أجمل هدية
......................
فاكرني إني مش فاهمكم
أنتم الدنيا بكل عيوبها
وبكل أخلاقها تدينكم
إنسوا شكلي ومنظري
وافهموا إيه اللي قالت كل
أديان السما
وفي الحسنى دينكم
لو فهمتوا هتحسوا بيّا
إن ربي أهداني أجمل هدية
أيوه هيّ اللي مش عجبتكم ديّا
أعيشها بروح البساطة
ضحكتي سر انبساطة
فرحتي في الدنيا إيه
تفاحة حمرا وشوكولاته
لا أعرف اكذب
ولا حتى أسرق
ولا الخيانة سكتي
الدنيا عندي أيّ حاجة
أصلي مش محتاج لحاجة
كل همي لعبة حلوة
وضحكتي من قلبي غنوة
شفتوا إيه الفرق بينا
إني عند ربي بكرا أجمل
طير في أحلى جنة
وإنتم رايحين? - ?
وممكن كما ما ترحوش
حتى في دنيتكم
ما تفرحوش
بدعي لربي كمان عشانكم
إن النفس الطيبة
يهديها إلكم
حتى مرة ترحموني
وتحسوا بيّا
حتى من نظرة أسيّة
أكرموني أنا كرمي
يوم الحساب أجمل هدية
.................
بقلم الشاعر ... محمود فرج
أعجبني
