سوق على مهلك
يلاغينى بضحكاية
ويهدينى غنوة شوق
على هوايا
وتتحرك شفايفه معاها
اه عليه ياناس سكر
قمر بيلاغى فى مراية
سوق على مهلك
لف بيا كمان حبة
نن عيونى عليك انت
ومش قادر يستخبى
ابعد عنى احساسك ماتتعبنيش
انا كل مافيا بيتكلم
والشوق ياناس مابيرحمنيش
بتسمعنى اصالة ليه
انا ناقصة يدوب جسمى
من نظراتك هعمل ايه
نسيتنى حروف اسمى
يارب يكتبك ليا
وتكتب عليا بقى رسمى
قلبى وقلبك فى مراية
حاضن عينى دفا عيونه
يقولى لو ترضى عليا
اصونه وعمرى ما اخونه
ويفرمل عشان يسمع
منى قولة اه
وتاخدنى الاحلام وياه
ويقصر كل طريق امشيه
واتمنى ياخدنى معاه
عشان اللحظة فى وجوده
بالف حياه
يفتحلى شباكى عشان يلمس
طرف توبى
يقول بعنيه اهواكى
انتى قدرى ومكتوبى
يرقص قلبى من الفرحة
وانا شايفاه فى مراية
واشوفنى عروسة بطرحة
ونهاية سعيدة للحكاية
واقول لقلبى اتخبى
عشان الناس ماتشوفنيش
يقولى يا قشطة على مربى
بعشق امك
ماتسيبينيش
انا مش عايز غيرك انتى
وحياة جمالك ما تنزليش
ويتعطل ويتمخطر
ويكسب وقت
ويقولى من شوقه
انا قتيلك ومش سايبك
انا من نظرة عيونك
بجد اشتقت
ادوب انا فنظراته
واقول الله
يادريكسيون قلبى فايده
وفرامل روحى وياه
وهو معدى عالبوليفاج
غمزلى بعينه
اشوفك هنا بكرة
ياريتنى ساعة فايدك
ياريتنى انا الدبرياج
عالبنزينة يتلكع ويمسحلى الازاز مرات
ويركن ضهره على بابى
واسمع قوة الدقات
الف حجة عشان نظرة
عشان كلمة
انا من بدرى بستنى تلت كلمات
نمرة تليفونك كام
يالا قوام انطقها
انا بتقطع قدامك
بقالى ساعات
ليه الوقت بيعدى
مع انه بيلف يدور
وكل شوية ينزلنى
ويطمن على الموتور
عدى الوقت وبسرعة
دى حاجة تغيظ
الحاجة الحلوة بتعدى
مع كل عزيز
عالرابع دخل قلبى
وكسر الترابيس
سبت قلبى عالكرسى
وكتبت رقمى عالبريبيز
كلمات الشاعرة الغنائية
مرفت موافى
