🚵
🚴
🐪. حضرة الحلو المسكر 
🌴
🍬
🍨
حضرة الحلو المسكر
اللي عامل فيها عنتر
اللي قاسي عل غلابة
وعل أكابر ولا يقدر
اللي خدته بالشحاتة
واللي خدتة بالغتاتة
وحده وحده تاتا تاتا
دفنه فين يا عم منصر
بيعت أوضة م العمارة
وقلت ديه حق جارة
ايه دليلك و الإمارة
ولا كارت الرز اشطر
قلت ترعة تروي غيطنا
بيعت فيها عفش بيتنا
مهما نصرخ مين يغيتنا
نلقي موتة ونلقي محضر
عجوة بومة و عهد طين
جيت لنا بأسود سنين
كل شيء الطاق طاقين
والجراح عمالة تكتر
والمصيبة ماشي حالك
كل حاجة مسموحالك
عزبة تعمل ما بدالك
والكلاب بيقولو يشكر
#دعبسيات_ابراهيم_دعبس_الساحر
