لقاء الأحبه
كلمات الشاعر/ رضا أبو الغيط
********************
هاتى إيدك جنب إيدى
وإحضونينى
سَمعينى نبض قَلبك
سَمعينى
يا اللى قلبى حَبك إنتى
وإسمك إنتى
نقشه حِنه فوق جبينى

هاتى إيدك جنب إيدى
وإحضونينى
وبشعاع الحب بينا
ارسمينى
ارسمينى جوه قلبك
نبض قلبك
واسكنى يا حبيبتى إنتى
نن عينى

هاتى ايدك جنب ايدى
واحضونينى
وبشعاع الحب بينا
يا حبيبتى
ارسمينى
ارسمينى جوه قلبك
شمع قايد للمحبه
حبه حبه يا حبيبتى
من شفايفك قربينى

قربينى من عيونك
من شفايفك
من خدودك قربينى
نفسى أقطف ورده واحده
من ورودك صدقينى

هاتى إيدك جنب إيدى
وإحضونينى
واسمعى قلبى اللى حَبك
واسمعينى
ها تلاقينى كحله زاينه رمش عينك
وإنتى كحله لرمش عينى

سامعه قلبى يا حبيبتى بيناديكى
والشفايف والعيون دى بتلاغيكى
مدى ايدك حبه حبه
وايدى دايما يا حبيبتى ها تلاقيكى