شرالثالثة بعد منتصف الوجع
رواية من تأليف عصام قابيل
الحلقة الثالثة ع
*******************
استطرد مخلص قائلاٍ
الموضوع يستحق المناقشة ياعارف... كتير من الناس ممكن يتريقوا على عمل مثالي وانساني ، وممكن يتهموا صاحبه انه بيمثل وانه مش عايش في الواقع ، وكتير من السخريه لكن يكفيك انك لما تقدم حاجة لحد ماتستناهوش يشكرك، لكن الواجب انك انت اللي تشكره انه ادالك الفرصة تعيش كإنسان
رد عارف وقال
فعلا الاخلاص والوفاء بقوا عمله نادرة في زمن بقي كله أنانية وغدر وخيانه
أنا سمعت قصه من الزمن الجميل الماضي اللي مش عارفين نقربله
كان في واحد اشتري من واحد تاني بيت
وهو بيفحت في البيت علشان يوضبه لقي كنز من ذهب
راح للي اشتري منه وقاله:
أنا لقيت الكنز ده في الأرض اللي اشترتها منك ودي من حقك
بصله الراجل وقاله
أنا بعتلك البيت باللي فيه ، ودي من حقك انت
فضلوا الاتنين يتجادلوا ماوصلوش لحل
عدي عليهم راجل كبير في السن وسألوه عن الحل ....
سألهم
سأل البائع
إنت عندك إيه أولادقاله :عندي كريم
وسأل المشتري قاله وانت عندك إيه أولاد قله عندي غاية
قالهم الولد يتجوز البنت لو ماكانش في موانع شرعية وبكده يتقسم الكنز بينكم بالعدل والرحمة
تنهد الجميع وقالوا:
سبحان الله علي الأيام دي وعظمة الناس دول
رد مخلص مستكملاً
المثالية لو ماكناش نطبقها من غير حرج وخوف من كلام الناس، يبقي مش هاتتحقق
قالت وفاء ولكن برضه النوعية دي من الناس ماعادتش موجودة اليومين دول،والفجوة الكبيرة بين العلم والتطبيق مخليه الناس بعيدة عن النموذج ده من المثالية
قالت صافي -وقد بكت حتى تورمت عيناها:
-المهم إن أنا لازم أبين موقف مخلص واللي عمله معايا
رد عارف وقد بانت لهفته من بين كلماته
يالا قولي يامدام صافي ايه اللي عمله مخلص؟
قالت صافي
- لما غاب عني مخلص وانا في عز التعب ومش قادرة من الجراحة استغربت غيابه وقلت في نفسي ده إهمال مش طبيعي
إيه اللي ممكن يخليه يهملني كده
واللي زاد وغطي لما رجع ،وقالي بعدها إنه مسافر
#عصام_قابيل
