بسمة مبعوتة من الجنة ...
و صلاة الضهر و ركعتين سنة ...
و قبول من عند ربك منة.....
تملى الضحكاية عالية ..
و الناس من حواليك لمة .....
و قطرة ندى على جبينك بتنور ....
و وش بدر مدور ...
صور يا زمان صور .....
و كل حرف طالع معاه ثمار الخير ....
و يسير لك كل تعبان سير ....
و جبهة على السجادة وعادة التسبيح ....
و رايح أصلى الجمعة ومن عملى لا أستريح..
ووردة بريئة بتقبل جبين الود ...
و نهر من الكرم مالو حد ....
أبويا ... أخويا ....
افتخر بيك إنسان فى كل وقت و زمان ...
و بين الناس أتعاجب بسيرتك النيلام ...
علمت الاحترام ..إزاى يبقى الاحترام ....
و علمت اللى مدينا ضهرة .. إزاى يبقى السلام ...
و سيبنا فى خيرك بنسبح فى بحور السيرة ...
حياتك ..كفاحك ..و كل ثانية فيها .. مسيرة ...
مش مهم تقعد على كرسي و لا حتى حصيرة ...
المهم .. الناس من حواليك مالهومش سيرة ....
غير عايزين دكتور الغلابة ..
ده هو الونس ... و الأنس ....و الجيرة ....
يا رب أشوفك فى الجنة بالسندس و الاستبرق متزين ...
و طريقك حرير و يا كبيرنا ..يا والدنا .. يا حنين

إلى روح أبى ....

توفى إلى رحمة الله تعالى والد أ/بسام الشماع 15 أغسطس 2002

نسألكم الدعاء له و لموتى المسلمين فى الصلاة