ليله العيد
..........

بطلت ليه الغنا.....ع الطبله بالموال؟
هووا السهر غلبك.....و تعبت م الترحال؟!
يا مسحراتى الهنا.....فايت و ساكت ليه؟
قال لى دا بكره الفرح.....باينلو الف هلال!!
..............

لبه ف المساجد غفت.....تكبيره التراويح؟!
و شموع فانوسنا انطفت.....من غير مطر ولا ريح؟
و الفجر بان مبتسم.....و الكون بلبس جديد؟
اما العيال صحصحوا......من بدري ع المراجيح!
...............

ع الترزي و المكوجى......تعبنا م المشاوير
حتى صالون المزيين......زباينو بالطوابير
و سومه صوتها انجلا......بتغنى ليله العيد!
و القهوه مترصصه......و الضحك مش بالدور!!
...........

زهقت ليه مننا......يا عمنا رمضان؟!
و احنا الالم هدنا......ومعاه حجزنا مكان؟!
ح نحلوو بعدك لمين؟.....و مين يحل الكيس؟!
و الكون براحه انكمش......و رجع له الف شيطان!
مع ان بكره العيد