الحكايا كثير وما الها نهايي
بس حكايه جدي حلوي غير شكل

مطبعوه بالفكر وما بتروح من بالي
يوم نسمعها بتعشش بالعقل

حكى جدي عن السريسي والسيندياني
وعن فؤادها ومنها  بانعمل

وحكى عن الزعتر  والزعفراني
والي انعمل منها الدوى والمصل

وما نسي قصة الخيزراني
وحكايا ابو زيد الهلالي البطل

يوم ما قضى بايدوا على سبعا ثماني
وكان معوا شي ما حصل

قلب الدنيا فوقاني تحتاني
من اجل يظهر كلمة العدل

وحكى جدي عن السريسي والسندياني
ولمة الاحبا حولها والاهل

واصغار  حولههم فرحاني
تركض وترمح بالحقل

وعلى صوت دلعونا والماني 
كانت عراسنا الي ما الها مثل

والزجال واحد يقابل الثاني
يبدا الحوار بينهم بكلام الغزل

واحيان يكون قاسي مثل حجر صواني
بس على قلوبهم حلو مثل العسل

والنسا تهاهي بالزغاريد الرناني
وترقص وتتمايل بفساتين المخمل
وحكى جدي عن صبايا على العين ورداني
تتعبي لجرار منها والقلل
وحكى جدي عن ارض كانت بالخير عمراني
حكى القصه وفسرها من الاصل
يوم ما تركوا بيوتهم عمراني
وجمعوهم بوحدات مثل النحل
حكى جدي وعنيه حزناني
على بيوت كانت شامخه مثل النخل
تركوا الييادر والسنابل وحماني
بتشتهي عودة فلسطيني رحل
يوم ما تركوا لبيوت منهم زعلاني
بنقره صغيري منهم على الطبل
وراح النوم من عيون نعساني وما عاد في اليد شي ينعمل
وبقلوب للعودي شأماني
وننتظر حتى يتحقق الامل