<!--
<!--<!--<!--<!--<!--
سكران بكاس الغرام
محمد صبحى عمران
ياليل البعاد أه من طولك
أه من ألمك ومن لونك
من قسوتك والدوخه فى بحورك
من لوعتك والحزن فى مرورك
من ضحكتك وصارت ياليل لونك
كلها هجر و أسى والفكر فى عيونك
ياليل البعاد أه من فكرك ومن طولك
حيران وسارح أنا أتمنى فى قدموك
أتخيل كل الهنا يا حلو ايش لونك
طويل ياليل عميق ياليل بسرك وبشجونك
أه ياليل المحبة والعشق والدمعه
يا نبض القلوب والكل راح سامعك
ياليل الحنين والدفء بحبايبك
مرسوم ياليل على جبينك أه وميت دمعه
والأه بتنزف دم جوه القلب مش سامعه
وترسم الابتسامه ع الشفه وتخفى الحزن والقهرة
هى الحبايب كدا تحب ودارى
تظهر لون الفرحة والقلب بيدارى
أصل المحبة ألم فى ليل وتاه منى
وأصبحت لوحدى أنا وحبايبى ظالمنى
وسكنت ليل الضنى وكاسى تاه منى
أسكر بشوق الحب والنشوى والاحساس
فاقد لكل الوعى بدون خمرة ولا كاس
شارب كاسات الحب والعشق والاخلاص
بقلم : محمد صبحى عمران
