الشاعر عاطف عبد الحميد
عمرنا مش سكَّه واحده
.................
عمرنا مش سـكَّه واحده.....بين مشـــــاوير الحيــاه
و الخطــــاوى فـــرَّقـتـــنا ....كـــل واحـــد فِ اتجـــاه
................
البــــدايه ناعمـــه جـــداً ....زىّْ مــا قـــال الكتـــــاب
كنتــى فيها ملاك حياتى.....و القلـوب كانت صحــاب
لوْ عيـــونِك تسهى عنِّى....روحى تبقى رايحه مـنِّى
و ان عيونك شافو ا قلبى....يبقـى دا طـــوق النجـاه
بس فجــأه الخطوَه تاهت....بين مشــــاوير الحيـــــاه!
.............
و انتِ فين يا وهـم عمرى......بعد مشوارى الطويــل؟
مش لاقيـكى غير حكايـه .....من خطوط المستحيـل!
و الســـعاده فِ الدفـــاتـر.....لمَّـــا كان الحلم شــاطر
ســـاب معـــانا ذكريـــاتُـه .....بس وقــت الجـد تــــاه
و الخطـــــــاوى فـــرَّقتــنا.....كــل واحــــد فِ اتجـــاه!
.............
