<!--
<!--<!--<!--<!--<!--
عجبى
للشاعر: محمد الحطاوى
عجبى على ناس بتخدع ناس بكلمتين حلوين
كلامهم زى العسل فى أول لقاء م بين اتنين
كلب ناصب لها مصيدة أبو قلب اسود طين
هى المشاعر كدا يا ندل تكون بين حبيبين
تكذب وتخدع وتظلم هو راح ضميرك فين
البنت هى البنت حساسة قلبها رقيق مسكين
تسمع كلام فى الحب بسرعة تحب تحن تميل
فاهمه نباح الكلب بسهم الغدر حب لطيف وجميل
وبسرعة تروح فى الفخ ع الكمرا متوعدين
وتسمع لصوت الكلب وتحلم بأحلى سنين
وبكل حنان أنوستها تتمايل له شمال ويمين
فاهمه ان الفيس بيجمع بالحب م بين حبيبين
وناسية ان الفيس وهم جواه قلوب قاسين
عليه ذئاب وكلاب ناس معندهمش ضمير
سحقا لكل ندل بيخدع ناس حلوين
افهم ان الرب انتقامه جميل وعظيم
بكلمه تقولها البنت حسبى الله ونعم الوكيل
بقلم/ محمد الحطاوى
