(جنحة دفا) .......................................................................
كُل اللي آَمْنُّوا لِ الشِتَّا
كان الشتا ليهم شَبَح
كانت قلوب مِثْبِّتَّه
لِقْيِت دفاها واندبح
والليل عزف لَحْن الحياه
بَكَّى جيوشك يا دفا
والبرد لَمَّا الليل ناداه
حُضْن الحنان راح اختفى
وبْرَغْم إن الخوف جبان
سَدَل السِتار ع المجروحين
عَبَّى الشوارع والمكان
الليل وراح صَحَّى السنين
هَز الوجع إللي عجوز
صَحَّاه من النوم الطويل
قال لُه ياساكن هل يجوز؟؟
تبقى ف سكونك وانا بَ أميل
ع كل جَرْح مِخْتِفي
على الشتا والصقيع
يومك دا لازم تحْتِفي
ب موت خريفهم والربيع
شاور عليهم ياوجع
بَكِّى العيون الضحكانين
اللي قالولك لو جدع
تعرف مكان الحُزْن فين؟
زَعَّق ب صُوتك لِمُّهُم
اضرب شتاهم بالقلم
علشان يفوق لْ همهم
قول لُه دفاتري واسْتَّلَم
كَف الغَطَّا منهم كتير
علشان يِعَرِّي إللي كان
عَامْلَك وَلِّي وقال أمير
صَقِّف وليك إِدَّى آمان
وانت يااهبل جيت فِِرحْت
واديت كتير م الطبطبه
جالك هواهم رُحت سِحْت
وقعدت قعدة مصطبه
ف حفلة سمر والمجروحين
وَيَّا الغلابه فرحوا بيك
قالوا الدفا جي ب حنين
وحيات دراعك ويديك
اللي كات تعصر عصير
كل واحد راح نَفَى
إن بَرْدَّك فيه مصير
اللي قالوا لْ الدفا
ياحنين ياابوحُضْن جَيِّد
لَمَّا كنا صغيرين
كنا على حِسك نِعَيِّد
لَمَّا دَفِّيت السنين
انْسَّى كُل الذكريات
اللي بالنسبالي ذَنْب
ارتكتبته واللي فات
ياشِتا تركن ف جَنْب
والشهور الزعلانين
الديسمبر والْ يناير
قلبهم ما عاد يلين
جَرْحُّهم ولسه فاير
ف المحاكم اشتكوك
للقضا جابوا شهود
قالوا إِنْهم يعرفوك
دايماً ب تخْلِّف وعود
قالوا بَرْدُّه عادشي بَرْد
حُضْنُّه دافي وقَلْبُّه زارع
الحنان وأرضه وَرْد
حتى أطفال الشوارع
يمشوا ناموا دفيانين
قول لِي بس ع الحقيقه
ياشتانا إنت مين؟؟!!؟؟
فيه قرار وف دقيقه
انا شَكِّلْت المحاكم
وللي ادولك آمان
بما إني ليل وحاكم
حُكْمٍّي صادر من زمان
كُل جَرْح زِدْت أَلَّمُه
كُلهم يبقوا عرايا
وبَرْدٍّنا يرْفَع ف عَلَّمُه
واكْتِّب بإيدي النهايه
والديسمبر ييجي يرقص
ويناير الحزين
واي برد تاني ينقص
عندي منه كتير خزين
يحيا برد المجروحين
والغلابه اللي هانوا
واللي قالوا إنك حنين
ب قَرْص بَرْدَّك استهانوا
بِ إسْم بَرْدَّك والوَفَا
والقرار مِيَّه مِيَّه
لِ الشِتا جُنْحِة دَفَا
وعليه بِقْيِّت قَضِّيَه
ومن ساعتها بقاش آمين
ياما بَكَّى وياما جَرَح
قَلْبُّه قايل ليه ألين؟!!؟
الشتا أصلاً شَبَح

#محمد