( صباح الخير يامصريه )

----------------
صباح الخير يامصريه
ياقلب الطير ياعصريه
ياأجمل ضحكة فواحه
ونار الفرن ..... قداحه
راسمه الخد .....تفاحه
ونايمه بحب ف عينيا
صباح الخير يامصريه

ياصاحيه الصبح ع النيه
ياخابزه اللقمه أغنيه
ياشمس الوفا طالعه
ياجبنه قديمه م الزلعه
ياراويه بدمك الزارعه
همسك للقلوب غيه
صباح الخير يامصريه

صباح الخير ياصبريه
يانعمة ربنا ......... ليا
ياسارحه الصبح تعبانه
وراجعه الضهر شقيانه
ومادا إيديكي .... لمانا
وفاتحه الحضن حنيه
صباح الخير يامصريه

صباح الخير يامصريه
---------------
بقلمي الفلاح الفصيح 
معوض حلمي 
منشأة بطاش 
تمي الأمديد 
دقهلية