طواقي
قلت أتاجر في الطواقي
يالا عال كله مدروس
ومش مهم إيه الي باقي
أو مهم عليا فلوس
لقيته الغم جاي شراقي
ولاّ بالإحباط ملبوس
شايله ياما فوق كتافي
وهو قاعد فوق يدوس
يالا ياغم وسيبك مني
هافضل لسه معاك منحوس
يلاإخلعني و كمل حافي
يالا بلاش تعملني مداسك
إرحم قلبي وسيب مقدافي
شوفلك غيري حد مقاسك
وانا هادعي ربي اللي يعافي
يشفي قلب كتير منكوس
يمكن قلبي اتحول جافي
تاهت مني طواقي وروس
#عصام_قابيل
