عالَم تانى
إِحلم عيش جُوّا خيالَك
جايز يبقى الحِلم قريب
إبنى بعقلك عالَم تانى
عالَم يبقى بطبعه عجيب
عالَم فيه القلب الطيّب
فاتح بابه لكُل غريب
عالم فيه الحُب عملنا
عالَم فيه الجرح طبيب
عالَم يمسح كُلّ دموعنا
عالَم يخلق ألف حبيب
عالَم يرسم لينا الضحكه
ضحكه تنوّر وِش كئيب
عالَم فيه الصدق حقيقه
عالم خالى من الأكاذيب
عالم فيه العدل ميزان
عالم مخلوق للإنسان
يفضل طفل مهما يشيب
عالم فيه العقل يفكّر
مش دُورُه مخزن كراكيب
عالم يزرع فينا الطيبه
يقتل فينا مليون دِيب
إحلم واحلم واحلم تانى
عُمر ماكان حِلمك عيب
....................... 
سيد عبدالوهاب