ـــــــــــــــــ
مانيش طمعان ...
دا انا اللى جعان و رغم الجوع بغنى لك
و انا العطشــــان برغم النيل و مواويلك
و رغم العود بقى محنى لكنى شباب
و مش باملك عصا موسى و لا بافتح يا غاليه كتاب
لكن فى أيديا اقيد ثـــوره و أشعل نفسى فى الميـدان
عشان إنسان
لا انا لاقى تمن قوتى
و لا شايف سوى موتى
و لا لاقى تمـن الأكفان
ما نيش طمعان و لا طالب فلل و قصور
أنا طالب أكون إنسان
أعيش إنسان على أرضك
و اموت إنسان
ـــــــــــــــــــ
روف حجر
جزء من قصيدة ( المظلمه ) للشاعر / رءوف حجر
+4أعجبنيأعجبنيأحببتههاهاهاواااوأحزننيأغضبني
