الأحد : 27/11/2016 
الساعه : 1،20 ظهراً 
$ سعيد عبد القادر السيد $
* عاميه *
# حتى قلبي #

دورت عليك يا قلبي 
لقيتك بين ضلوعي 
سايبني و مستخبي 
بتهرب من دموعي 
سألتك بتبعد عني 
قلت كتير لاموني 
إن أنا منك 
و تعبت م الظنوتي 
دورت عليك يا قلبي 
لقيتك بين ضلوعي 
قلت لك خفت ليه 
من جرحي و اللي فيه 
رديت كتير عانيت 
من حزنك اللي فيك 
ما بقتش قادر أشيله 
تعبني كتير يا بيه 
دورت عليك يا قلبي 
لقيتك بين ضلوعي 
حتى قلبي يا ناس 
سابني لجرح الناس 
بيقول لي حظك معاند 
و أنا تعبت خلاص 
شوف لك قلب غيري 
يستحمل ما لاموني 
دورت عليك يا قلبي 
لقيتك بين ضلوعي 
سايبني و مستخبي 
بتهرب من دموعي

$$$ بقلبي 
سعيد عبد القادر السيد 
شاعر ال ش و ال ش 
الشرابيه و الشرقيه 
القاهره / أبو حماد