وكلمه
***********
وكلمه ورا كلمه
وسؤال يجيب
وراه تفاصيل
و الف جواب
تخلينا نسوق ادامنا
الفرح والأشواق
كأنهم سبايا حرب
وغنيمه فى غزوه
من الابل والاغنام
لحدوته طويله
تسهرنا وترجع تمنينا
طول الليل فى
احلام ورديه
وبعديها بلحظه
نفوق من سكر اللذه
ونرمى بكاس الخسه
ونعترف انها أوهام
على خدعه محبوكه
من شيطان بوش بشوش
وصوره للغلبان والمشتاق
وضحيه بحجة الحرمان
وبالتمثيل والرضا
نكدب ونصدق نفسنا
اننا بقينا من السعداء
ضحكنا ببرود ليلنا
على تعاسة الاوقات
وقضينا امسيه
خياليه من الاشواق
===========
بقلم///محمد العليمى////