حُكم الزمن
كلمات الشاعر / رضا أبو الغيط
**************************
من يوم م ظهرى انحنى
وانا ساكن المنحنى
لا عُدت شايف الأمل
ولا عُدت لاقى الهنا
أنا اللى عِشت سنين
فاتح بيباب المُنى
والضحكه ع الصفين
غنوه ....ومتلحنه
فاتت سنين وسنين
والشَعر صابه الهلع
والعضم ف الفخدين
سِكنه الألم والوجع
الدمع مالى العين
بعد التَرف والدلع
يا كلمه من حرفين
جدر الشباب انخلع
مسنود على عكاز
والحمل فوقه تقيل
صوره وف البرواز
منها الحيطان بتميل
الفرع مال وانكسر
ورق النهار ولى
ودموعه زى المطر
من قسوة العِله
ياشمس يا مروحه
وصى علينا الليل
دى الخطوه متطوحه
من عتمة القناديل
*********************
