خايفة احضن شوقي
ياخدنى الحلم في حضنه
أنادى عليك ألاقى
غيابك حاضن خوفي
مهما تقولي ارمي
الخوف من حياتك
اطرده من قلبي
يجينى في احلامى
اهرب منه ألقاه
مستنينى في مرايا جروحي
يا روحي تعالى وشوفي
حيرتي دوبت شوقي
حروف اسمي دايبة
في دفاتر دموعي
حضنت خوفي وداريت
احلامى عن ايامى
داب الخوف ولا دابت
حيرة احلامى
يا حلم أتغطى بالشوق
خلى الجروح جواك تموت
ابني قصرك من ضحكة الأيام
ولو غابت دوبها بالأوهام
تدور الأيام ويدور الفكر معاها
يرجع الفكر محتار من قسوتها
يشرب مرارتها ولسه عطشانة
يشرب كاس وراء كاس
ولا مرة من فرحها تشربنى
رضيت بعذابها ولا راضية
بحنانها تقربني
يا خوف حالف تهزمنى
هزمت حنيني
ولا مرة تألمنى
تالمنى اذاى وأنت حتة منى