عطش الصحرا ........ رواه النيل
قمح وخضرا ............ وفى الكيل
مصر يا حاضرة ......... كيلو وميل
كُترة ونُضرة ......... ....حط وشيل
وشعوب الوفرة ........ فقير وذليل
بياض وزرقة ............ نهار وليل
عيونه السمرة ........ ومجرى كحيل
وعلى مصر الثورة .... دموعه تسيل
طمى وتربة ............ نوبة وسهيل
(1)
وفى فيضه ............. شكر جزيل
ولما بيجرى ............صديق وخليل
وفى العروق يسرى..... حبيب ودليل
خفاش بيحوم ....... جنب قمر الليل
يسد الميه .......... فى حنايا النيل
وعصور النوم ........ غطت جيل
ياعيب الشوم .......على خفاش الجيل
ومصر اليوم .......... هى مصر الجيل
المطرة وفرة ......... والمطر سيل
وعدو الغبرة ......... عرفله سبيل
صهيونى وصابرا
(2) ......
وحبشى عليل
وعالى النبرة ....... شد الحيل
وصرخ الزرع ......... وزعق النخيل
حذارى يا ابله ....... من اسد النيل
دى مصر يا عبلة .... فرسان الخيل
ومن عمايلكم ........ده طفح الكيل
من على افريقيا ...... هنشيلك شيل
علمنا الدنيا ......... فى ظلام الليل
الحكمة التالية ..... من حكماء النيل
" لما تقتل افعى ...... متسبيش الديل"

_________________________________

(1) جزيرة سهيل : جزيرة نوبية فى نيل اسوان بها تل اعلاه يوجد لوحة المجاعة
(2) صابرا : كلمة «الصابرا» تُطلَق اسماً على كل يهودي يُولَد في فلسطين