جارى التحميل
استخدم زر ESC أو رجوع للعودة
أكون غريق
كل ليله فيها قصة بلون جديد
ليلة جرح وليلة يبقى الكون سعيد
ليلة دمعه وليلة فرحة من بعيد
الليالى موج فى بحر كبير حويط
موجة عالية وموجة شايلة صوت عبيط
وموجة ترمى ال فيها ع البرور
وموجه ممكن بتلاقيها بألف لون
وموجة تبقى شايلة فى يوم غريق
وموجه صوتها تحسه هادى بصوت حزين
وموجه تفلق المراكب والصخور
وموجه تلاعب الحبايب ع البرور
وموجه تبقى شبه ليلك فى السواد
سهران فى ليل عشمان يسأل 100 سؤال
ليل الفراق ميتنسيش ويكون حزين
ليل المحبة ع الحبايب يكون طويل
بس ليلى زى موجى كان ضباب
عايشين سراب مع ضرب موجه تروح بعيد
عايش وحيد فى قلب ليل بدون جديد
ياعاشقين ايه رأيكم فى ليل حزين
يا بحارين رسو المراكب ع البرور الموج شديد
هى الحريم لو موجها زاد فى ليل سواد أكون غريق
بقلم : محمد عمران
