لو عايز تموت شهيد ؟
ياتركب طياره............... ياتركب عباره
لو عايز تموت م الجوع ؟
يا تشترى شقه................يا تشترى عربيه بالقسط
لو عايز تموت م الحسره ؟
يا تتفرج ع الفاترينات .....يا تروح زياره لمارينا
لو عايز تموت م الغيظ ؟
يا تتفرج ع القنوات المحليه......... يا تتفرج ع النشره الجويه
لو عايز تموت م الزهق ؟
يا تستنى الأشاره لما تفتح .... يا تستنى دورك فى الطابور فى التأمين الصحى
لو عايز تموت م الهبل ؟
يا تخش ع النت .......... يا تسمع نجوم الأف أم
لو عايز تموت مخنوق ؟
يا تروح مصلحه حكوميه ......... يا تقرا الجريده اليومية
لو عايز تموت مفروووس ؟
يا تركب تاكسى ............ يا تركب دش
لو عايز تموت مرعوووووب ؟
يا تستنى نتيجه الثانويه العامه ....... يا تستنى نتيجه التحاليل عند الدكتور
لو عايز تموت مشهور ؟
يا تتجوز رقاصه ............ يا تنصب على بنك
لو عاوز تموت مليونير ؟
يا تعمل فيديو كليب............. يا تشتغل رقاصه
لو عاوز تموت ورا الشمس ؟
يا تشغل مخك ............ يا تفتح بقك
لو عايز تموت منكد ؟
يا ترشح نفسك فى الأنتخابات ....... يا تخش ف أتفاقيه الجات
لو عايز تموت م الحزن ؟
يا تفكر دايما فى أحوالك .......... يا تحط الحكومه فى بالك
لو عايز تموت م الضحك ؟
يا تتجوز أتنين ......... يا تشتغل مع المجانين
لو عايز تموت ف حالك ؟
أعمل نفسك دايما مش واخد بالك
لو عايز تموت متهنى
ابقى تعالى قابلنى
اللى ماعجبتوش طريقة من دول يقوللى وانا أشوف له طريقة تانى
المصدر: طرائف
رسالة من حكيم الزمان : لا تتخيل كل الناس ملائكة..فتنهار أحلامك..ولا تجعل ثقتك بالناس عمياء لأنك ستبكي ذات يوم على سذاجتك
نشرت فى 27 يونيو 2010
بواسطة blackhole
ساحة النقاش