عم عز ...بقلم محمد الملاح
عم عز فى الانتخابات
رشح نفسه سبع مرات
لاكن حظه ياعينى عليه
عمره ماداق طعم النجاحات .
.......
عم عز فكر جديد
كل الناس عملوله تاييد
فى الاذاعات والتليفزيون
ميكروباصات وفى سكه حديد .
.......
كله معلق امله عليه
كله بيحلم بالسوكسيه
ولما عز حتما ينجح
كله هينزل يحضن فيه
.......
عم عز راجل دلدول
عمره ماكان قيمه ومسؤول
غرقان دائما فى المزاجات
كل مايمشى يكون مسطول .
......
صوره الناس بتبص عليها
اصله جميل ومبحلق فيها
الى يعدى عليه بيهدى
اصل سلامته بنوره ماليها
عم عز رجل بحبوح
راجل نكته خفيف الروح
......
عم عز محتاج ليك
لو تديله راح يديك
واما هينجح توف فى وشى
لو كلمته ورد عليك "!
