<!--
<!--<!--<!--<!--<!--
حيرة وطن
بين الخطوط والشغبطة
فوق ع الحيطان متلغبطة
بألف شكل وألف لون متخطتة
والكل قال طالب نجاح وزقطتة
وكل واحد كاتب رقم
راسم رموز متظبطة
متحفلطة حتى العقول
صبحت كمان متشخبطة
من الكتابة والشعار
ورسم واضح ع الجدار
جاى يقول فرصة وطن
وكل نجم وله نجوم
عماله تضرب ع الوتر
وتقول كلام حلو وجميل
والعقل تاه راكبة الخطر
حيرة وطن
دا العقل زينة وشغلوة
يا خلق هوه أمى فى خطر
مش بالشعار والحلفطة
ولا بالكتابة والشخبطة
ولا شلة شغلتها الكلام
ترسم طموح متخطتة
يا خلق هوه
العقل زينة وشغلوة
شوفوا مين بيحب الوطن
لاء للمصالح والزبون
لاء للتربح بالوطن
من كل ألف اختار وحيد
تحس انه يكون سند
واتعلم من الماضى القريب
وجوة أكلها العفن
لكل نجم قصة وخطوط
والخوف يموت
وبأعلى صوت
عاش الوطن
بين الخطوط والشغبطة
فيه ناس كتير متلغبطة
العقل زينة وشغلوة
وكفاية يا خلق شحطتة
محمد عمران
