اعشق بلادي جبالها وتلالها والسهول
وعشق الخضرا والزهور الي فيها

ومحلا جداولها يوم تجري للبحور
بدربها تروي الزرع وتسقيها

والمرعى تمرح فرحاني بالحقول
وراعي يعزف على الناي ويناديها

ومهما قلت فيها ما بكفي القول
خضرا ومرعى على بلادي الله عليها

في حضرة جمالها بتاخذ العقول
ومحلا الورد المفروش في روابيها

ومحلا الفرسان يوم تقود الخيول
ما اجل لونها وما اجمل اساميها

العنود وشمس الاصيل وبتول
والاجمل منها هو معانيها

ومحلا عراسنا يوم تدق الطبول
والنساء تتبهى في اغانيها

ويوم ما امي تعمل المعمول
لام أحمد وام أسعد تفرق صوانيها

وتعود ام أحمد تعيدها بالمفتول
وتقول امي معدلي الله يسلم اديها

على سطوح بيوتنا براج حمام وزغلول
فوق البيت مبنيه في اعاليها

بصوتها في العصريه بتشفي قلب معلول
وتشرح الصدور ذايقه وتنقيها

وظفيرة صبيه على كتفها جدول
وبسمي من شفاها تسحرنا وتحليها

بلادي جميله وجمالها ما هو معقول
تراثها واصالتها اخواني حافظوا عليها
ترانيم فخرية