دي مشكلتنا كلها
محمد ضباشه

دي مشكلتنا كلها
في ازاي نطبطب ع الوجع
وازاي بحبة نحنحة
نقعد نوشوش في الودع
علشان يدلنا ع السكك
اللي علينا بتتمرع
وعاجبها صراخنا عليها
كسر ودمر يا جدع
معرفش ليه وصلنا لكده
نفرد شراعنا ما يتشرع
اللقمة بايته في حلقنا
وخايفه تنزل تتبلع
وجبال هموم علي ضهرنا
فاكرينها بتصرخ م الدلع
ساقيتنا بتلف لورا
روحنا معاها بتتقلع
وهي بتمص اللي باقي
بعد جدرنا ما أنخلع
الناس خلاص في المطحنة
واليل سرابه ما أنقشع
والفجر لساااه بعيد
والحلم علي أعتابه أتبلع
أرجع أفكر من جديد
ازاي نطبطب علي الوجع
ألقي الحكومة بقيد حديد
بحل خالي من الورع