يفوت الوقت ويعدى
وتروح ايام وتيجى ايام
وعمر الدنيا مابتهدى
واكسب حاجة
اخسر حاجات
وحاجات تسيبنى وتعدى
ياحلم عمره مايتغيير
ارض بكر !
فيها حصان
وكلب
وطيور
وبيت صغير
ياحلم طال انتظاره
يا قلب مكسور !
يا حب كان شبيه بالارض البور..
لا بتنزرع ولا بتطرح
يا وجـع سايب اثاره فى كل مطرح
يا كل حاجه جوايا
يا اى صاحب اسمك رفيقى و مش معايا
يا خوف مسيطر عليا من سنين
السبب فى وجع قلبى الحزين
ومن غير ماعيد وازيد
هو انى لسه وحيـــد
بقلم
سامح طاحون
