يا أبو الطاجية المدورة و قوس قزح منور على القورة ....
يا أبو ضحكة ما بتروحش و يمامة بتأخدلك صورة .....
اوعك تسجن ضحكتك و حطها على الشفاة منصورة...
دى البسمة بتقلد ضحكتك و الضلمة فى ضحكتك مأسورة ....
و فيضان الفرح على أراضى الأمل و الأمانى موفورة .....
و مناظر علوم و حكم و أدب على جدران زمانك محفورة ..,,,
حا تسيبها لمين يا ده الجدع دى الحالة حا تبقى ميسورة ...
ما تشيل فى ايديك فأس و كتاب و درع ....
و قوى بسواعدك على الشجر الفرع ....
و أمشى فى حياتك بالحق و الشرع ....
و اكفى نفسك بالعمل و الضمير و الزرع ...
كل ما يحبطك حد ..قوله بكرة الهامات ترتفع ,,,,
و الهرم حا يبطل ينتحب ...و لا ينسحب ,,,,
و نيلك فى فجره يفتخر ..
بأنك بالشغل يتشتهر ....
بسام الشماع
