الشاعر عاطف عبد الحميد
و رغم اغترابى و طول القضيَّه
و ليل السفر
و رغم انى سايب فؤادى تكيَّه
لكل البشر
و من بعــد منِّــك بــدَّوَر علـــيَّا
فى كل الصوَر
لأنك يا غاليَه.. بتقسى عليَّا
و تنسى فى عز احتياجى انى ابنك
و بنسى فى ضل القساوه انى منَّك
بضيع من ايديَّا
وأتوه منَِّى ليكى
و أهرب ءاليكى
و أسأل عليكى سنينى اللى جايه
و رغم اغترابى ..و حيره كتابى
بشوفِك شبابى ..بشوفِك بهيَّه
لأنك فِ ميمِك.. مافيش حد صادك
و كل اللى رائك
لقاكى ف عينيَا
