centerpivot

يتناول هذا الموقع الزراعات المختلفة تحت نظام الرى المحورى

 تقول الدجاجة
....................
نفسي تعرف ياحبيبى 

قد إيه قلبي شاريك 

حب لابِد جوه قلبي 

يا سلام لو كان يعديك 

عندي عليق بالكومة 

كل منه ما يكفيك 

وحا قصقص ريش جناحي 

اعمل سرير ريش ليك 

نفسي 

نفسي عشه تضمنا 

نملاها شعير وفريك 

نفسي كوشة تلمنا 

مع زفه بالمزازيك 

ومايقولوليش يافرخه 

يقولولى يا ( مسز ) ديك 

تنادى أقول لبيك 

دبله في صباع رجليك 

أرش ميه وأنش 

ولو عطشت أسقيك 

أفرش في العش قش 

واهننك واداديك 

تزغرلى اسكت واكش 

مش زى فراخ عاديك 

تعلى صوتها عليك .. تأ 

دا بأوطى صوت ألاغيك 

واستأذن قبل مااخرج 

وأراعى ربنا فيك ، 

تدّن .. وتشجيني ، 

وابقي فخوره بيك ، 

أصحي .. افتح عيني 

على عرف احمر وشيك 

دايماً تلاقيني منضفه المطرح ، 

ومنفضه الشبابيك .. 

أبيض وأرقد ع البيض 

يفقس كتاكيت حواليك 

كميله تشبه ليك 

يا مز .. يا أحلى ديك 

وتحققت أحلام الدجاجة التي قدمت السبت في كل حاجة ، وبعد شهور تأكدت بأنها في غاية السذاجة ،لأنها اكتشفت بعد الزواج ان هذا الديك مزواج وكمان بصباص وماعندوش إخلاص ، فتحول الحب في قلبها إلى نار مشتعلة في صدرها وخرجت الكلمات من منقارها كطلقات الرصاص تؤنب ديكها وتقول : 

بقى كل الحب دا 

وتخوني .. الله يجازيك 

مفيش في الديَّكه مخلص ؟! 

يرعى العيش والفريك ، 

ياواطى .. يابوعين زايغه 

روح .. ربنا يعميك 

بقى فيه ف الدنيا زيّى ؟! 

ياللى ما يطمرش فيك ، 

الهي .. أشوفك في حَلة 

مسلوق .. يتغدوا بيك ، 

أو بتلف ف شوايه 

عريان مفضوح يا ديك

وعجبى........................

centerpivot

مهندس جمعة محمد عطا 01226076461 [email protected]

  • Currently 0/5 Stars.
  • 1 2 3 4 5
0 تصويتات / 220 مشاهدة
نشرت فى 20 مارس 2015 بواسطة centerpivot

ساحة النقاش

م جمعة محمد عطا

centerpivot
مهندس زراعى بكلية الزراعة جامعة الاسكندرية مدير محطة البحوث الزراعية التابعة للكلية كاتب لكثير من المواضيع الزراعية بمعظم المنتديات عضو اللجنة الدائمة لممر التعمير سكرتير عام منتدى العلوم والتكنولوجيا الزراعية خبير زراعة وانتاج الاعلاف الغير تقليدية ( الشعير المستنبت ) خبير استصلاح واستزراع الاراضى الصحراوية خبير الزراعة تحت نظام الرى »

زراعة وانتاج الطماطم

تسجيل الدخول

عدد زيارات الموقع

1,124,415