺪﻩ ﻣﺒﺎﺭﺍﺓ ﺍﻻﻳﺎﺏ ﺍﻣﺎﻡ ﺍﻟﺘﺮﺟﻲ ﺍﻟﺘﻮﻧﺴﻲ . • ﺷﻮﻓﻮﺍ ﺍﻟﺰﻭﻝ . • ﻫﻮ ﻭﻳﻨﻮ ﺍﻟﻤﺠﻠﺲ ﻋﺸﺎﻥ ﻳﺴﺎﻧﺪﻭﻩ؟ . • ﻣﺠﻠﺲ ﺿﺒﺎﻃﻪ ﺍﻻﺭﺑﻌﺔ ﺍﺳﺘﻘﺎﻟﻮﺍ .. ﻭﺑﻄﺎﻟﺐ ﻣﺠﺘﻤﻊ ﺍﻟﻤﺮﻳﺦ ﺑﻤﺴﺎﻧﺪﺗﻪ. • ﻳﺎ ﺟﻤﺎﻋﺔ ﺍﻟﻠﻪ .. ﺍﻟﻜﻼﻡ ﺩﺍ ﻭﻗﻊ ﻟﻴﻜﻢ. • ﺍﻧﺎ ﺧﻠﻮﻧﻲ. • ﺍﻧﺘﻮﺍ ﺍﻗﺘﻨﻌﺘﻮﺍ ﺑﺎﻟﻜﻼﻡ ﺩﺍ . • ﻗﺪﻣﻮﺍ ﺍﺳﺘﻘﺎﻻﺗﻬﻢ ..ﻭﻃﺎﻟﺒﻮﺍ ﺑﺎﻟﻤﺴﺎﻧﺪﺓ . • ﺍﻟﻤﺴﺎﻧﺪﺓ ﻋﺸﺎﻥ ﺷﻨﻮ؟ . • ﻋﺸﺎﻥ ﺍﻟﻤﺮﻳﺦ ﻋﻨﺪﻭ ﻣﻮﺍﺟﻬﺔ ﺻﻌﺒﺔ ﺍﻣﺎﻡ ﺍﻟﺘﺮﺟﻲ . • ﻳﻌﻨﻲ ﻋﺎﺭﻓﻴﻦ ﻣﺒﺎﺭﺍﺓ ‏( ﺍﻟﺘﺮﺟﻲ ‏) . • ﻋﺎﺩﻝ ﺃﺑﻮﺟﺮﻳﺸﺔ ﻛﺎﻥ ﻗﺪ ﺣﻤَّﻞ ﻣﺴﺆﻭﻟﻴﺔ ﺃﻳﺔ ﻧﺘﻴﺠﺔ ﺳﻠﺒﻴﺔ ﻓﻲ ﻣﺒﺎﺭﺍﺓ ﺍﻟﺘﺮﺟﻲ ﻟﻠﻀﺒﺎﻁ ﺍﻷﺭﺑﻌﺔ ﻓﻲ ﺗﺼﺮﻳﺤﺎﺕ ﺭﺳﻤﻴﺔ ﻧﺸﺮﺕ ﻟﻪ . • ﺍﻧﺘﻮﺍ ﺍﻟﺴﺒﺐ . • ﻣﻊ ﺫﻟﻚ ﺑﺘﻘﺪﻣﻮﺍ ﺍﺳﺘﻘﺎﻻﺗﻜﻢ ﻓﻲ ﻫﺬﺍ ﺍﻟﺘﻮﻗﻴﺖ .. ﻭﺗﻘﻮﻟﻮﺍ ﺍﻟﻔﺮﻳﻖ ﻋﻨﺪﻭ ﻣﻮﺍﺟﻬﺔ ﻣﺼﻴﺮﻳﺔ . • ﻫﻞ ﻳﻮﺟﺪ ﻓﻲ ﺍﻟﺪﻳﻨﺎ ﻣﺠﻠﺲ ﺍﺿﻌﻒ ﻣﻦ ﻫﺬﺍ ﺍﻟﻤﺠﻠﺲ . • ﻫﺬﺍ ﺍﻟﻤﺠﻠﺲ ﺍﻟﺬﻱ ﻳﻄﺎﻟﺐ ﺑﺎﻟﻤﺴﺎﻧﺪﺓ ﺭﻏﻢ ﺗﻘﺪﻳﻢ ﺍﻻﺳﺘﻘﺎﻻﺕ – ﺍﺳﺘﻤﺮﺍﺭﻩ ﺳﻮﻑ ﻳﻜﻮﻥ ‏(ﻛﺎﺭﺛﺔ ‏). • ﻳﺴﺘﻘﻴﻠﻮﺍ ﻭﻳﻄﺎﻟﺒﻮﺍ ﺑﺎﻟﺪﻋﻢ . • ﺍﻏﺮﺏ ﺣﺎﺟﺔ . • ﻭ • ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏(ﺍﻟﻨﻔﺲ ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏) . • ﺑﺲ ﻧﺤﻦ ﻟﻮ ﻋﺎﺭﻓﻴﻦ ‏( ﺍﻟﺘﺮﺟﻲ ‏) ﺩﺍ ﺑﻌﻤﻞ ﻓﻴﻜﻢ ﻛﺪﺍ ﻛﺎﻥ ﺣﻮﻟﻨﺎ ﻟﻴﻜﻢ ‏( ﺳﺎﻧﻐﺎ ‏). • ﺳﺎﻧﻐﺎ ﺣﻨﻴﻦ . • ﻗﺮﻳﺐ ﻣﻦ ﻫﺬﺍ ﺧﺮﺟﺖ ﺗﺼﺮﻳﺤﺎﺕ ﻣﻦ ﺍﻟﻤﺪﻳﺮ ﺍﻟﻔﻨﻲ ﻟﻠﻤﺮﻳﺦ ﻧﺸﺮﺕ ﻓﻲ ﺻﺤﻴﻔﺔ ‏( ﺍﻟﺰﻋﻴﻢ ‏) . • ﻋﺎﺭﻓﻴﻦ ﻏﺎﺭﺯﻳﺘﻮ ﻗﺎﻝ ﺷﻨﻮ؟ . • ﻓﻲ ﺻﺤﻴﻔﺔ ﺍﻟﺰﻋﻴﻢ ﻧﺸﺮ ‏(ﺍﻛﺪ ﻣﺪﺭﺏ ﺍﻟﻤﺮﻳﺦ ﺩﻳﻴﻐﻮ ﻏﺎﺭﺯﻳﺘﻮ ﺍﻧﻪ ﺟﻠﺲ ﻣﻊ ﺭﺋﻴﺲ ﻧﺎﺩﻱ ﺍﻟﻤﺮﻳﺦ ﺍﻟﺴﻴﺪ ﺟﻤﺎﻝ ﺍﻟﻮﺍﻟﻲ ﻭﺍﻃﻠﻌﻪ ﻋﻠﻰ ﻛﺎﻓﺔ ﺍﻟﺘﻔﺎﺻﻴﻞ ﺍﻟﺘﻲ ﺗﺘﻌﻠﻖ ﺑﺎﺳﺘﻘﺎﻟﺘﻪ ﻭﺍﺿﺎﻑ ﺍﻟﻮﺍﻟﻲ ﻗﺎﻝ ﻟﻲ : ﺍﻧﻪ ﻟﻦ ﻳﺘﻮﻗﻒ ﻋﻦ ﺩﻋﻤﻨﺎ ﻣﺎﻟﻴﺎ ﻭ ﺳﻴﻘﻮﻡ ﺑﺤﻞ ﻛﺎﻓﺔ ﺍﻟﻤﺸﺎﻛﻞ ﻭﻣﺮﺗﺒﺎﺕ ﺍﻟﻼﻋﺒﻴﻦ ﻭ ﺍﻥ ﺗﺮﻛﻴﺰﻫﻢ ﻣﻨﺼﺐ ﻓﻲ ﺍﻋﺪﺍﺩ ﺍﻟﻼﻋﺒﻴﻦ ﻟﻤﺒﺎﺭﺍﺓ ﺗﻮﻧﺲ ﻭﺳﻨﻌﻮﺩ ﺑﺒﻄﺎﻗﺔ ﺍﻟﺘﺮﺷﺢ ﻟﻠﻤﺠﻤﻮﻋﺎﺕ ﺍﻟﺘﻲ ﺗﺠﺒﺮ ﺍﻟﻮﺍﻟﻲ ﻋﻠﻰ ﺳﺤﺐ ﺍﺳﺘﻘﺎﻟﺘﻪ ‏) . • ﻏﺎﺭﺯﻳﺘﻮ ﻓﻜﺖ ﻣﻨﻮ؟ . • ﺍﻟﻜﺒﺮ ﺣﺼﻞ . • ﺍﻟﻨﺎﺱ ﻓﻲ ﺷﻨﻮ ﻭﻫﻮ ﻓﻲ ﺷﻨﻮ؟ . • ﺍﻟﺰﻭﻝ ﺩﺍ ﻫﻤﻮ ﻓﻲ ﺍﻟﻤﺮﺗﺒﺎﺕ . • ﻏﺎﺭﺯﻳﺘﻮ ﺑﺘﺤﺪﺙ ﻋﻦ ﺍﻣﺮ ﻓﻨﻲ ﻭﺑﻘﻮﻝ ﺍﻥ ﺍﻟﻮﺍﻟﻲ ﺍﻃﻠﻌﻪ ﻋﻠﻰ ﻛﺎﻓﺔ ﺍﻟﺘﻔﺎﺻﻴﻞ ﺍﻟﺘﻰ ﺗﺘﻌﻠﻖ ﺑﺎﺳﺘﻘﺎﻟﺘﻪ . • ﺍﻟﻤﻮﺿﻮﻉ ﺩﺧﻞ ﺍﻟﺤﻮﺵ . • ﻏﺎﺭﺯﻳﺘﻮ ﺫﺍﺗﻮ ﺧﺎﻳﻒ . • ﺍﺗﺠﻬﺠﻪ .. ﻋﺎﺭﻑ ﻟﻴﻚ ﻧﺎﺱ ﻣﺘﻮﻛﻞ ﺃﺣﻤﺪ ﻋﻠﻲ ﺩﻳﻞ ﻣﺎ ﻋﻠﻴﻬﻢ ﺗﻜﻞ .. ﻻ ﺑﺪﻓﻌﻮﺍ ﻭﻻ ﺣﺎﺟﺔ . • ﻭﻻ ﻋﻨﺪﻫﻢ ﻗﺮﻭﺵ. • ﻏﺎﺭﺯﻳﺘﻮ ﺍﻟﺸﺎﻓﻮ ﻓﻲ ‏(ﺍﻟﻔﻴﻔﺎ ‏) ﻣﺎ ﻛﻀﺐ . • ﺍﺻﻠﻮ ﻣﺘﻌﻮﺩ . • ﺍﻻﻏﺮﺏ ﻣﻦ ﻛﻞ ﻫﺬﺍ ﺍﻥ ‏(ﻏﺎﺭﺯﻳﺘﻮ ‏) ﻗﺎﻝ ﺳﻮﻑ ﻧﺄﺗﻲ ﺑﺒﻄﺎﻗﺔ ﺍﻟﺘﺄﻫﻞ ﻟﻤﺮﺣﻠﺔ ﺍﻟﻤﺠﻤﻮﻋﺎﺕ ﻋﺸﺎﻥ ﻳﺠﺒﺮ ﺟﻤﺎﻝ ﺍﻟﻮﺍﻟﻲ ﻋﻠﻰ ﺳﺤﺐ ﺍﻻﺳﺘﻘﺎﻟﺔ. • ﺩﺍ ﻛﻼﻡ ﻳﺎ ﺟﻤﺎﻋﺔ . • ﻛﻼﻡ ﻏﺎﺭﺯﻳﺘﻮ ﺩﺍ ‏( ﺑﺮﻫﺎﻥ ﺗﻴﺔ ‏) ﻣﺎ ﺑﻘﻮﻟﻮﻩ . • ﺑﺮﻫﺎﻥ ﺷﻨﻮ؟. • ﺍﻟﻜﻼﻡ ﺩﺍ ﻓﻲ ﺣﻖ ‏( ﻣﺤﺴﻦ ﺳﻴﺪ ‏) ﻣﺎ ﺟﻤﻴﻞ . • ﻫﻞ ﺳﻮﻑ ﻳﺬﻫﺐ ﻏﺎﺭﺯﻳﺘﻮ ﺍﻟﻰ ﺗﻮﻧﺲ ﻭﻳﻠﻌﺐ ﻫﻨﺎﻙ ﻓﻘﻂ ﻣﻦ ﺍﺟﻞ ﺍﻥ ﻳﺴﺤﺐ ﺟﻤﺎﻝ ﺍﻟﻮﺍﻟﻲ ﺍﺳﺘﻘﺎﻟﺘﻪ . • ﻳﺎ ﺣﻠﻴﻞ ﺍﻟﻤﺮﻳﺦ .!! • ﻳﻌﻨﻲ ﻣﺎ ﻋﺸﺎﻥ ﻳﺘﺄﻫﻠﻮﺍ ﻟﻤﺮﺣﻠﺔ ﺍﻟﻤﺠﻤﻮﻋﺎﺕ . • ﺍﺑﺪﺍ . • ﺳﻮﻑ ﻳﻘﺼﻮﺍ ﺍﻟﺘﺮﺟﻲ ﻋﺸﺎﻥ ﺟﻤﺎﻝ ﺍﻟﻮﺍﻟﻲ ﻳﺴﺤﺐ ﺍﺳﺘﻘﺎﻟﺘﻪ. • ﻧﺎﺱ ‏(ﺑﻜﺮﻱ ﺍﻟﻤﺪﻳﻨﺔ ‏) ﻋﺎﺭﻓﻴﻦ ﺍﻟﻜﻼﻡ ﺩﺍ . • ﻧﺎﺱ ‏(ﺿﻔﺮ ‏) ﺳﻤﻌﻮﺍ ﺑﺎﻟﻤﻮﺿﻮﻉ ﺩﺍ . • ﻏﺎﻳﺘﻮ ﺑﻜﺮﻱ ﺍﻟﻤﺪﻳﻨﺔ ﺩﻱ ﻓﺮﺗﻜﻢ ﻓﺮﺗﻜﺔ ﺷﺪﻳﺪﺓ. • ﺍﺳﺘﻘﺎﻟﺔ ﺍﻟﻀﺒﺎﻁ ﺍﻻﺭﺑﻌﺔ ﺍﻭ ﺍﺳﺘﻘﺎﻟﺔ ‏(ﺟﻤﺎﻝ ﺍﻟﻮﺍﻟﻲ ‏) ..ﻷﻥ ﻧﺎﺱ ﻃﺎﺭﻕ ﻭﻋﺒﺪﺍﻟﺼﻤﺪ ﻭﺍﺩﺭﻭﺏ ﻣﺎ ﻓﺎﺭﻗﻴﻦ ﻛﺘﻴﺮ .. ﺍﺳﺘﻘﺎﻟﺔ ‏(ﺟﻤﺎﻝ ﺍﻟﻮﺍﻟﻲ ‏) ﻛﺸﻔﺖ ﺍﻥ ﺍﻻﻭﺿﺎﻉ ﺩﺍﺧﻞ ﻣﺠﻠﺲ ﺍﻟﻤﺮﻳﺦ ﻣﻠﺘﻬﺒﺔ . • ﻭﺍﻥ ﺍﻟﻌﻼﻗﺎﺕ ﺑﻴﻦ ﺍﻋﻀﺎﺀ ﺍﻟﻤﺠﻠﺲ ﻣﺘﻮﺗﺮﺓ .. ﺍﺫ ﻻ ﻧﺴﺘﺒﻌﺪ ﺍﻥ ﺗﻜﻮﻥ ﺍﺳﺘﻘﺎﻟﺔ ﺟﻤﺎﻝ ﺍﻟﻮﺍﻟﻲ ﻓﻘﻂ ﻣﻦ ﺍﺟﻞ ﺍﺑﻌﺎﺩ ﺑﻌﺾ ﺍﻟﻌﻨﺎﺻﺮ ﻏﻴﺮ ﺍﻟﻤﺮﻏﻮﺏ ﻣﻨﻪ ﻓﻲ ﻣﺠﻠﺴﻪ . • ﻭﻛﻤﺎ ﻓﻌﻞ ﺟﻤﺎﻝ ﺍﻟﻮﺍﻟﻲ ﻣﻊ ﺍﻟﻔﺮﻳﻖ ﻋﺒﺪﺍﻟﻠﻪ ﺣﺴﻦ ﻋﻴﺴﻲ ﻭﻋﺼﺎﻡ ﺍﻟﺤﺎﺝ ﻋﻨﺪﻣﺎ ﺍﺳﺘﻘﺎﻝ ﻻﺣﺮﺍﺟﻬﻤﺎ ﻭﺍﺑﻌﺎﺩﻫﻤﺎ ﻟﻴﻌﻮﺩ ﺑﻌﺪ ﺫﻟﻚ ﻋﺒﺮ ﻟﺠﻨﺔ ﺗﺴﻴﻴﺮ ..ﺭﺑﻤﺎ ﻳﺮﻳﺪ ﺍﻥ ﻳﻔﻌﻞ ﺍﻵﻥ ﻣﻊ ﺍﻟﻔﺮﻳﻖ ﻃﺎﺭﻕ ﻭﺍﺩﺭﻭﺏ . • ﺍﺩﺭﻭﺏ ﺧﺎﺻﺔ . • ﺍﻧﻈﺮﻭﺍ ﻟﻬﺬﻩ ﺍﻟﺘﺼﺮﻳﺤﺎﺕ ﺍﻟﺘﻰ ﻧﺸﺮﺕ ﻓﻲ ﺻﺤﻴﻔﺔ ‏( ﺍﻟﺼﺪﻱ ‏) ﺃﻣﺲ : ‏( ﺣﻤﻞ ﺍﻟﻔﺮﻳﻖ ﻓﺎﺭﻭﻕ ﺍﻣﻴﻦ ﻋﺎﻡ ﻣﺠﻠﺲ ﺍﻟﺸﻮﺭﻱ ﺍﺳﺘﻘﺎﻟﺔ ﺍﻟﻮﺍﻟﻲ ﻻﻣﻴﻦ ﺧﺰﻳﻨﺔ ﺍﻟﻤﺮﻳﺦ ﺍﺩﺭﻭﺏ ﻭﻗﺎﻝ ﺍﻥ ﺍﻟﻮﻟﻲ ﺭﻓﺾ ﻛﻞ ﺍﻟﺮﺟﺎﺀﺍﺕ ﻭﻛﺬﻟﻚ ﻋﺒﺪ ﺍﻟﺼﻤﺪ ﻭﻧﺴﻌﻲ ﻟﻤﺠﻠﺲ ﻳﺘﺤﻤﻞ ﺍﻟﻤﺴﺌﻮﻟﻴﺔ ﻓﻲ ﺍﻟﻔﺘﺮﺓ ﺍﻟﻤﻘﺒﻠﺔ ﻭﻧﺎﺷﺪ ﺍﻫﻞ ﺍﻟﻤﺮﻳﺦ ﺑﺎﻟﺘﻜﺎﺗﻒ ﻣﻦ ﺍﺟﻞ ﺍﻟﻤﺮﻳﺦ ﻭﻗﺎﻝ ﺍﻥ ﺍﻟﻤﺮﻳﺦ ﻳﻤﺮ ﺑﻔﺘﺮﺓ ﺻﻌﺒﺔ ﺗﺤﺘﺎﺝ ﻟﺘﻜﺎﺗﻒ ﺟﻤﺎﻫﻴﺮﻩ ‏). • ﺍﺩﺭﻭﺏ ﺫﻧﺒﻮ ﺷﻨﻮ؟ . • ﺍﺩﺭﻭﺏ ﻋﺸﺎﻥ ﻗﺎﻝ ﺩﺍ ﻣﺎ ﻭﻗﺖ ﺍﺳﺘﻘﺎﻻﺕ . • ﻧﺎﺱ ﺍﻟﻤﺮﻳﺦ ﻛﻞ ﻣﺮﺓ ﻳﺸﻮﻓﻮﺍ ﻟﻴﻬﻢ ‏(ﺿﺤﻴﺔ ‏) ﻋﺸﺎﻥ ﻳﺤﻤﻠﻮﻩ ﺍﺳﺒﺎﺏ ﺍﺳﺘﻘﺎﻟﺔ ﺟﻤﺎﻝ ﺍﻟﻮﺍﻟﻲ . • ﺍﻟﻔﺮﻳﻖ ﻓﺎﺭﻭﻕ ﺍﻣﻴﻦ ﻋﺎﻡ ﻣﺠﻠﺲ ﺍﻟﺸﻮﺭﻱ .. ﻛﺸﻒ ﺍﻻﻭﺭﺍﻕ ﻭﺍﻭﺿﺢ ﺍﻥ ﺍﻟﺴﺒﺐ ﺍﻣﻴﻦ ﺧﺰﻳﻨﺔ ﺍﻟﻤﺮﻳﺦ ‏(ﺍﺩﺭﻭﺏ ‏) . • ﻭﻫﺬﺍ ﻳﺜﺒﺖ ﺍﻟﺨﻼﻓﺎﺕ ﻭﺍﻟﺼﺮﺍﻋﺎﺕ ﺩﺍﺧﻞ ﻣﺠﻠﺲ ﺍﻟﻤﺮﻳﺦ . • ﺑﺮﺍﻛﻢ ﺑﺘﻜﺸﻔﻮﺍ ﺍﻻﻭﺭﺍﻕ. • ﺍﻟﺘﺮﺟﻲ ﻣﺎ ﻳﺴﻤﻊ ﺑﺎﻟﻜﻼﻡ ﺩﺍ . • ﺍﻟﻜﻼﻡ ﺩﺍ ﻟﻮ ﺳﻤﻌﻮﺍ ﺑﻴﻪ ﻧﺎﺱ ‏( ﺍﻟﻤﻴﺮﻏﻨﻲ ‏) ﺍﻟﻠﻴﻠﺔ ﺍﻥ ﺷﺎﺀﺍﻟﻠﻪ ﻣﺎ ﺑﺘﻤﺮﻗﻮﺍ ﻣﻨﻬﻢ . • ﺟﻤﺎﻝ ﺍﻟﻮﺍﻟﻲ ﺧﻼﺹ ﻭﺍﺿﺢ ﺍﻧﻪ ﻗﻨﻊ ﻣﻦ ﻫﺬﻩ ﺍﻟﻤﺠﻤﻮﻋﺔ ﺍﻟﺘﻰ ﻳﻌﻤﻞ ﻣﻌﻬﺎ . • ﻭﻭﺍﺿﺢ ﺍﻳﻀﺎ ﺍﻥ ﺍﻟﻤﺠﻤﻮﻋﺔ ﺍﻟﺘﻰ ﺗﻌﻤﻞ ﻣﻌﻪ ﺍﻳﻀﺎ ﻗﻨﻌﺖ ﻣﻨﻪ . • ﻭ • ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏(ﺍﻟﻨﻔﺲ ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏) . • ﺑﺲ ﺣﺮﻛﺎﺗﻜﻢ ﺩﻱ ﺍﻭﻋﻜﻢ ﺗﻌﻤﻠﻮﻫﺎ ﻓﻲ ‏( ﺭﺍﺩﺱ ‏) . • ﺍﻧﻈﺮﻭﺍ ﺍﻟﻰ ﻫﺬﺍ ﺍﻟﺨﺒﺮ : ‏( ﻋﻘﺪ ﻣﺠﻠﺲ ﺍﺩﺍﺭﺓ ﻧﺎﺩﻱ ﺍﻟﻤﺮﻳﺦ ﺍﺟﺘﻤﺎﻋﺎ ﺭﻗﻢ 16 ﺑﺮﺋﺎﺳﺔ ﺍﻟﺴﻴﺪ ﻋﺒﺪﺍﻟﺼﻤﺪ ﻣﺤﻤﺪ ﻋﺜﻤﺎﻥ ﻧﺎﺋﺐ ﺭﺋﻴﺲ ﻣﺠﻠﺲ ﺍﻻﺩﺍﺭﺓ ﻣﺴﺎﺀ ﺍﻟﺴﺒﺖ -25 ﺍﺑﺮﻳﻞ ﺑﻔﻨﺪﻕ ﻛﻮﻧﻔﻮﺭﺕ ﺑﺤﻀﻮﺭ ﺍﻻﻣﻴﻦ ﺍﻟﻌﺎﻡ ﺍﻟﻔﺮﻳﻖ ﺩ . ﻃﺎﺭﻕ ﻋﺜﻤﺎﻥ ﺍﻟﻄﺎﻫﺮ . – ﺍﺳﺘﻜﻤﻞ ﺍﻟﻤﺠﻠﺲ ﺗﺸﻜﻴﻞ ﺑﻌﺜﺔ ﺍﻟﻤﺮﻳﺦ ﻟﻤﺪﻳﻨﺔ ﻛﺴﻼ ﺍﻟﺘﻰ ﺳﻮﻑ ﺗﻜﻮﻥ ﺑﺮﺋﺎﺳﺔ ﺍﻣﻴﻦ ﺍﻟﻤﺎﻝ ﺍﻟﺴﻴﺪ ﻋﺜﻤﺎﻥ ﺍﺑﺮﺍﻫﻴﻢ ﺃﺩﻭﺭﺏ ﻭﻧﺎﺋﺐ ﺍﻻﻣﻴﻦ ﺍﻟﻌﺎﻡ ﻣﺘﻮﻛﻞ ﺍﺣﻤﺪ ﻋﻠﻲ ﻭ ﺍﻟﻤﻬﻨﺪﺱ ﻋﺒﺪﺍﻟﺮﺣﻤﻦ ﺃﺑﺮﺍﻫﻴﻢ ﻭﺍﻟﺴﻴﺪ ﺣﻤﺪ ﺍﻟﺴﻴﺪ ﻣﻀﻮﻱ . ﻭﺳﻮﻑ ﺗﻐﺎﺩﺭ ﺍﻟﺒﻌﺜﺔ ﺻﺒﺎﺡ ﺍﻻﺣﺪ ﻟﻤﺪﻳﻨﺔ ﻛﺴﻼ ﺑﻄﺎﺋﺮﺓ ﺧﺎﺻﺔ ﻭﺗﻌﻮﺩ ﻓﻰ ﻧﻔﺲ ﺍﻟﻴﻮﻡ – ﺗﻜﻠﻴﻒ ﺍﻟﺴﻴﺪ ﺣﺎﺗﻢ ﻋﺒﺪﺍﻟﻐﻔﺎﺭ ﻭﺍﻟﺴﻴﺪ ﺻﺪﻳﻖ ﻋﻠﻲ ﺻﺎﻟﺢ ﺑﻤﻬﻤﺔ ﻭﻓﺪ ﺍﻟﻤﻘﺪﻣﺔ ﻟﺘﻮﻧﺲ ﻭﺍﻟﺬﻳﻦ ﺳﻴﻐﺎﺩﺭﺍﻥ ﺍﻟﻴﻬﺎ ﻓﺠﺮ ﺍﻻﺣﺪ -26 ﺍﺑﺮﻳﻞ ﺣﻴﺚ ﻳﺆﺩﻱ ﺍﻟﻔﺮﻳﻖ ﻣﺒﺎﺭﺍﺓ ﺍﻻﻳﺎﺏ ﺍﻣﺎﻡ ﺍﻟﺘﺮﺟﻲ ﻳﻮﻡ -3 ﻣﺎﻳﻮ ﺍﻟﻘﺎﺩﻡ , ﻓﻴﻤﺎ ﺗﻐﺎﺩﺭ ﺍﻟﺒﻌﺜﺔ ﻓﺠﺮ ﺍﻟﺜﻼﺛﺎﺀ -28 ﺍﺑﺮﻳﻞ ﺑﺮﺋﺎﺳﺔ ﺍﻟﻤﻬﻨﺪﺱ ﺣﻤﺪ ﺍﻟﺮﻳﺢ ﺳﻨﻬﻮﺭﻱ ﻭﺍﻟﻤﻬﻨﺪﺱ ﻋﺒﺪﺍﻟﻘﺎﺩﺭ ﻫﻤﺪ . ﻭﻷﻫﻤﻴﺔ ﺍﻟﻤﺒﺎﺭﺍﺓ ﺳﻮﻑ ﻳﺤﻀﺮﻫﺎ ﺍﻟﺴﻴﺪ ﺭﺋﻴﺲ ﻣﺠﻠﺲ ﺍﻻﺩﺍﺭﺓ ﺟﻤﺎﻝ ﺍﻟﻮﺍﻟﻲ ﻭﺍﻟﺴﻴﺪ ﻧﺎﺋﺐ ﺭﺋﻴﺲ ﻣﺠﻠﺲ ﺍﻻﺩﺍﺭﺓ ﻋﺒﺪﺍﻟﺼﻤﺪ ﻣﺤﻤﺪ ﻋﺜﻤﺎﻥ ‏) . • ﺧﻼﺹ ﺩﻳﻞ ﺑﻘﻮﺍ ﻳﻔﻜﺮﻭﺍ ﻣﻦ ﻏﻴﺮ ﺟﻤﺎﻝ ﺍﻟﻮﺍﻟﻲ . • ﺑﻘﻮﺍ ﻳﻔﻜﺮﻭﺍ ﺑﺮﺍﻫﻢ. • ﻭﺑﻘﻮﺍ ﻳﻘﺮﺭﻭﺍ ﻛﻤﺎﻥ . • ﺍﻻﺟﺘﻤﺎﻉ ﺩﺍ ﺍﻓﻀﻞ ﻋﻨﻮﺍﻥ ﻟﻴﻪ .. ‏(ﺟﻤﺎﻝ ﺍﻟﻮﺍﻟﻲ ﻣﺎ ﻓﺎﺭﻕ ﻣﻌﺎﻧﺎ ‏) . • ﺍﻟﻤﻼﺣﻆ ﺍﻥ ‏(ﺍﺩﺭﻭﺏ ‏) ﻳﺘﺼﺪﺭ ﺍﻟﻤﻮﻗﻒ ﻓﻲ ﺍﻟﻤﺠﻠﺲ ﺍﻻﻥ .. ﻭﻫﺬﺍ ﻳﻌﻨﻲ ﺍﻥ ﻣﺤﺎﻭﻟﺔ ﺟﻤﺎﻝ ﺍﻟﻮﺍﻟﻲ ﻟﻼﻧﻘﻼﺏ ﻋﻠﻰ ﻣﺠﻠﺴﻪ ﻛﻤﺎ ﻓﻌﻞ ﻣﻊ ﻋﺼﺎﻡ ﺍﻟﺤﺎﺝ ﻭﺍﻟﻔﺮﻳﻖ ﻋﺒﺪﺍﻟﻠﻪ ﺣﺴﻦ ﻋﻴﺴﻲ ﻣﺎ ﻧﺠﺤﺖ ﻫﺬﻩ ﺍﻟﻤﺮﺓ. • ﻭ • ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏(ﺍﻟﻨﻔﺲ ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏) . • ﺑﺲ ‏( ﺍﻟﺴﺨﺎﻧﺔ ‏) ﻛﺘﻠﺘﻨﺎ . ……… • ﻭ • ﺍﻟﻠﻴﻠﺔ ﻧﺎﺱ ﺍﻟﻤﺮﻳﺦ ﻣﺎ ﺑﻤﺮﻗﻮﺍ ﺍﻥ ﺷﺎﺀﺍﻟﻠﻪ ﻣﻦ ﺍﻟﻤﻴﺮﻏﻨﻲ . • ﻭﺍﺣﺪ ﻛﻔﺎﻳﺔ . • ﺗﻤﺸﻮﺍ ﺑﻲ ﻃﻴﺎﺭﺓ .. ﺑﻲ ﻗﻄﺮ .. ﻣﺎ ﺑﺘﻤﺮﻗﻮﺍ. • ﻳﺎ ﻧﺎﺱ ﺍﻟﻤﻴﺮﻏﻨﻲ ﻟﻮ ﻋﺎﻭﺯﻳﻦ ﺗﻘﻌﺪﻭﺍ ﻓﻲ ﺍﻟﻤﻤﺘﺎﺯ ﺍﻏﻠﺒﻮﺍ ﺍﻟﻠﻴﻠﺔ . • ﺍﻟﻨﺎﺱ ﺩﻳﻞ ﻗﺎﻋﺪﻳﻦ ﺳﺎﻛﺖ. • ﻣﺠﻠﺴﻬﻢ ﺍﺳﺘﻘﺎﻝ . • ﻭﺍﺩﺭﻭﺏ ﺩﺍ ‏(ﻧﻘﻄﺔ ‏) ﻛﺘﻴﺮﺓ ﻋﻠﻴﻪ . • ﺑﺮﺟﻊ ﻟﻴﻜﻢ . • .… • ﺍﻟﺴﻴﺪﺓ ‏( ﻝ ‏) ﺍﻟﻮﺍﺣﺪ ﻟﻮ ﻋﺎﻭﺯ ﻳﻘﻮﻝ ﻟﻴﻚ ‏( ﺷﻜﺮ ‏) ﺑﺎﻟﻌﻤﻠﻲ ..ﻳﺸﺮﺑﻚ ‏( ﺣﺎﺟﺔ ﺑﺎﺭﺩﺓ ‏) . • ﻭﻗﺮّﺽ ﻋﻠﻰ ﻛﺪﺍ