الشاعره ميشو آل عمر

صباحى...

الصباح الجانى منك عطر انفاسى وغمر..
والزاز البل روحى خلانى كايس للمطر..
ياشهقة النفس البيطلع بصعوبه فى لحظة خطر..
زى فراش بطوف محلق راجى يرشف للزهر..
انا كم هويتك ياجميل وفى رجاك كمل الصبر..
فى دروب ريدك مشيت ماكلت خطاى من السفر..
لامل قلبى طريق هواك لاقنعت لاصابنى الفتر..
انا اصلى غيرك ماهويت وعيونى اضناها السهر..
كم فى رجاك ضاعت سنين واتجرعت طعم الفرقه مر..
انا دون عيونك ياملاك متوسد الاهات جمر..
داير حنانك لى يعود واوفيها لحظات النذر..
اديك من ريدى الكتير واديك كمان باقى العمر..
فى الريده اطلب سيد هواى على قلبى تامر بس امر..
ساكن دوام خاطر غناى..
فى كل لحظه...
وكل ثانيه..
ويوم يمر..

مشاعرعمر.