**** غنوة وحدوته ****************
************* مع عمو صيام ****************
تأليف الشاعر عيسى عبد الرؤوف
* حبايبى الحلوين *
ربنا لما خلقنا . خلق جوه كل واحد منا جيش قوى
علشان يدافع عن كل أعضاء الجسم .علشان الأمراض
متقدرشى علينا -
إنتو عارفين الجيش ده جاى منين
من الفيتامينات طبعاً من أكل الخضروات والفاكهة وكل الأكل
علشان كده لما ماما تقولنا خد إشرب اللين أوكل أى حاجه
منقولشى لاياماما مبحبهوش .دى كلها نعمة ربنا . وكل
حاجه فيها فيتامين مختلف عن الفيتامين إللى فى الحاجه التانيه
ولما ماما تقولكم كمان متستعملشى المقاص بتاع حد تانى
علشان تقص ضوافرك تسمع الكلام علشان ماما فاهمه واكبر منك
وكمان بلاش تستعمل الفوطه بتعت حد تانى .عارفين ليه
علشان فيه مرض أسمه فيروس (سى) يعنى إيه فيروس
(سى) يعنى إلتهاب كبد وبائى .
حبايبى الحلوين
المرض ده مالوش اعراض يعنى لومريض متحسش بأنك مريض
لاسخنيه ولاصداع ولاحاجه خالص علشان الفيروس بيبقه نايم
ونعسان لكن لما الجيش بتاعك إللى إسمه المناعه يضعف عشان انت مبتكلشى
ومبتشربشى اللبن ومبتسمعشى كلام ماما الجيش بتاعك بيتعب
ومبيقدرشى يدافع عن جسمك . والفيروس يجرى ويجرى ويلعب
زى ماهو عايز . عارفين لعبه إيه
لعبه حرب يقعد يحارب يحارب فى الكبد وياكل فى البلازما ويخلصها
أكل كمان ومتقدرشى تمشى ويبقه الكبد كسلان وعايز تفضل نايم
وبعديها يتضخم الكبد يعنى يكبر اكتر من حجمه الطبيعى ويضغط على
الطحال إللى هو بنك الدم وبعديها يحصل رشح وإستسقاء وبعد الشر
بعد الشر المريض يموت - علشان ماوقاش نفسه من الأول ولاسمع
كلام حد .
*** تعالوا نحكى حدوته ***
كان ياما كان فى سالف العصر والأوان ناس وحشين إسمهم الصهاينه
كانوا قاعدين فى دول بعيده وسابوها وجم عندنا هنا فى بلادنا العربيه
قعدوا فى فلسطين إللى فيها الأقصى الشريف . والأقصى الشريف
كانت الأول قبلة المسلمين كلهم قبل الكعبه كلنا كنا بنصلى نحيتها
ولما جم عندنا كانوا عدد قليل وشويه شويه بدأوا يكبروا ويكتروا
ويبنوا هنا بيت وهنا بيت علشان يشوفوا أصحاب الأرض هيعملوا
إيه . أصحاب الأرض سابوهم يبنوا عارفين ليه . علشان معندهمشى
جيش ولامناعه تحوش عنهم ومناعتهم مفككه وفضلوا يبنوا ويبنوا
لما اخدوا أرضهم وقالوا دى بتاعتنا . وأصبح عددهم كتير وعندهم
جيش وسلاح . لكن لما حاولوا يحتلوا مصر إحتلوها بس كانت مصر
لسه فى اول مرضها وجهازها المناعى قوى علشان كده رجعنا وضربناهم
تانى وخرجوا من أرضنا وأخدناها منهم بالقوه .
حبايبى الحلوين
لازم نسمع كلام ماما وبابا عشان مافيش فيروس يدخل جسمنا
ودلوقتى تعالوا نسمع الأغنية الجميلة
أيوه ياتوتو بقولك بص
خليك شاطر كده بتحس
لماتحب تقص ضوافرك
أوعه تقصها بأى مقاص
وخلى لنفسك ديماً فوطه
حتى كمان وإنت صغنطوته
ديماً شقى كده ومغلبنى
ومبتسمعشى ياشبر ونص
.................................. طيب يامامتى أعمل إيه
.................................. كل كلامك فايدته إيه
.................................. لوإستعملت حاجة غيرى
.................................. قوليلى أوام يجرالى إيه
أيوه هقولك يحصل إيه
أوام هيجيلك فيروس سى
بعيد الشر عليك ياتوتو
أصله خطير متقدرشى عليه
.................................. طيب ليه يامامتى خطير
.................................. عقلى راح كده فى التفكير
.................................. خوفتينى ليه ياماماتى
.................................. كان نفسى أكبر وأبقى سفير
لاياضنايا دى بس نصايح
أصله مرض مالهوش أعراض
ماشى فى الكبد وديماً طايح
ربنا يبعد عنا الأمراض
................................. طيب يامامتى ربى يخليكى
................................. وأشوف فرحتى ديماً فى عينيكى
................................. أنا م اليوم هسمع لنصايحك
.................................. وأدعى ربنا يباركلى فيكى
======================================
حبايبى الحلوين بكره وفى نفس الميعاد إللى هييجى فيكم هيفرح بالغنوه
ويتسلى بالحدوته * أقولكم إيه توتا توتا * غنوه وحدوته
تحياتى الشاعر عيسى عبد الرؤوف
أعجبنيعرض مزيد من التفاعلاتتعليق
