صباح الخير يا اجمل بلد
يا شمس الحياه وطوق النجاه
يا ام البُنيه يا ام الولد
صباح الفل وطرحه وتُل
على عيونك يا ست الكل
يا أجمل صبيه يا فجر اتولد
صباح الرياده صباح السعاده
يا كل الشعوب يا ساكنه القلوب
يا بلدى الأبيه تاريخك سرد
ايديك هبوسها وأرضك حارسها
حالف ما أخونك وحالف أصونك
عزمتى قويه وبيكِ وتد
عايش ف خيرك ومروى بنيلك
واقف ببابك وعاشق ترابك
بعشتى الهنيه قلبى انسعد
بحبك يا بلدى وزارع لأرضى
وليكِ يا غاليه أهديك ورودى
باقه ذكيه لأطهر بلد
عايش عشانك عجبنى زمانك
عايش ف قلبك ابنك وحبك
بنيه سليمه وليكِ سند

رضا أبو الغيط