مين راح يسامح
المسامح ده كريم
اعف واصفح
عن مغتاب او عن لئيم
وعيش بفرحه السماح
من رب قادر وعظيم
يسعد فؤادك بالسماح
وتحس كل الكون براح
ترمى المظالم فى الرياح
من بعد قلب كان كظيم
داالقلب الخالى
من مظالم تالمك
نعمه كبيره
صللى على اللى علمك
تكظم فى غيظك
وتعفو عن اللى يظلمك
تلقى الجنان
فتحت احضان
وتقول انا باستعد لك
وادا رمضان
شهر الغفران
بيطهر قلبك يغسلك
من بعد شهور
كنت محصور
مابين انتقام بيقتلك
وبين احساس
بظلم الناس
وكلام كتير بيوصلك
خدت القران
مع الاحسان
والعفو زاد
اكيد للجنه يوصلك
بقلم
سحر إبراهيم حراز
