((((((((((((( القول للرجاااااال فقط )))))))))))))

★ عايز أقول وقولى مقصود للرجال : خبر عاجل ★

★ لازم تفهموا .... مش كل مذكر يتقال عليه راجل ★

★ فى كتير من النِسا .... فى المواقف بميت راجل ★

★ واقفين وسدين ............. وقايمين بدور الراجل ★

★ شايلين همومهم وهموم عيالهم ويا هَم الراجل ★

★ شقيانين وتعبانين ....... وهمهم كله رضا الراجل ★

★ غسيل وكنس وطبخ .......... دا غير مزاج الراجل ★

★ وبرغم التعب والشقى .. ترضيهم كلمه من الراجل ★

★ أونظره بعين الرضا ..... تكون بالرضا من الراجل ★

★ ليهم حقوق ضايعه ........... بسبب قوامه الراجل ★

★ يشخط وينتر ولو بالغلط ....... ويقول أنا الراجل ★

★ ياعم افهم : دى القوامه مش رتبه واخدها الراجل ★

★ القوامه حُجه من الإله .... مايفهمهاش غير الرجل