نْ
إن جيت تخطي للفراق
حاسب لَ قَلبي تْجَرَحُه
إبعد بعيد دا الكون براح
ولاعمر جرحي ها تلمحه
وإن جاني قلبك يوم ومال
راح أقول له يرجع مطرحه
الحب نعمه فيها الكمال
مش أي حد بيلمحه
فيه السماح فيه الوفا
مش أي نظرة تْمَرْجَحُه
ولايوم يميل علي جنب مال
ويقول دا بس بَفَرَحُه
شفت في هواك
عجب العجاب
حتي الشباب
ضاع في العذاب
ولامره كلمه بتِفْرِحُه
ياقلب مخلوق من حجر
وحدك ومن دون البشر
قلبي إشتكالي منك وجالي
يعلن عذابه والضجر
دا إن جاني قلبك يوم ومال
راح أقول له يرجع مطرحه
بقلمي / مديحه حسن
